[ الدرس الخامس ] في دورة كوني فنانة الرسم علي الكباتشينو [الأرشيف]

مشاهدة النسخة كاملة : [ الدرس الخامس ] في دورة كوني فنانة الرسم علي الكباتشينو

luba

01-24-2013, 03:28 PM

http://www.libyan-kitchen.com/gallery/images/isiisi.gif

كل الدروس حصريا ولاول مرة علي كل المواقع

فقط موجودة في منتدي المطبخ الليبي لزينب محمد

الدرس الخامس : الرسم علي الكباتشينو بكريمة الخفق

ملاحظة : في هذا الدرس اذا لم تتوفر لديكم الرغبة و الامكانية

في عمل الكريم يمكن عملها علي رغوة الحليب ويمكن خفق الكريم

باي خفاقة تتوفر عندك او جربي خفقه بالخفاقة اليدوية لرغوة الحليب

حاولوا التطبيق نفسه اولا للتجديد والتغيير تانيا طعمتها رووووووعة ومش عادية

نقوم بخلط مكونات الكاباتشينو

كل حسب رغبته اني نفضل
2 ملعقة سكر صغيره
ونصف ملعقة قهوة الكباتشينو صغيرة

يضاف عليها نصف ملعقة صغير ماء
وتضرب جيدا باليد
وادا كانت الكمية كبيرة يفضل ضربها بالمضرب

http://www.libyan-kitchen.com/gallery/images/lb67.jpg

نصب عليها الحليب الباكو الساخن
وهدي النتيجة

http://www.libyan-kitchen.com/gallery/images/lb68.jpg

طريقة عمل الكريم

ناخد كمية قليلة من بودرة كريم الخفق متلا ملعقة كبيرة
شانتيه او الدريم ويب
نسكب عليها حوالي نصف ملعقة ماء ساخن او حليب السائل ساخن
وادا حسيتي انه الخليط مازال تقيل نضيف قطرات ماء ساخن او الحليب
وادا خفيف نضيف بودرة

لانه كل بودرة تختلف في ليونتها

http://www.libyan-kitchen.com/gallery/images/lb28.jpg

http://www.libyan-kitchen.com/gallery/images/lb29.jpg

http://www.libyan-kitchen.com/gallery/images/lb30.jpg

نسكبها في الكوب بمساعدة الملعقة او تترك فيها كمية ماء بسيطه

http://www.libyan-kitchen.com/gallery/images/lb34.jpg

نستعمل القوالب التي صممناها في الدرس الاول

http://www.libyan-kitchen.com/gallery/images/lb41xix.jpg

او نرسم عليها رسم حر بأي خليط من الخلطات الاولي في الدرس السابق

ويوجد درس رسم بالخليط بعد هذا الدرس فحاولوا اطبقوا هدا الدرس نفسه بأي رسمة ترغبوها

هنا استعملت الرسم بالكريمة نفسها

نضيف علي الكريمة البيضاء كمية من قهوة الكاباتشينو

بعد جعلها متل البودر

http://www.libyan-kitchen.com/gallery/images/lb32.jpg

http://www.libyan-kitchen.com/gallery/images/333xlx.jpg

نستعمل اداة الرسم الاعواد الخشبية التلاته او عود خشب الشواء الكبير

نغمس الاداة في خليط الكريم الداكن

نرسم دائرة في الوسط وحواليها ملاصقات اليها
دوائر بعد التغميس في الخليط في كل دائرة

http://www.libyan-kitchen.com/gallery/images/lb60lel.jpg

http://www.libyan-kitchen.com/gallery/images/lb61.jpg

يمكن ان تقدم هكدا

http://www.libyan-kitchen.com/gallery/images/lb62.jpg

او نرسم عليها ونزيدها اضافات لتصبح
بطريقة سهله في مستوي احترافي
من يديك الكريمه

استعملت الخليط هدا وهو الدي نبهت عنه
في الدرس السابق
ان لايضرب جديا لكي لاتتكون رغوة ويبقي
اللون اسود
يمكن الاحتفاظ بالخلطات مغلفات بالنايلون البلاستيك
خارج التلاجه لمدة 3 ايام

