[ كسكسي بالقديد مع طريقة اعداد الكسكسي ] من مطبخ حبيبتهم

[حبيبتهم]

http://www.libyan-kitchen.com/gallery/images/5kvk.gif

السلام عليكم

في يوم من الايام حبيت اندير الغدي كسكسي بالقديد

وحبيت انه يكون كسكسي طازج فقررت انديره وصورته ليكم بيش تشوفوا طريقتي وان شاء الله تعجبكم

اول شي طريقة تجهيز الكسكسي مقدار من السميد الخشن ولو كان السميد مخلط خشن وناعم يغربل ويفصل الناعم عن الخشن

مقدار من الدقيق كمية من الماء مذاب فيها ملح اني اليوم درت كمية صغيرة مش كبيرة

لكن زمان نتفكر كانوا ايديروا فيه بكميات كبيرة وبعدها يجففوه او يدسوه في الفريز بدون تجفيف

الطريقة ناخد كمية من السميد الخشن في صحن واسع
http://im23.gulfup.com/KGEo1.jpg (http://www.gulfup.com/?zCMWcs)
نرشه بقليل من الماء المملح
http://im23.gulfup.com/z7fp3.jpg (http://www.gulfup.com/?s7txPX)
ونحركه بكف اليد اليمين في اتجاه عقارب الساعة وكل مرة نرش الماء بكمية صغيرة

بيش مايتعجنش السميد نحرك السميد الى ان يتشرب الماء ثم نرش مرة ثانية

ونحرك ونرش مرة ثالثة

http://im23.gulfup.com/ufkA4.jpg (http://www.gulfup.com/?tF95el)
بعدين نرش السميد بدقيق ونحركه بنفس الطريقة في اتجاه عقارب الساعة

http://im23.gulfup.com/Ug6m5.jpg (http://www.gulfup.com/?MRAVCZ)
ثم نرش بماء مرة اخري ونحرك ونرش دقيق الي ان تتكون حبات الكسكسي

http://im23.gulfup.com/09wP6.jpg (http://www.gulfup.com/?fzOwvT)


بعدين نستخدم الغربال اللي عيونه واسعة

http://im23.gulfup.com/Tp6Z2.jpg (http://www.gulfup.com/?jtCNnr)
نحط كل الكسكسي اللي في الصونية في الغربال ( السقاط )

http://im23.gulfup.com/QZAV8.jpg (http://www.gulfup.com/?UUHGUx)


ونغربله وباقي الكتل اللي تقعد في الغربال ندعكها باليد

وباستعمال رشة دقيق الي ان تنزل من الغربال

http://im23.gulfup.com/ywN610.jpg (http://www.gulfup.com/?Qhli8O)
وهذا شكله ونرشه رشه دقيق ونبرمه باليد نفس الطريقة الاولى

ثم انحطه كل في غربال ثاني عيونه اضيق اسمه ( الشيال )

http://im13.gulfup.com/dIMz1.jpg (http://www.gulfup.com/?oqGgE9)

http://im13.gulfup.com/eMCx3.jpg (http://www.gulfup.com/?DvTMDx)
ونغربله واللي يقعد في الغربال هذا كسكسي جاهز

http://im13.gulfup.com/BTRc4.jpg (http://www.gulfup.com/?uiuQTC)
بعد مانكمل نحط ماء يغلي في طنجرة عالنار ونحط عليها الكسكاس

وانحط للكسكسي رشة زيت ونحركه وبعد ماتغلي الماء اللي في الطنجرة

نحط كل مرة كمية صغيرة من الكسكسي ونراجي لوين يطلع منها البخار

ثم نحط كمية اخرى الى ان تكتمل الكمية

http://im24.gulfup.com/cupn1.jpg (http://www.gulfup.com/?YuOOfo)

بعد مايتبوخ الكسكسي نقلبه في صونية واسعة ونفتحه بملعقة

بعدين ناخد غربال واسع ونحط فيه الكسكسي ونغربله بيش ينحل من بعضه تمام

ولو قعدت حبات ملتقصات ندعكن باليد ينفتحن وينزلن من الغربال

http://im24.gulfup.com/Ov0Y3.jpg (http://www.gulfup.com/?eawhUQ)


http://im24.gulfup.com/0pp05.jpg (http://www.gulfup.com/?BHS4UW)
وهذا الكسكسي جاهز للاستعمال

http://im24.gulfup.com/TsnY6.jpg (http://www.gulfup.com/?HEf28H)

بعد ماكملت الكسكسي نبدا في الغدي ( كسكسي بالقديد )

اول شي ناخد الكمية المطلوبة للغدي ونحطها في الكسكاس
http://im24.gulfup.com/LPrT7.jpg (http://www.gulfup.com/?vlppAu)

المكونات بصل مقطع جوانح حمص منقوع فلفل احمر وبزار وحرارات

ومعجون طماطم زيت ماء قديد ولوايات نحط الزيت والبصل اولحمص

والقديد في الطنجرة ونضيف الفلفل البزار والطماطم والحرارات
http://im25.gulfup.com/43dw2.jpg (http://www.gulfup.com/?7t3H9j)


