[مشاركة في مسابقة التطبيقات لمواضيع المنتدى] الرشدة المبكبكة لزينب محمد من مطبخ أمـ ساره

[أمـ ساره]

http://www.libyan-kitchen.com/gallery/images/ccc.gif


السلام عليكم ورحمة الله وبركاته



هبلتني لوبا أمس لما شفت تطبيقها لزينب محمد في الرشدة المبكبكة

واني ماعندي الروح معاها حتى كل يوم ناكلها

بس مشكلتي كانت ما عندي قديد لأني ما ناكله بس نطيب بيه عادي

المهم اليوم كنت ناوية نديرها ولما الليبية تنوي الحاجة تخترع وتتفنن


عندي طريف لحمة من الشاكلات (الضلوع) داستها للمحشي والشربة العربية

حطيتها على النار مع المية خليتها تغلي وبعدين صفيتها وحطيت لها شوية زيت

وخليتها تنقلى في الزيت ونزلت دهانها وبعدها ضفتها لطنجرة الطبيخة متاع الرشدة

وبصراحة اعطت بنة القرقوش في الرشدة وجت مش عادية

بس ناقصها رويس فلفل أخضر وحبق وشبت وتجي على كيف الكيف


وبعد المحاضرة الطويلة

هذا رابط زوبة


[ الرشدة المبكبكة ] من المطبخ الليبي لزينب محمد (http://www.libyan-kitchen.com/kitchen/showthread.php?147-الرشدة-المبكبكة-من-المطبخ-الليبي-لزينب-محمد)






وشوفوا صور تطبيقي



http://i1159.photobucket.com/albums/p637/the_faithe/reshdah_zpsb6a4c486.gif



http://i1159.photobucket.com/albums/p637/the_faithe/reshdah1_zps63224510.gif



http://i1159.photobucket.com/albums/p637/the_faithe/reshdah2_zps257c92ea.gif



http://i1159.photobucket.com/albums/p637/the_faithe/reshdah3_zps907a243b.gif






وهذه أول مرة نديره في حوشي

قبل ديمة ناكل فيه في حوش أهلي من ايدين أختي


وان شاء الله تطبيقي المتواضع يعجبكم

وربي يبارك في زوبة ويعطيها ما تتمنى

ويفتح دروب الخير قدامها يارب

[sweet nona]

http://i1159.photobucket.com/albums/p637/the_faithe/reshdah_zpsb6a4c486.gif

ااااااااااااااااه الليلة كوابيس ههههه بطنى تعبت توا كنت

عند ميرولاكى هههههه لكن عاد مانفوته من ايدين ام سارة

واختراعها الخطير

نجىيها ياربى صحتين عليك وان شالله تنوضى بالسلامة صحة وهنا

ياااااااااااارب

تطبيق رااااااائع ياغالية

احلى تقيييم

[luba]

تسلم ايديك ماشاء الله صحة علي قلوبكم
ربي يعطيك الصحة ويقومك بالسلامة
وفكرتك حلوة متاع القرقرش الكدابي هههههه
حتي اني ماعنديش الروح معاها
بارك الله فيك وفي زينب محمد
ولولا زينب راني ماكليت الرشدة لحد روحت الي ليبيا
او نشري الماكينه ربي يفتحلها دروب الخير وكل ماتتمني يارب

والله طلعتي اتسخفي يا ام ساره معقوله تقعدي تراجي فيها لحد
تمشي لي اهلك بس برافو عليك المرة الجاية وين يجوك ضوقيهلهم من ايديك
صحة صحة علي قلبك الصغير هههه
جاري التقييم

[أمـ ساره]

الله يسلمك سويت ويبارك فيك يارب

وصحيتي على كلامك العسل وردك الحلو زيك

وكثري منها هالدعوات الحلوة هذه




لوبا

ضحكتيني يعطيك الهني الله غالب هذا حالي

وصحيتي حبيبة على كلامك العسل ودعواتك الحلوة الي ديمة تنوري بيها مواضيعي



وربي يبارك في زينب ويعطيها ما تتمنى يارب

[ميرولاكى]

الحمد لله يااااااااااااااااااارب العالمين اللى درتها وكليتها قبل مانشوف الصوره هذى لانى نذوووووووووووووووب معاها
الله يسلم ايدياتك وديات زينب ان شاء الله مره اخرى نجربها بطريقة الغرب نحس فيها تختلف شوى بس تهبللللللللللل لانى ضايقتها فى طرابلس
وتوا نبى نلحقلى على شوى ناكلهن قبل مايقضى عليها ههههههههههههه مفجوعه مزال ماشبعت منها
وصحتين والف عافيه على قلبك

[المصراتيه]

ماشاءالله لا قوه الا بالله
منظرها يسهف
يعطيك الصحه وتسلم يدياتك وان شاءالله دايما
تستاهلي احلي نجيمات ليك وللمقطعه الحلوه

[حبيبتهم]

ماشاء الله عليك ام سارة
تسلم ايديك وايدين زينب عالرشيدة الفايحة

وجاري التقييم

[أمـ ساره]

ميرولاكي


المصراتيه


حبيبتهم



مشكورات وخياتي على مروركن وردودكن الحلوة والدعوات الطيبة

وربي يهنيكم يارب

[بنت حواء]

ماشاء الله على التطبيق الإحترافي
والإختراعات الرووووووووعة
امقطعة تشهههههههي
تسلم يديك وصحة وهنا على قلبك
ولك أحلى نجوووووووم

[الصابرة]

تسلم ايديك ماشاء الله
صحة علي قلبك وعلى من كلاها
تهبل وتطبيق متقن
سلم دياتك وديات زينب محمد
وحلوة فكرة القديد المغشوش
وفعلا الحاجة ام الاختراع
ربي يعطيك الصحة ويقومك بالسلامة يارب