الخليط الثاني

خليط الكاباتشينو نفسه ملعقة سكر
وقهوة الكاباتشينو ويضاف عليها
الماء الساخن لتدويبها بدون خفق

ونزيد نضيف عليها حبوب من قهوة الكاباتشينو مطحونات
كلما رغبتي في زيادة اللون

http://www.libyan-kitchen.com/gallery/images/lb23.jpg

هنا يتم الرسم بعود خشبي واحد فقط من الاعواد الصغيرة عند الرسم في الاماكن الضيقة

او تكون الاضافة بسيطه

http://www.libyan-kitchen.com/gallery/images/lb63.jpg

http://www.libyan-kitchen.com/gallery/images/lb64.jpg

http://www.libyan-kitchen.com/gallery/images/lb65.jpg

تقبلوا تحيات

http://www.libyan-kitchen.com/gallery/images/lb83.jpg

http://www.libyan-kitchen.com/gallery/images/1ggg.gif

أم خديجه

01-24-2013, 03:47 PM

بارك الله فيك لوبا علي مجهودك

ان شاء الله جاري التنفيذ

أمـ ساره

01-24-2013, 04:56 PM

بارك الله فيك لوبا ونفع بك وجعله في موازين حسناتك

شرح كافي ووافي ماشاء الله

ودرس راااائع ومميز سلمت ايدياتك

ان شاء الله نجربه وانزل الصور لو لقيت الوقت

تستاهلي كل النجوووم ولي عودة للتقيم باذن الله

om_adnan

01-24-2013, 06:54 PM

ما شاء الله لوبا.....حلوه فكرة الكريم,كل دروسك قيمه,لو دخلتى مجال التدريس حيستفيدوا التلاميذ,ربى إيخليك لصغارك ولينا.

الترياق

01-24-2013, 10:08 PM

ماشاء الله عليك يالوبا و بارك الله فيك ع الدروس
ليا أسبوع نحاول و النتيجة لأأأأأأأأشيئ و مع هذا لا مجال لليأس

لوتي

01-24-2013, 10:13 PM

درس مميز لولو بارك الله فيك

luba

01-25-2013, 06:16 PM

اهلين بالغاليات الطيبات اسعدني مروركم ووجودكم في الموضوع

بارك الله فيكن وربي يعطيكن الصحة وراحة البال

وربي يدوم علينا هاللمة وفي انتظار تطبيقاتكم وتعليقاتكم علي التجديد

أم خديجه

01-26-2013, 01:47 PM

أم أسيل

01-28-2013, 10:25 AM

ماشاء عليكى يلوبا فنانه

الصابرة

01-28-2013, 08:19 PM

هذه محاولاتي للدرس لكن الخلل عندي وليس في اعطائك الدرس
اولا خلطة الكابتشينو في اخرها وكسلت اندير غيرها
والحليب خالي الدسم عقدني بيش دار رغوة ووصيت راجلي اليوم جيبلي كامل الدسم
وان شاءالله حنزل تطبيق احلى من هكي
غير حبيت تعرفي اني انحاول مع الدرس مش مهملته

http://up.arabseyes.com/do.php?imgf=28_01_1313593965713.jpg (http://up.arabseyes.com/)

http://up.arabseyes.com/do.php?imgf=28_01_1313593965714.jpg (http://up.arabseyes.com/)

http://up.arabseyes.com/do.php?imgf=28_01_1313593965715.jpg (http://up.arabseyes.com/)

http://up.arabseyes.com/do.php?imgf=28_01_1313593965716.jpg (http://up.arabseyes.com/)

http://up.arabseyes.com/do.php?imgf=28_01_1313593965717.jpg (http://up.arabseyes.com/)

