المساعد الشخصي الرقمي

مشاهدة النسخة كاملة : [ براك كرنب وفلفلة وتلات طماطمات ] لراس ورويس من مطبخ للاهم



للاهم
12-24-2010, 09:05 PM
http://www.libyan-kitchen.com/gallery/images/img766qpq.jpg


خير يا بنات
الحكاية مش مستاهلة شطحة العنوان ، كل ما في الامر اني جتني عالبراك وانا نطبق في المكرونة المسقية بالبصلة لزينب محمد حليت التلاجة لقيت كورة كرنب بادية تنصفر وراس فلفل حشو الوحيد اللي جاباته شجيرته ف جناني ناسيته ف التلاجة ماني عارفة شن دير بيه ما نحبشه ف السلاطة ولا عالبيتسا ولا ف الفاهيتا ما نحبه الا محشي ليبي معنقر تقلب بنته الشارع وتجيبكن من وين
معناها اضربن القرين في راس الكرنب في 3 طماطمات روما مافيها الا محيشي في طنيجرة دوب الدوب يجي عالجنب مع المكرونة
باهي ما هو انا حايسة في المكرونة وسريبها الطويل ومانيش سريعة واجد في الشغل امهل من المهل نسحن اللي يتفرج عليا
حليت الدولاب بحتت في ست البيت بعين وحدة لوحدة كان تشوفها امها توريها على الكسل وتقوللها خسارة تعليمي فيك
دفيت كلام امي من الطريق وطلعت ست البيت رفيقة البايرات والمستعجلات والموظفات وحضرة جنابي وحشيت فيها البصل الحويل والمعدنوس والشبت وقرن فلفل خضر وعلقتها وحاولت قدر الامكان يجي كانه مقرض باليد المسقمة
وهاتن فضيته في قصعة وقرضت فوق طماطم حب وشوية طماطم معجون ورز وحرارات وملح وبزار حكة نعناع يابس وانا ما نستعملش في الفلفل الاكحل في وكالي ولا عندي حتى ف الدولاب لأسباب صحية تخص صاحب بيتي
الحصيل صبيت عليه زيت زيتون وخلطت الحشو كويس
وكنت حالة قرين الفلفل والطميطمات وموتية ورق الكرنب بعد سلقته في مية فيها شوية ملح وشوية كمون حوت حاشا عيونكن عشان ما يديرش نفخة ووو
بس عمك الكرنب ورقه كان مش ما تمنيت ناعم ورطب واملس
كان من النوع اللي معرق واجد ومكرمش
ما علينا ماني نويته استمريت فيه المهم الطعمة
وعاد ستفت اللي فضل منه والعروق اللي فصلتهن في قاع الطنجرة
وستفت لبراكات والفلفلة والطميطمات


http://www.libyan-kitchen.com/gallery/images/img7674.jpg


وكنت لما كملت من ست البيت غسلتها وحطيت فيها فصوص ثوم وملح وطحنتهن
وبعدين عصرت عليهن ليمونة خذيتهن وسقيت بيهن المحيشي اللي قاعد توا عالنار
بلكي تستغربن الثوم
بس هذي طريقتي ماخوذة عن جدتي لأمي
اللي واخذتها من امها جدة امي
براك الكرنب لازم له الثوم والشبت ينحط بين الطبقات
ويلزم له الليمون
طبعا انامغير طنيجرة صغيرة ما طقت تدير طبقة وحدة فصبيت الخليط من فوق
وحطيت شوية ورق نعناع زيادة فوح
ولاحظن ان ابراك الكرنب يبي مية زايدة يطيب فيها
لما طاب رتبته في الصونية كيف مانكن شايفات


http://www.libyan-kitchen.com/gallery/images/img7675.jpg


شكله ناقص شويه لأن ورق الكرنب ماكانش حاجة
الفلفلة والطميطمات زيادة مني عادة الكرنب يندار بروحه
نحب ننتقد اكلي بيش نفطن للأخطاء في المرات الجاية
رد بالكن تطحن الخضرة في ستك البيت افندي
يا محلا التقريض

