[ زيتون منزلي في 15 يوم ] من مطبخ الصابرة

[الصابرة]

http://www.libyan-kitchen.com/gallery/images/42.gif


السلام عليكم

مع هذه الطريقة ودعا للانتظار الطويل لنضج الزيتون
او شراء الزيتون الجاهز
الحمدلله تجعلك تأكلي زيتون من دياتك في 15 يوم فقط
لكن لزيتون الذي حبته كبيرة يأخذ 21 يوم تقريبا

الطريقة

ناخذ الزيتون ونغسله جيدا بالماء بعد تنظيفه من الروس والاوراق
هذا زيتون مزرعة اهلي
ونسكب عليه ماء ونتركه 3 ايام


http://up.arabseyes.com/uploads/06_01_1313574756111.jpg (http://up.arabseyes.com/)


http://up.arabseyes.com/uploads/06_01_1313574756122.jpg (http://up.arabseyes.com/)


بعد 3 ايام نغير الماء ونضيف ماء جديد ونتركه 3 ايام اخرى
بعد 3 ايام نغير الماء ونضيف ماء جديد ونتركه 3 ايام اخرى
هكذا اصبحنا 9 ايام
اما اذا الزيتون حبته كبيرة نعمل 3 ايام اخرى لتغيير الماء
و3 ايام اخرى

بعدها نسكب عليه كمية معقولة من الملح على حسب كمية الزيتون
وبدون ماء يترك 3 ايام


http://up.arabseyes.com/uploads/06_01_1313574756133.jpg (http://up.arabseyes.com/)


http://up.arabseyes.com/uploads/06_01_1313574756134.jpg (http://up.arabseyes.com/)

وهكذا شكله بعد 3 ايام


http://up.arabseyes.com/uploads/06_01_1313574756135.jpg (http://up.arabseyes.com/)


http://up.arabseyes.com/uploads/06_01_1313574756136.jpg (http://up.arabseyes.com/)


بعد 3 ايام نغسله من الملح لكن لانغسله جيدا
ثم نسكب عليه ماء ونتركه 3 ايام
بعد 3 ايام كلي احلى زيتون من دياتك واذا وجدتيه مالح غيري الماء فقط
ثم يوضع في فازو ويحفظ في الثلاجة اذا خففتي الملح هلبة
لكن اذا ملحه معتدل لاتخافي من بقائه خارج الثلاجة


http://up.arabseyes.com/uploads/06_01_1313574756137.jpg (http://up.arabseyes.com/)


http://up.arabseyes.com/uploads/06_01_1313574756148.jpg (http://up.arabseyes.com/)


http://up.arabseyes.com/uploads/06_01_1313574756149.jpg (http://up.arabseyes.com/)


نصيحة

طبعا نحن معروف عندنا اننا نضع الزيتون في زجاجات الماء الكبيرة او الصغيرة
لكن نصيحتي اذا تبي تجربي طريقتي يفضل وضعه في حافظة او سطل
لسهولة تبديل الماء

[نسمه ليبيه]

جزاك الله عنا كل خير

من كم يوم جيت لاهلى لقيت امى زعلانه

قالت درت زيتون اسود وللاسف بعد انتظار الشهر طلع مر جدا

ياتري السبب فى المراره هى نوع الزيتون مثلا.

وهل طريقتك هذى هى نفسها طريقة الزيتون الاسود؟

وانت ماتفتحيش فى الحبه او تدقيها؟

[بنت حواء]

ماشااااااااااااء الله زيتون يجننننننننننن
تعرفي أنا ماعنديش حظ مع الزيتون
المدة اللي فاتت شريت زيتون أسود وحبته كبيرة
قعد شهر في المية والملح والخل ونبدل فيه كل يومين شن صار؟؟
قعد تقول مسلوق رطب هللللبة
وعليه زي البقع تقول فاسد درهلي كبدي ولوحته
لكن طريقتك هذي ان شاء الله نجربها وتزبط معاي
لأني نمووووووووووت في الزيتون المنزلي
تسلم يديك ياصبورة وصحة وهنا على قلبك
ولك أحلى نجوووووووووووم

