لمةعشية لمشتركات المطبخ الليبي

[خواطر حساسة]

السلام عليكم




شكرا لدعمكم ليا والمساندة المعنوية فقررت نعمل لمة والكل مدعو هيا تفضلوا

1176


اول شي الشكلاطة والعصير ماتتحشموا


1175



تفضلوا الشاهي الاحمر مع الخبيزة وبوريك الجبد والبيتزا والطعمية


1178


1177

عملت منهم المعششوة وبسكوت الشطرنج ورشيت عليه سكر ناعم

والنوعين التانيات شريتهم وقدمتلكم معاه النسكافيه وباسطي


1179

[خواطر حساسة]

1181
هيا عالفاكهة
1183
وفي الختام قبل ماتروحوا شموا الصنة وتبخروا بالبخور 1182

[أمـ ساره]

ماشاء الله على اللمة الحلوة أختي خواطر

وتعرفي جت في وقتها وخيتك جعانة وت

بي حاجة تجي لعندها تاكلها


ان شاء الله ديمة ملمومين عالخير والفرح يارب

وبارك الله فيك وربي يعوضك خير ان شاء الله



دمجت المواضيع مع بعض حبوبة في موضوع واحد

[لوتي]

مشكورة علي اللمة الحلوة والحاجات إللي مقدمتيهم ايشهو تسلمي

[om_adnan]

وعليك السلام خواطر...لمه اتجى فى الخاطر,ما نقصتى شى,ماشاء الله.

[ميرولاكى]

اووووووووووووو لمه تهبل ماشاء الله
انا مسامحه فى كل شى بس نبى الطعميه كلهااااااااااااااا
وان شاء الله ديمه ملتمين

[sweet nona]

هلا بالصبايا ولمة خواطر الحلوة..هادا من واجبنا ودليل على ترابطنا و1000 الحمدلله..انى جيت وخديت حصتى من كل شىمن الشوكولاتة والعصير لعند اخر حاجةهيا اتفضلو ..شن اخباركم وكيف حال الصحة اليوم وشن دايرين.انى عندى حفلة بنت خالى الاربعاء كنت برااندور فى قفطان ماعجبنى شى بكل وانتى ام سارة شن صار فيك بديتى توتي فى حاجاتك ان شالله تنوضى بالسلامةلوتى شن اخبارك..ام عدنان هلا بهالطلة وين الخبزة نبو فكرة عليها اكتر نزلينا حتى موضوع خل نتعرفو ميرو شن الجو خاااااااصة بعد ماكليتى القديد ..ههههههههههههي كل وحدة اتخش تحكيلنا وتهدرز خواطر منورة عاللمة الحلوة مع انه ليل توا بس سامحونى جيت متأخرة عاد قولتلكم وين كنتواخر شى الفواكه لالا بناخد نص تفاحة باش منردكشمممم ريحة البخور اتهبل بس لا مانبخرش بخى شوى من الريحة ..مم فوح صنتك هههههغريبة لوبا ..مش قاعدة تأخرت ومغتربة7 والمصراتية وووووووو الباقيات

[حبيبتهم]

السلام عليكم ماشاء الله لمة حلوة وخيتي خواطر ربي يعوض عليك وتديري احلى لمة

[نسمه ليبيه]

ان شاء الله ديمه ملتمات عالخير يارب

خواطر كنك مصغره السفر رانا واجدات والله مش عابيه بيا؟:mad:

ربي يعوضك خير ونديروا لك احسن لمه
انا اليوم ماطلعتش هدرزت مع صاحبتى فى التليفون وهدرزت مع جارتى من السور وتوه جايه بنهدرز معاكم

[خواطر حساسة]

نسمةحبيبتهم سويت ميرو ام عدنان لوتيام سارة
نورتوني وشرفتوني عاملة لكل وحدة تبسي خاص بيها
ام سارة عزيزتي مشكورة كل الشكر علي الدمج تعبتك معايا انا مش شاطرة في تنزيل الصور بس نجتهد في تنزيلها منك السموحة
بس وين البقية.......

[بنت حواء]

مشكورة على العزومة الحلوة والبخور الفايح تسلمي

[تعزيز]

طقطق طق جتكم تعزيز

شوفي احلى شيء اللمة ان شاء الله نلتمو في افراح المنتدى

اعطيني الطعمية والحلو اعطية للحلوات لحبوا الحلو


وهاتي طويسة المية المعطرة



تو سلامي وتحياتي