سحابه صيف
12-24-2010, 09:07 PM
مشكورة حبوبه

للاهم
12-24-2010, 09:10 PM
تسلمي خيتي

زينب محمد
12-24-2010, 09:16 PM
هههههههههههههه

يعطيك الهني و السلامة ياللاهم

اسلوب كتابتك يهبل

و محشياتك قنينات لو ما طيبتهن مع بعضهن

اكيد التقريض باليد احلى من التقريض بالالات و ابن

ربي يسلم هالايديات حبيبة و يعطيك الصحة و العافية

صحتين و هناء على قلوبكم مطرح ما يسري يمري

نستنوا منك اطباق جديدة و تهدريزات جديدة ياحنا

وان شاء الله ما نفقدوك و لا نفقدوا طلتك و اطباقك الحلوة ياودة

دمت في وديعة الرحمن

للاهم
12-24-2010, 09:25 PM
ههه شكرا زوبة ما نتريح نين نلاقك معلقة علي طبخاتي
بكرة كاااان فضيت ننزل تطبيقي لمكرونتك على طريقتي الاستعجالية بالوقت اللي يبقالي من كثرة القعاد في مطبخك الليبي
مدام اونلاين : اسمي الجديد اللي يناديني بيه راجلي

نوارة ليبيا
12-24-2010, 09:30 PM
ماشاء الله والله يجي في الخاطر ^_^

واسلوبك يشد ويخلي الواحد ينسجم ويقرا وهو مبتسم

ماشاء الله عليك معلقة طبخ ممتازه هههه

^_^

طمطم
12-24-2010, 09:33 PM
هههههههههههههههههههههههههههههههه الله يعطيك السلامة يارب على هالاسلوب
تجنني ياللاهم
بس بنقولك حاجة ..... حاسة عندك مدونة وتكتبي فيها في يومياتك؟ بالله عليك تعطيني وصلة لو عندك

إن شاء الله غير مش كراسة مانلقو كيف نوصلوها.... لو عندك حاجة عالنت
عندك أسلوب يجنن ممتع في الكتابة
الله يهنيك

ام الجميلات
12-24-2010, 11:14 PM
يسلموووا على خفة دمك

فضااوي
12-24-2010, 11:36 PM
ههههههههههههههههههههههههههه
يعطيك الخير ياللاهم
انتخيل فيك وانتي حايسة بين المكرونه والمحشي هههههههه
بس كنتي صورتي الكوجينه عشان تكمل ههههههههههههههه

تسلم ايدياتك يالغلا

ليبيا قلبى
12-24-2010, 11:47 PM
اممممممممم
منظرها ايجنن
والاكيد الطعم احله
تسلم ايدك

أم إيناس3
12-25-2010, 12:10 AM
يسلمووووووووووووووووووو

نسمه ليبيه
12-25-2010, 12:18 AM
حكاياتك مسليه ومحشيك حلوووووووووووووووو

الساجدة لله
12-25-2010, 12:52 PM
بسم الله ماشاء الله لاقوة الابالله

يسلمو ايديك حبيبتي

خدوج
12-26-2010, 12:42 AM
يسلمك طيابة
وهدرازة
ربى يحليلك صحيحتك

اريناس
12-26-2010, 01:27 AM
وفى نهايهـ محشى حلووووو من تحت ايديااتك

يعطيك الصحهـ

نعم درناويه
12-26-2010, 07:43 AM
هههههههههههه يعطيك الصحه ياللاهم نقرا فى كلامك ونضحك زى المهبوله خبرك ايسهف

سلم ايديك يا حنه وبالصحه ان شالله

لكن مش عارفه ليش عندى شعور ان ليك جذور درناويه

للاهم
12-26-2010, 06:06 PM
شكرا خياتي الطباخات الماهرات اللي علقن هنا بكلامهن السمح اللي يفتح النفس
وفعلا يا نعم درناوية
فيا عروق وتجري في دمي مية الشلال يا يام
والخال والد
ههههههههههه

انتصار
12-27-2010, 07:11 AM
سلمها وسلم لسينها .. وصحتين وعافية على قلبك يا حنة ..

ليبيا
12-27-2010, 10:33 AM
يعطيك السلامة والفرح ...
بس بنقولك اوخيتي نحنا الكرنب = الزهرة
والملفوف هو اللي لفيت بيه هالبركات ..