[حبيبتهم]

ماشاء الله صبورة عالزيتونات

بس اعترفي هههه هذا اكيد ليه فترة امدايرتيه لان توا الزيتون الصغير هذا لونه اسود كامل

جاري التقييم لصبورة وزيتوناتها الحلوات

[أم خديجه]

ما شاء الله لا قوة الا بالله


بارك الله فيك علي الطريقه وعلي الشرح


اموت في شئ اسمه زيتون

تسلمي

[الصابرة]

نسمة ليبية

حبيبتي طريقتي تمشي مع اي زيتون والاسود اسهل من الاخضر
وماديقتش ولا فتحت الحبة
وتعرفي قولي لامك الله يطول في عمرها ادير طريقتي وتبدا فيه من جديد
كانها جايبة الزيتون توا وشوفي النتيجة

بنت حواء
الله يسمك ان شاءالله تجربيها وحتشوفي النتيجة
غير ان الحبة الكبيرة تأخذ وقت اطول شوي 21يوم

تعرفي من نجاح تطييب الزيتون انه لايوضع له ملح في البداية
ويغير مائه باستمرار
والخل هو اللي خلاه مهبز (رطب)
لان المحلات راهو يحطوا في الخل ليه بعد النضج
لانهم يريدون الربح السريع ونحن يغر فينا الشكل
زيتون السوق اللي شكله يسهف يطيبوا فيه بالجير

حبيبتهم
اسعدني مرورك
صح ليه هلبة حتى سطلي قريب يكمل
لكن اللي صارلي في البداية النت ضعيف ومرات مفصول وبعدها
كل يوم انقول انزله مايسخرش الحال واهو نزلته اليوم

ام خديجة
الله يسلمك حبيبة واسعدني مرورك

[أمـ ساره]

ماشاء الله لاقوة الا بالله

زيتونات يجوا في الخاطر صبورة

وشكلهم ينادي يقول كولوني

طريقة حلوة وبسيطة وساهلة

بنسألك هل تجي حتى مع الزيتون الأخضر ؟

بالهني والعافية على قلوبكم

وتستاهلي أحلى نجوووووم والتقييم لو مشي

[أمـ ساره]

الحمد لله التقييم مشي

تستاهلي أكثر والله

[الصابرة]

ام سارة

اسعدني مرورك وكلماتك الحلوة
ايه حبيبة يجي مع الزيتون الاخضر غير انه بياخذ وقت زيه زي الحبة الكبيرة لو زيتونك حبته صغيرة
ام اذا حبته كبيرة ياخذ وقت اطول من الحبة الكبيرة السودا
واذا رغبتي انه ايطيب زيه زي اي زيتون شقيه

[الصابرة]

صحيتي ام سارة مع ان كلماتك الحلوة هيا تقييم في حد ذاته

[barney]

ماشاء الله لا قوة الا بالله
سلم ايدياتك يا الصابرة زيتون ايسهف والله ماعمريش جربت انديره لكن طريقتك شجعتني ان شاء الله
انجربها وعندي ثقه فيك عميه اي شيء انطبقه منك ايجيني روعه
ربي ايسلمك واينولك ما في بالك لك تقييمي ان شاء الله

[ميرولاكى]

يمىىىىىىىىىىىىىىىىىىىىىىى
يسهههههههههههف يسهههههههههههههههههف
ماشاء الله عليك الله يسلم دياتك الحلوووووووات
وصحتين والف عافيه على قلوبكم

[أمـ ساره]

بارك الله فيك صبورة على الافادة

وربي يعطيك على قد نيتك الطيبة وخيتي

ويرزقك ما تتمني يارب

[المصراتيه]

ماشاءالله لا قوه الا بالله
صبوره موضوعك يجنننن خصوصا اللي ماعنداش صبر زي عالزيتون
يعطيك الصحه وتسلم يدياتك ويرحم ولديك
تستاهلي احلي نجووووووووووم

