استفسار من دوي الخبره (( والفالحات ))

[طُقاشه النواره]

السلام عليكم :
بالله اخواتي عندي استفسار الاول االلي تعرف وين نلقي السور كريم وتحت اسم شني نلقاه
والتاني الشكلاته القطع اللي مدوبش زي الهيرشي اللي تستخدم ف الكب كيك والكوكيز حتي هي وين نلقاها
مع العلم اني من سكان طرابلس .....
واحلي سلام للحبيبه لللي ترد عليا .......

[لوتي]

أهلين بيك بينا إن شاء الله الأخوات اللي من طرابلس يخشو ويفيدوك

[زينب محمد]

السور كريم منعرفش وين تلقيها لكن ممكن تعوضيها بان تضيفي عصير ليمون للزبادي او للقشطة

بالنسبة لحبيبات الشوكولا شوفي العاشوري او زاد الاسرة في تقاطع اولاد بلحاج بالقرب من مدرسة 15 الطير سابقا

[الصابرة]

حتى اني من طرابلس والشوكلا ديمة اندور فيها
ماشاءالله زينب كفت ووفت
بارك الله فيها واعطاها الله ماتتمنى يارب

[أمـ ساره]

ماشاء الله زينب كفت ووفت

بالنسبة للسور كريم بصراحة ولا مرة قابلتني

لكن الشوكولاته نشري فيها من سوق العاشوري

بس فترات ما تكون موجودة عندهم يعني أسألي عليها مرة مرة

وأيضاً زاد الأسرة سوق مميز وخاص بالحلويات وحاجات المناسبات

[om_adnan]

افضل بديل للsour cream اسمها بالانجيلزى هو الياغورت ولكن لانه اخف يجب وضعه فى شاش لمدة نصف ساعه على الاقل للتخلص من الماء.