24/12/1951

[الصابرة]

السلام عليكم


http://www.libya-al-mostakbal.org/uploads/images/256zsc8.gif



اليوم نحتفل بعيد استقلال بلادنا الغالية

بعد 520 سنة من التجهيل عشناها
450 سنة كان في عهد الاتراك
30 سنة احتلال الطليان
40 سنة في عهد معمر
هذه السنوات جعلتنا متخلفين عن كل شئ
والكارثة الكبرى انه منع علينا الاحتفال بعيد استقلال بلادنا

ولكن الان نحن نفرح ونعيد ونقولها باعلى صوت

عيد استقلال بلادنا 24/12

فلتحيا ليبيا آمنة

وان شاءالله السنوات القادمة نكونوا من احسن الدول في العلم وكل شئ

( لم اذكر اي شئ عن الاستقلال لان الكل يعرفه ولكن ذكرت سنوات التجهيل لكي نعلم كم ظلمنا طول سنوات طوال
ولكي نتمنى ان الغذ يكون افضل ونحتفل بعيد بلادنا )

[نسمه ليبيه]

طريقة العنوان عجبتنى

وان شاء الله ياليبيا يكون فيك بكره احلى

ليبيا مليئه بالناش العظماء لكن الله لايرحمه اللى جهلنا واخرنا

زى بدرى كنت نتفرج على لقاء مع مرشح الرئاسه عادل البرعصي اللى عمرنا ماسمعنا عليه الا هالايامات وحكى عن حياته بصراحه يرفع الراس
تقلد مناصب عاليه فى كندا ودبي
ودبي استعانت بيه وكان نائب المدير التنفيذى لوزارة الكهرباء فى دبي

وغيره وغيره وفيه اللى ماحصلش فرصه يطور نفسه ويدير شي

ان شاء الله بكره احلى ياليبيا

[الصابرة]

ايه لو كان نحكي يانسومة على نعرفه نبي سنة كاملة بيش انكمل اللي نعرفه
لاني والحمدلله من صغري واني عندي اب يعلم فيا اللي مفروض نعرفه والحمدلله
وتاريخ استقلال بلادنا كان يذكر فيا بيه كل سنة من عمري 10 سنوات ويشرحلي عليه

[سيلأ]

السلام عليكم
صح لسانك اختي الشعب اليبي كان محروم من هذه الفرحة بفرحة الاستقلال بس اليوم الحمد لله اليوم نحتفل بيه ولاول مرة من بعد 42سنة من الظلم رأح تحتفل مدينة سرت وباقي ليبيا الحبيبة بعيد الأستقلال وعاشت ليبيا حرة ابية:o:o:o

[الصابرة]

صدقتي سيلا
واسعدني مرورك

[رميساء]

السلام عليكم
شكرا اختي صابرة علي هذا الكلام العذب والجميل
فمثل هذا اليوم بالنسبة لبلدنا العزيز
وشعبها الطيب هو يوم نحث في ذاكرة آبائنا وأجدادنا بحبر من دم يوم استقلال ليبيا
وفكرة ان الأتراك هم سبب تخلف العرب او الدول العربية التي تقع في شمال أفريقيا ومنها ليبيا الحبيبه
زرعها فينا الانظمة الاستبدادية العسكرية التي انتشرت في شمال أفريقيا إدبان الحرب العالمية التي أنهت خلافت الدولة العثمانية(الأتراك) وسرعان ما صدقنا كلامهم والتاريخ يقول ان الأتراك هم من باشر نشر الإسلام في أوروبا وفي عهدهم فتحة قسطنطينية. كما في الحديث تفتح عليكم قسطنطينية فنعم الأمير أميرها ونعم الجيش جيشها والذي هو محمد الفاتح ًوشكرا لأختنا الناشطة الصابرة
وياريت نحافظ علي كلمة يوم الاستقلال وليس عيد الاستقلال
ولكي لا أطيل فنحن نفخر بأنا مسلمين وعندنا عيدين الاضحي وعيد الفطر
هذا من باب التذكرة فقط
ربي يحمي ليبيا وجميع بلاد المسلمين

[om_adnan]

هذا التاريخ انظلم فى تاريخنا الليبى ,ويستحق ان نذكره,لكى منى الف تحيه الصابره,ياريت تتكرمى وتشاركينى قصص الوالد لانى اجزم بأن فى جعبته الكثير ,فلا تحرمينا من ذكريات الماضى الجميل,حتى لو كل مره سطرين ,من معلوماتى البسيطه ,عندما تم الاستفتاء على استقلال ليبيا فى الامم المتحده ,كانت دولة تاهيتى الصغيره هى المنقذه وكان التصويت لصالحنا,يقال ان سفيرها قام بالتصويت ضد رغبة حكومته,وبالنسبه للملك ادريس هناك الكثير والكثير من المواقف التى تفرض علينا احترامه كأنسان وليس من باب الكمال.

[luba]

يا بلادي بجهادي وجلادي ادفعي كيد الاعادي والعوادي

واسلمي اسلمي يييييي اسلمي طول المدي اننا نحن الفداء

ليبيا ليبيا ليييييبيااااااااااااااااااااااااااااااا

شكرا صبورة للتدكير