[luba]

مااااشاء الله ربي يعطيك الصحة كلا انت مرجع

ليبي وعالمي بارك الله فيك صبورة يهبل وووه خاطري فيه بنهبل علي الزيتون

ربي يحفظك ويخليك يا كنز المنتدي

[ام هجورى]

جزاك الله خيرا وتسلم ايدياتك على الزيتون الحلو:o

[زوبة الطيوبة الحبوبة]

ماشاء الله عليك ياصابرة... زيتونات يهبلوا ويجو في الخاطر غير المنظر ياسر
ياعيني علي هالايديات اللي يلتفوا بحرير
يسلموا أيديك وجزاكي الله كل خير على وسعة بالك
ولك أحلى تقييم..

[ام هجورى]

جزاك الله خيرا وتسلم ايدياتك على الزيتون الحلو:o

[لوتي]

ماشاء الله عليك صبورة وعلي الفكرة السريعة فعلا استفدت ومعلومة الجير في الزيتون أول مرة نسمع بيها تسلم إيدك وإحلى تقيييم لصابرة والزيتون

[نجوي]

ماشاء الله تسلم ايداك وصفة روووعة

[أم عدى]

شكرا على الطريقة

[الصابرة]

مشكورات وخياتي وبارك الله فيكن على الكلام الحو

[امة الله]

السلام عليكم
يسلموا ايدياتك ع الزيتون الحلو.لكن غندى سؤال انتى لما حطيتى الملح ماحركتيشى وهل اتغطى الحافضة متع الزيتون والا لا وكيف الزيتون ما يفدش منك

[نسيبة]

الله يفتح عليك الصابرة و يرزقك بما تتمني زيتونات روعة لك اروع

نجوم التتقيم مباش يمشي

[الصابرة]

الله يسلمك امة الله ويخليك يارب

لا تحركيه حبيبة بعد ماتحطي الملح
ومافسدتش مني وشنو اللي خلاك تفكري انه يفسد وضحيلي حبيبة عشان نعرف نشرحلك ونرد عليك مزبوط


امين يارب يا نسيبة وبارك الله فيك يارب

[slma]

مشكورة ياختي علي الموضوع المفيد
حتي انا درت زيتون في البيت لاول مرة انديره لان امي سفحتني فيه لكن زيتون ارض شبانيه صغير لكن الواحد لازم يجرب كل شي
مرة اول اخديت كمية 2فازو وشقيت حبة زيتونة بالسكين و نغير في الماء مرتين في اليوم لمدة 5 ايام وبعدين درتلها الملح وبعد 3 ايام كلينها و ضفت لفازو قرن فلفل خله طعمه لذيذ

[الصابرة]

العفو اختي
وطريقتك حتى هيا سهلة وان شاءالله اجربها قريبا

[قهوة مزبوطة]

ما شاء الله رووووووووووووووعة

[تعزيز]

ياااعيني على 3 ايام حلوة :rolleyes: الشاطر في الحساب ينجح في الزيتون

شكر على الطريقة جديد اول مرة نسمعه ونشوفها

اختي انا عندي زيتون مرقك في ماء والملح نقدر نصفية وندير طريقتك ؟

زويتنات بالنجيمات العاليات

تسلمي يااارب

[آمال]

الله يعطيك إلا في بالك يا حي يا قيوم
كم تعجبني صابرة أحبك وأحب طبخك

[الصابرة]

اسعدني مرورك اختي قهوة مزبوطة

ضحكتيني تعزيز قوية الشاطر في الحساب ينجح في الزيتون
ايه تقدري حبيبة
وتتعاملي معاه كانه زيتون جديد
امي جربتها وطاب ياسلام

اااااااااااااااااااامين يارب يا اختي امال
احبك الله وحبب فيك خلقه ان شاءالله

[تعزيز]

