مني لك احلى الورود ( لوبا )

[الصابرة]

السلام عليكم


http://img.al-wlid.com/imgcache/222576.jpg http://img.al-wlid.com/imgcache/222573.jpg

احببت ان اشكر لوبا على دورة الرسم على الكابتشينو
لان حصل لي موقف مش عادي بسبب هذه الدورة
فكلمة شكر لاتوفيها حقها
وسوف احكي لكم القصة لتعرفوا ان كلمة شكر قليلة عليها

جائتني بالامس ضيفة وهي انسانة كويسة غير فيها عيب واحد وهي
انها تحب كثيرا التحدث عن الناس وهذا الشئ يزعج في كثيرا
ورغم اني لا اجاري فيها في حديثها حتى تفهم ومع ذلك تستمر في
الحديث حتى ولم ارد عليها
ولكن امس لاول مرة تتعلق بشئ وتنسى الحديث عن الناس حتى غادرت منزلي
وهو عندما قدمت لها كابتشينو عاملته باشكال مختلفة ونوعت بين الرسم وبين استخدام القالب
ففتحت فمها والحديث كله اصبح على كيفية الرسم وتشكيل القالب
ومضى الوقت وهي تتعلم ما تعلمته من لوبا فبارك الله فيها
وجعله الله في ميزان حسناتها يارب
وادام الصحة عليك وعلى اولادك وزوجك واهلك ومن تحبيبن يارب العالمين
فلك احلى باقات الورود


http://img.al-wlid.com/imgcache/222567.jpg http://img.al-wlid.com/imgcache/222567.jpg

[لوتي]

فعلا لوبا تستاهل أتكتر من هكي لأنها قدمت دورة حلوة وفكرة جديدة بارك الله فيك وجعله في ميزان حسناتك
صبورة الله يعينك فعلا الناس اللي هكي توتر

[أم خديجه]

بارك الله فيك وفي لوبا

الحمد الله صبورة لقيتي مخرج لما ايجيك شخص هكي حاولي تفتحي موضوع مثير وما فيشي ذكر للناس
ان شاء الله كل مرة ربي يلهمك بشئ ينقدك


جزاك الله عنا كل خير لوبا وان شاء الله ربي يجعله في ميزان حسناتك ويحفظلك ولدك وبنتك

[المصراتيه]

فعلا بارك الله فيك لوبا ويرحم ولديك وانتي كدالك الصابره واحسن شي قدرتي تسكتيها ههههههههههههه
والله جو تخيلت روحي معاكم
ربي يفتحها قدامك يا لوبا وان شاءالله كيف مادعتلك صبوره تشوفي اهلك في اقرب وقت يارب اجمعين

[luba]

بارك الله فيك والله تحشمت منك المفروض هادي الورود ليك انت

علمتيني حلم حياتي اللي هو الكروشيه وهو اصعب بواجد

من هالدورة بارك الله فيك وربي يرزقك عاجل غير اجل

وانت والبنات اللي في الدورة تستتحقوا الشكر والتقدير والورود

علي تطبيقاتكم الحلوة اللي احلي مني وتعلمت منكم واااجد من غير الرسمات

تعلمت منكن الاصرار والعزيمة والصبر حتي تطلع معاكم النتيجه لاني من الناس غير الصبورة

دائما مستعجله في كل شي انتم يضرب بيكم المتل في الصبر والنجاح

وانت من غير هدا كله نشاطك ماشاء الله صدقت من سماتك فراشة المنتدي تسلمي وربي مايغيبك وربي

يجعل بيتك عامر ومنك الناس تستفيد

[الصابرة]

مشكورات وخياتي وبارك الله فيكن
ان شاءالله ماتكوني مكاني معاها ياميمي
تخيلي بمجرد ماتتصل بيا وتوقل انها بتجيني مرات نهرب منها ونقول ليها اني عندي مشوار
ونطلع حتى وماخاطريش في الطلوع بيش مانقعدش كذابة

ولما نزرط ونعرف اني رديتها هلبة تخيلي نصلي ركعتين لربي ليعطيني الصبر على تحمل اذاها للناس بلسانها
وطول ماهي تحكي واني في عقل استغفر الله
بيش تعرفوا ان باقة ورد او كلام حلو شوي في لوبا الحق