ونقلبه ونصب عليه ماء ونخليه يغلي ونحط الكسكاس اللي فيه الكسكسي فوق الطنجرة


http://im25.gulfup.com/2zfH3.jpg (http://www.gulfup.com/?7oolGO)

ونخليه يغلي ويطيب القديد ويتبوخ الكسكسي بعدها انحط الخضار المطلوبة

اني درت بطاطا بس تقدري اتديري قرعة ونخليها اتطيب بعد مايطيب كل شئ

ناخد الكسكسي في صحن ونضيف له دهان من الطبيخة ورشة قرفة ونحركه
http://im25.gulfup.com/yNEP4.jpg (http://www.gulfup.com/?7KTNiz)

ونسقيه بالطبيخة ونحط عليه الخضار والقديد هذا شكله في الاخير


http://im25.gulfup.com/ylbr7.jpg (http://www.gulfup.com/?2sgiiw)

ويارب يعجبكم الكسكسي

[رميساء]

السلام عليكم
ما شاء الله عليك يا حبيبتهم
روووعه الصور والشرح بارك الله فيك
أول مرة نشوفه بالعافية عليكم
تسلمي
جاري التقييم
ممتازة

[أم خديجه]

ما شاء الله لاقوة الا بالله
تسلم ايديك وربي يعطيك الصحه

كسكسي ايهبل وباللواوي

صحتين عليكم


http://im25.gulfup.com/ylbr7.jpg

[luba]

ماشاء الله لاقوة الا بالله
ربي يعطيك الصحه منورة علي هالصور والشرح الواضح السمح
ربي يعطيك الصحة وراحة البال عندي اللواوي
احلي حاجه في اللحوم كلها رقم وااااحد
تعالي اهني ماتخليهمش في خاطري دسي لوايتين لو ماروحت كوليهم واحسبيني
العيد الجاية بي 8 لوايات مانيش مكترة عليك ههههه
ماعنديش وقت وين نروح ننشر ونلف يادوب انلف وايلفوا عليا ههههه

تم التقييم ماتنسيش اللواوي متاعاتي
http://im25.gulfup.com/n2si6.jpg

[حبيبتهم]

السلام عليكم


رميساء

اهلا بك اختي
غريبة اول مرة تشوفي طريقة الكسكسي
وتسلمي على مرورك الحلو وتقييمك


ام خديجة

اهلا بك اختي تسلمي على مرورك الحلو


لوبا
اهلا بك يا غالية انتي غير روحي وخودي مش 8 بس خودي لوايات كرشة كاملة
وتسلمي على مرورك وتقييمك الحلو

[مغتربة 7]

ماشاء الله على الفالحة ماشاء الله على الناشطة
كسكسي يهبببببببببل وايجي فى الخاطر
شرح وافي وكافي
تسلم الايادي المبدعة
تستاهلي احلى تقييييييييييييييم

[أمـ ساره]

ماشاء الله لا قوة الا بالله

كسكسي ايهبل وايجي في الخاطر

شرح كتفي ووافي ماشاء الله عليك

وما فيه أحلى من الكسكسي الأخصر بنة وصنة

تستاهلي التقييم والنجووووم كلها

[sweet nona]

ماشالله

كسكى تحفة

http://im25.gulfup.com/ylbr7.jpg
تسلم ايديك عالموضوع الشامل والشرح وبالصدفة كيف

تغديت كسكسى بالقديد بس عاد امى مطيبة

موضوعك يستحق التمييييز والتقييييم

[بنت حواء]

ماشاء الله روووووووعة
تسلم يديك على الشرح والموضوع المتكامل
ولك أحلى نجووووووووم

[حبيبتهم]

السلام عليكم

مغتربة 7
اهلا بك يا غالية وتسلمي علي كلامك الحلو وشكرا عالتقييم الحلو


ام سارة
اهلا بك يا غالية وتسلمي على مرورك وتقييمك

سوسو
اهلا بك يا غالية وتسلمي على مرورك وتقييمك وصحتين عالكسكسي


بنت حواء

اهلا بك حبوبة وتسلمي على ردك وتقييمك

[هدى محمد]

حرام عليك اللواوى ما عندش معاهن روح بجد شكلي نبي نتعلم الطبخ علي ايديك

[نسمه ليبيه]

اي شي دايرته حبيبتهم معناها يجنن حتى وانا عمرى ماذقته واول مره نسمع ان فى كسكسي بالقديد بس متاكده انه جنان


يسلموا حبيبتنا

[نسيبة]

تسلم الايادي حبوبة احلى تقييم و اروع نجوم

[المصراتيه]

ماشاءالله يعطيك الصحه
نفس طريقتي بالزبط
لكي تقيمي وتسلم يدياتك

[زوبة الطيوبة الحبوبة]

ماشاء الله.. تسلم ايديك

[نسيبة محمد]

يسلمووووو