صحيتي غالية مرة ثانية راجعي دروسك اول باول هههههههههه

من امته وني نستنى في الضي منك ومابيت نقرب الزيتون
ونقول خيرها لحنينا مارت
ربي يحفظ اممتك وتسلمي تحياتي

[الساجدة لله]

بسم الله ماشاءالله طريقتك ساهلة

والوالدة الله يطول في عمرها ادير فيه بس هي تشق في حبات الزيتون بالسكين والباقي نفس طريقتك بس هده اسهل لا فشخ لاتشقيق ههههه

والنجيمات تستاهليهم ياغالية

[الصابرة]

اختي تعزيز
امين يارب ويحفظك
تاخرت عليك حتى تأكدت من نتيجة امي
عشان انرد عليك رد مضمون

[الصابرة]

مشكورة وخيتي الساجدة لله
لا هذا فعلا اسهل لاتشقيق لا تفطيس
غيري اميه بس

[أم عبادة الليبية]

تسلم ايديك أختي صابرة :)

[الصابرة]

الله يسلمك يارب اختي ام عبادة

[nonna]

بارك الله فيك ياصبورة
والله ليا وقت ندور على طريقة للزيتون من غير مانشق الحبة او اندقها لأني مانحبش منظر الحبة المدقوقة
وهذه طريقة حنجربها ان شاء الله
الف شكر أختي

[ام عبسي]

الله الله الزين مايدير غير الحاجة الزينة
شكله سمح واكيد الطعمة اسمح لان من ايديك
ماشاء الله صبوورة ياريتني جارتك
انجي كل يوم نزعجك;) وناخد عندك دروس
ربي يدوم عليك اصحيحتك ويهني بالك
ويرزقك من اوسع ابوابه

[الصابرة]

جربيها وخيتي نونا وحتلقيها ساهلة ولادق ولا شق ولاتعب غير تغيير امية

[الصابرة]

امين يارب
والله اخجلتيني ام عبسي حتى انتي ماشاءالله عليك
وبالنسبة للدروس ولايهمك اللي تبي اتعلميه اسئلي بس حبيبة ما اديري غيبة

[دانة ليبيا]

تسلم ايديك صبورة ،ربي يعطيك الصحة والعا فية

[الصابرة]

امين يارب
الله يسلمك يارب

[شيرين عبدالله]

تسلم ايدك حبوبة وان شاء الله يطبق في موسم الزيتون:)

[بنت الاشراف]

ماشاء الله يسلموا إيديك دائما مبدعة لك تقييمى

[الصابرة]

الله يسلمكن يارب
اسعدني مروركن

[ام الدودو]

بارك الله فيك ويرحم والديك علي الطريقة

[الصابرة]

والدينا ووالديك وفيك بارك الله

[شذى]

فعلاً زيتون من قلب ليبيا




1454

[الصابرة]

مشكورة اسعدني مرورك

[سالى]

السلام عليكم يسلموا أيديك انا جربت طريقتك هادي لكن الزيتون طلع فيه مرارة ومش عارفة شني أنديرله ممكنا تساعديني ومشكورة

[الصابرة]

وعليكم السلام

مش عارفة شنو الخلل الحق اني كل موسم زيتون اندير فيها وتنجح معاي

جربي هذه الطرق

عاودي كرري من البداية الماء وتغيره ممكن حجم حبات الزيتون غير متساو
او ممكن اضفتي كمية ملح قليلة
لكن نصيحتي انك تعاودي عملية ال15 يوم من جديد

[سالى]

السلام عليكم كيف حالك أختي مطبخ الصابرة انا سالي اللي كلمتك علي طريقة الزيتون وطلع فيه مرارة عاودت طريقة 15 يوم زي ما قلتيلي واتنحت المرارة وتوا نأكل فيه وقريب يكمل بارك الله فيك وسلم ايدياتك مشكورة أختي

[الصابرة]

باهي الحمدلله طمنتيني وصحة على قلبك وقلب من كلاه يارب
واسعدني ردك كثيرا