[ مبطن السمك ] من مطبخ لوبا

[luba]

http://www.libyan-kitchen.com/gallery/images/eoe.gif




السلام عليكم ورحمة الله وبركاته

مبطن السمك


ناخد سمك نقوم بتنظيفة وتقسيمة الي نصفين

متل سمك السردين

اسمه هيرينق

بس يشبه للسردين واااجد في الشكل بس


نضع السمك في التتبيلة :

توم مهروس - عصير ليمون - كمون حوت -
ملح - فلفل اسود- فلفل احمر البابريكا



http://www.libyan-kitchen.com/gallery/images/la799vgv.jpg


حشوة السمك :


بصلة صغيرة مفرومة ناعم- فصين توم مهروس - ملعقتين كبار كسبر اخضر

ملعقة صغيرة هريسة ليبية

ملعقة صغيرة كمون و فلفل احمر بودر

ونصف ملعقة صغيرة ملح وربع ملعقة صغيرة فلفل اسود وكركم

وبيضة وملعقة ونصف كبيرة دقيق

نخلطها مع بعضها تكون متماسكة نوعا ما

ادا احتاجت دقيق اضيفي لها بالتدريج


http://www.libyan-kitchen.com/gallery/images/la803.jpg



http://www.libyan-kitchen.com/gallery/images/la804.jpg




اما ان نضع الحشوة بين كل طرفين من السمك او

نضعها في طرف واحد ونلف عليها الجزءء الاخر من السمكه

اني لانها طويلة غطيتها بالجزء الاخر من السمكه


http://www.libyan-kitchen.com/gallery/images/la807.jpg





ونغمسها في الدقيق ويمكنك القلي مباشرة في زيت ساخن

علي حرارة متوسطه اليعض منه غلفته بالدقيق وقليت والبعض منه

غلفته بتغليفة السمك من زينب ♥ شكرا زينب محمد ♥

في هدا الرابط (http://http://www.libyan-kitchen.com/gallery/images/la806.jpg)


http://www.libyan-kitchen.com/gallery/images/la800vpv.jpg

نتيجتها اكتر من رااائعة واللي حتجربها حتبهرها النتيجة والبنه

اخدنا تتبيلة السمك واضفت عليها عصير ليمون وخففته بالماء

و اضافة الماء حسب رغبتكم واضفت الدقيق وحركناهم كويس وغلفت بيهم السمك

وقليتهم علي طول



http://www.libyan-kitchen.com/gallery/images/la802pvp.jpg




http://www.libyan-kitchen.com/gallery/images/la806yty.jpg

[حبيبتهم]

ماشاء الله عليك يا لوبا
وصحتين عليكم اني مانحبش السمك لكن في معلومة نعرفها
ان السمك مايطلعش عليه البصل يعني ايريح طعمته او حاجة هكي مانعرفش بالزبط

وتسلم ايديك وجاري التقييم

[ميرولاكى]

ماشاااااااااااااء الله سهفتينى على السمك
طريقه حلووووووووووووه وعجبتنى
صحتين والف عافيه على قلوبكم

[أمـ ساره]

ماشاء الله على الفكرة الحلوة

عجبتني وان شاء الله مع أول فرصة نجربها

وسهفتيني على السمك المقلي يابنت

بالهني والعافية على قلوبكم

وتستاهلي أحلى تقييم لو مشي

ولك كل النجوووووووووووووووم

[الصابرة]

ماشاءالله .. تبارك الرحمن
اني ماعندي روح مع السمك وفكرته حلوة
سلم دياتك وربي يبارك فيك وفي وقتك وجهدك يارب
احلى تقييم ونجوم لو مشوا

حبيبتهم .. حتى اني سامعتها ان البصل مايجيش مع السمك ويخلي طعمته حلوة كانه به سكر
لكن اني من يوم ماعرفت اني انطيب السمك
واني اندير في البصل مع السمك وعادي مانحسش في فرق بيه او بلاه