ولوبا عليش الحشم لوكان مكاني وقعدتي معاها ساعة بس لقلتي هذا شويا فيا
وكيف لهت في الكابتشينو الله على الجو لاول مرة اتمناها ان لاتذهب من كثر مااستمتعت معاها وهي تتعلم
وتعرفي قالت المرة الجاية نبيك تعلميني حاجة اخرى زي الفوندان او اي حاجة
بلكي على وجه دورتك للكابتشينو يهديها ربي وتبطل حديث عن الناس ( النميمة )

[أمـ ساره]

فعلاً صدقتي صبورة

أحلى الباقات ما توفي حق لوبا في دورة الكابتشينو

وحتى اني صارت لي مواقف حلوة

وكل مرة ندعي لـ لوبا بالهني والعافية وربي يرجعهل لأهلها وتفرح بشوفتهم عن قريب



ومع ذلك

أنتي ايضاً تستحقي الشكر والتقدير وباقات من الورود على مجهودك وعطائك

ومواضيعك المميزة والحلوة ودورة الكروشية الي ان شاء الله نكون معاكم فيها

لأني نبي نتعلم باذن الله




فشكراً من القلب لك ولـ لوبا ولكل من تعطي للمنتدى بنية صافية وقلب راضي

وتحب تفيد غيرها زي ما تستفيد منهم

وربي يبارك فيكم جميعاً

[sweet nona]

هههههههه ..والله كويس لقيتى باش تليهيها


حتى تستفاد انتى انقذتى نفسك من ناحية ومن ناحية اخرى

شغلتيها بحاجة مفيدة بارك الله فيك

واكيد لوبا ليها شكرررررررر كبييييييييييير

فى الدورة الشاملة والفن وكانك مش فى الحوش وحاجة اليد

ديما ليها ذوووق احلى

مشكورة يالصابرة اصلا انتى فتحتى للكل الفرصة

باش نشكرو لولو شكر خاص

[om_adnan]

وين الحلاوه هدى كلها والرومانسيه والورود الحلوه لاحلى لوبا من احلى فراشه,ربى ايخليكم للمنتدى ويجمعكم على ارض الواقع,موضوع رائع جدا.

[الصابرة]

ام سارة
العفو حبيبة وربي يحفظك ونستنى فيك تبدي معانا في دورة الكروشيه

سويت نون
اسعدني مرورك حبيبة والعفو لاشكر على واجب

ام عدنان
مشكورة يالغالية على الكلمات الحوة
امين يارب نجتمع على ارض اواقع
وان شاءالله ربي يخلينا للمنتدى ويخلي المنتدى لينا

[مغتربة 7]

ماشاء الله على المشاعر الصادقة والحب في الله
لولو وانتي تستاهلوا اجمل باقات الورد
الله يبارك فيكم ويعطيكم حتى يرضيكم

[ترهونيه حره]

ههههههههه اكسبتى أجرها ياصبوره
وخليتيها تلتها بحاجه مفيده المره الجايه
علميها كيف تدخل المنتدى وتنزل آكلات أكيد
مش راح تشوفيها ثااااااانى هههههه
وهده فرصه لشكر لوبا على هده الدورة
شكرًا يالوبا على هده الشرح الواضح
استفدنا منه الكثير باراك الله فيك

[الصابرة]

مغتربة 7
وفيك بارك الله

ترهونية حرة
اسعدني ردك وفعلا هيا تراجي امتى
تحصل نت وتبيني انعلمه عليه وتبي تخش حتى للمنتدى
وبصراحة فيها نفس في الاكل مش عادي
وفعلا بارك الله في لوبا وبالدورة اللي دارتها لينا

[زوبة الطيوبة الحبوبة]

تستاهلوا أحلى باقات ورد ليك ياصابرة
ولي لوبا
وأن شاء الله أجركم كبير بأذن الله...

[الصابرة]

ان شاءالله يارب
ونورتي الموضوع

[تعزيز]

ربي يجمعكم على المحبة فعل الخير

[الصابرة]

امين يارب