صحتين على قلوبكم .. هذي ست البيت الشاطرة ادير شئ من لا شئ

يسلموا ايدياتك مدام اون لاين ههههههه

للاهم
12-29-2010, 07:56 AM
خيتي ليبيا صدقتي بس نحنا البناغزة نقولوه كرنب ورق والزهرة نقولوه كرنب بونوارة :)
عمرك شفتي ارنب لابس عوينات! أأأأأ قصدي عمرك شفتي زهرة ملفوفة ابراك :)

للاهم
12-29-2010, 07:57 AM
شكرا خيتي انتصار زيارة ونيارة يا يام

أمـ ساره
01-02-2011, 06:31 PM
ماشاء الله وخيتي للاهم

سلمت ايدياتك حبيبة شكلها ايهبل

والملفوف المحشي بنته مش عادية

صحيحتين على قلوبكم

للاهم
01-03-2011, 10:38 PM
تسلمي ام سارة تفضلي منه

ام انسام
01-05-2011, 08:10 PM
محلى اسلوبك ياللاهم يهبل
ياريتك جارتي وكان هذا خودي غداي وعشاي عندك ههههه
سلمها يارب
وكلامك عالتقريض باليد خير من ست البيت صح مية في المية
ربي يسلم ايدياتك ويخليك

للاهم
01-05-2011, 08:49 PM
ياريتك جارتي ومرحبتين بيك في كل دقيقة
ما نسكر بابي بلكل
راهو صونية ماشية وصونية جاية
اه من الكساد
انا ثرثارة عالنت مش من بلاش

kittygago
01-09-2011, 10:16 AM
ما شاء الله عليك يا حبيبة ما شاء الله

ربنا يبارك في عيلتك يا رب

و يسلم ايدياتك

للاهم
01-17-2011, 07:07 AM
شكرا كيتي قاقو طيب المرور خيتي

السمحة
01-25-2011, 09:51 PM
روعة حبيبتى للاهم كل اللى من ايدك روعة وكلامك عسل
تعرفى حتى انا انحب التقريض باليد والثوم فى المهراس يطلع افوح حتى احباش الحساء فى المهراس مازالت من الدق القديم وزوجى يضحك عليا لما اندق فى المهراس يقولى الجيران يشكؤ من مهراسك مع التقدم والالات اللى تكثر يوم عن يوم فى المطبخ

للاهم
01-25-2011, 09:57 PM
شكرا يا سموحة ومعاك حق كل شي علي اصوله يجي سمح
اسمعي نزليلنا طريقة الحباش علي اصوله وبالتفاصيل المملة كتابة وصورة باهي!

السمحة
01-25-2011, 10:23 PM
من عيونى

Om Saga
01-26-2011, 01:30 AM
بكل صراحه فنانه
ماشاء الله عليك
صونيه تخلي الواحد يهجم مش ياكل هههه
ربي يباركلك ويحفظلك عائلتك وجداك وجدة أمك

للاهم
01-26-2011, 05:30 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة السمحةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifمن عيونى http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifيسلمن عيونك السمحات وما يشوفن الا الفرح والهنا

للاهم
01-26-2011, 05:32 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة Om sagahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبكل صراحه فنانه
ماشاء الله عليك
صونيه تخلي الواحد يهجم مش ياكل هههه
ربي يباركلك ويحفظلك عائلتك وجداك وجدة أمك
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ههههه صحتين بالنظر
الله يسلمك ويسلم احبابك ام سجى خيتي

نسيم البحر
01-26-2011, 05:58 AM
تسلم ايدياتك ياللاهم والله شكله حلو واكيد البنه احلي
واسلوبك في سرد الحكايه احلي واحلي
دمتي حبوبه على الوصفه

للاهم
01-26-2011, 06:03 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نسيم البحرhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifتسلم ايدياتك ياللاهم والله شكله حلو واكيد البنه احلي
واسلوبك في سرد الحكايه احلي واحلي
دمتي حبوبه على الوصفه
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

شكرا نسومة على كلاماتك الطيبة

حنان
01-26-2011, 06:43 AM
الله يبارك ماشاء الله يجى فى الخاطر
يسلم ايديك يارب

mnona
01-26-2011, 10:09 AM
http://www.libyan-kitchen.com/gallery/images/141888iri.gif

ناني2007
01-28-2011, 08:15 PM
هههههههههه عطيك الهناء ياللاهم ...والله جبتيه في خاطري المحشي

يسلمو هاليديات اللي يتلفو بالحرير ياغالية

بنية بوها
01-28-2011, 08:58 PM
ههههههههههههههههههه رائعة يللاهم صحتين علي قلبك

بنت الاشراف
04-29-2012, 08:50 PM
سلمت يداك

أسماء القائد
04-29-2012, 11:25 PM
ماشاءالله عليك ضولمة تسهف ...تسلم إيدياتك يامدام أويلاين

نسيبة
04-30-2012, 06:30 PM
ما شاء الله سلم ادياتك حبوبة

luba
06-30-2012, 01:43 AM
تسلم الايادي بارك الله فيك لك تقييمي:o