[استفسار] مشكلة السكر الناعم في كريم الزبده

[طُقاشه النواره]

السلام عليكم ....
عندي مشكله مع كريم الزبده واللي هي ....السكر المرحي ....
مشكلة الكريمه اتجيني اتقرمش ... حتي كان انغربل السكر ...
وللعلم ...نشري فيه واتي مرحي ... يعني منرحيش فيه في الحوش
بصراحه قد ماحاولت حتي نشريه مرحي ...نعاود نرحي فيه ونغربل مفيش فايده .....مع اني اندير فيها حتي اوهي اتقرمش طبقه رقيقه ف الكيك...لاني انحبها بصراحه...وهل اتجيكم زيني ولا اتجي ناعمه زي منشوف فيها ف الصور
ممكن اللي عندها حل ... او تعرف مكان ابيع ف سكر مرحي كويس اكون ملمسه زي النشي ...
بالله اتقولي ....
وسلام ي غاليات.....

[الصابرة]

تصدقي ان هذه المشكلة صادفتني مؤخرا نين تازمت
القبل كنت نستعمل في السكر المرحي بتاع( الخليج) اسم الشركة هكي
مش عادي لكن في الفترة الاخيرة شكل ذمتهم تغيرت حتى اني قعدت اتجيني مقرمشة

حتى اني تعجب فيا وخصوصا اني لازم ندهن بيها قبل الفوندان فمطرة عليها

فاضم صوتي للاخت ونطلب من اخواتي اللي تعرف سكر ناعم بودره يكون ملمسه مثل النشا ياريت تدلنا

[luba]

اهلين بيك اختي الحق مانعرفش لا اسماء ولا اماكن ولكن جربي هالطريقة ممكن تفيدك

اني نضيف في شوية حليب

فخودي هالسكر ودوبيه في الحليب قبل وبعدين صبيه علي الزبدة ممكن تمشي معاك الفكرة

والله اعلم