[luba]

بارك الله فيكم علي مروركم اللي يسعد
يفرح نورتوا الموضوع

حبيبتهم حتي اني سامعة بيها بس مش كل انواع السمك في نوع
معين والحق مانعرفاش لاني انطيب ديمة في الاسماك اندير شوية منها في الفرن
وشوية قلي واللي عجبني انكمل بيه الباقي
وهو ممكن مع الطبيخة لاني اني حرايمي السمك اندير فيه بدون بصل
علي خاطر هالمعلومة

[بنت حواء]

http://www.libyan-kitchen.com/gallery/images/la806yty.jpg


يمممممممم ماعنديش روح مع السمك
وماشاء الله طريقة جديدة وحلللللللوة
جاري التطبيق في أقرب فرصة بإذن الله
تسلم يديك يالوبا الحبوبة
وصحة وهنا
وأحلى نجوووووووووم

[زوبة الطيوبة الحبوبة]

طريقة حلوة ويسلم هالايديات اختي لوبا وانا نحب السمك هلبا لاني متعلمة جميع الطرق في طبخه من امي
بس عندي ملاحظة وهو ان حشو السمك يظهر كانه جاري شوية
والسمك المحشي يفضل تكون حشوته جافة او شبه يابسة
باش لما نقليه ماتنزلش الحشو متعه ولو في الكوشة مايتزلش هلبا مية
وتقبلي ملاحظتي بكل رحابة صدر
وليك كل حبي واحترامي..

[luba]

شكرا لي مرووركم واسعدني كتيرا

بارك الله فيكم ربي يعطيكن الصحة وراحة البال

عزيزتي زوبة الحبوبة لا عادي تفضلي اعطينا افكارك ونصائحك وكلنا ادان وعيون تري وتسمع

بالنسبة الحشوة مش جارية ومش يابسة وهي متوسطة ومانحبش تكون يابسة بالنسبة ليا لانها هكي مرات اطول في القلي

بس لما تكون اكترها دحي ومش هلبة الدقيق اسرع في القلي

وانه الزيت طلع نطيف مش نازل فيه شي وماطلع مني شي الحمد لله الكل لازم يغير في الوصفات علي دوقة

زي اني توا اضفت ماء علي طريقة زينب لانه مانحبوا بنة الليم هلبه او تبان في الاكل بس فكرتها روووعة وغيرت تغيير بسيط

بس زعلانين منك تعرفي في المطبخ ومتعلمه من امك وما تورينا حتي شوية في انتظار طبخاتك ماتنسيش

[دانية]

الله ايهبل المنظر سلم ايديك والف صحة وهنا

http://www.libyan-kitchen.com/gallery/images/la806yty.jpg

[نسيبة]

تسلم الايادي حبوبة لك احلى نجوم

[رميساء]

السلام عليكم
بارك الله فيك يا لووووووبا
مشكوره على الشرح والصور
تسلمى
جارى التقييم

[أم ملك]

تسلم اليديات روعة ربي يبارك فيك

[luba]

اهلين بيكم نورتوا الموضوع بارك الله فيكم

[بنت الاشراف]

تبارك الرحمن سلة حلوة تسلم إيديك لك تقييمى

[احلى عيون]

تسلم الايادى

[luba]

الله يسلمكم ونورتوا الموضوع ربي يدوم علينا اللمة الطيبة بارك الله فيكم

[om_adnan]

ما شاء الله ....سلم إيديك,طريقه تختلف على التقليدى,لما شفت الاسم نحسابه بطاطا امبطنه بالسمك,كفيت ووفيت فى الشرح,ربى إيخليك للمنتدى يا عسل.

[تعزيز]

يااريت يالوبا صورتي السمكة قبل ما نعرف اي نوع تقصدي

ولا قصدك الكوالي

شكل الطريقة يسل لها اللعاب تسلم ايدك

من العادة اني اضع البصل على السمك مغيرش في الطعم