http://up.arabseyes.com/do.php?imgf=28_01_1313593965718.jpg (http://up.arabseyes.com/)

http://up.arabseyes.com/do.php?imgf=28_01_1313593965719.jpg (http://up.arabseyes.com/)

http://up.arabseyes.com/do.php?imgf=28_01_13135939657110.jpg (http://up.arabseyes.com/)

luba

01-29-2013, 02:28 AM

السلام عليكم

لوبا

جربت اليوم اني انطبق بالكريمه بس محاولتي هذه باءت بالفشل الذي حصل انه لم تتكون رغوة
ماحدث كالتالي تكونت رغوته الكابتشينو المتعوده عليها كثيفة وبعد ذلك ضفت من خليط الكريم كان ثقيل فغرق داخل الكابتشنو ثم زدته حليب و اصبح قوامه خفيف وضفته علي الكابتشينو بس الرغوه كانت خفيفه لدرجه انه الرسم لم يكن واضح

ممكن تقول لي السبب لو سمحتي بارك الله فيك
وكذلك شنو قصدك تترك فيها كمية ماء بسيطه

ام خديجة اسفة علي الاطالة في الرد كيف حالك وحال عويلتك

نجو للدرس : س: الكريمة شن نوعها اللي استعملتيها ؟

بالنسبة للكريمة المستعملة في الدرس كريمة تشبه الدريم ويب واااجد لانها نوعيه ماتتماسكش هلبه

واني خلطتها مع ماء ساخن جدا قطرات قليلة لو كانت كتافتها هلبه اضيفي قطرات وحركي

ولو كتافتها خفيفة اضيفي بودرة

يعني لو بقت كمية من الحليب او الماء الساخن كمية ماتحركت مع الكريم عادي تهزي الطبق الكريم وتسكبيه ولو ما صار ضيفيها بالملعقة

اني ما صارتش معاي هالحركة انها غرقت مش عارفة كيف صار معاك هكي ممكن انت دايرتيها تقيله واجد كيف متاع الكيكات تكون

خفيفة ورطبة مش متماسكة هلبه ومش كيف الكيكات

ان شاء الله تزبط معاك وطمنيني شنو يصير معاك وياريت لو حد تاني يطبق معاك بالكريمه بيش نعرفوا كيف صار معاكم

ان شاء الله تزبط معاك بالشوية عليك وماتكتريش كريمه في العمل ربي يوفقك ام خدوجة في انتظارك وكل ما تفشل معاك او تنجح خبريني

luba

01-29-2013, 02:34 AM

http://up.arabseyes.com/do.php?imgf=28_01_1313593965714.jpg (http://up.arabseyes.com/)

اهلين بالصابرة كيف الحال
تطبيق حلو وبدلية رااائعة .... بس ماقلتي هل انت مستعملة كريم او لا ؟

تطبيق حلو وخصوصا اول كوب طالع معاك لونين حلوات حتي ولو بقوا بدون
رسم منظرهم قنين وجاية الدائرة علي جنب سمحه اللقطة تسلم ايديك وبارك الله فيك

انت وام خديجة علي المجهودات المبدوله وربي يوفقكم دائما للاحلي والاعلي

ترهونيه حره

01-29-2013, 08:13 AM

تسلم الايادى تم الحفظ وجارررررى التطبيق

حبيبتهم

01-29-2013, 12:27 PM

تسلم ايديك يا لوبا عالدرس الحلو
بس الله غالب توا مانقدرش انطبق وانتي عارفة السبب
ان شاء الله انطبق قريبا كان قدرت

أم خديجه

01-29-2013, 03:45 PM

بارك الله فيك لوبا
نوع كيريمتي كريم شانتي
وفعلا الي غطسط كانت ثقيله
وبعدها خففتها بس كان من الصعب اني نرسم عليها
لانها كانت كيف الفقاقيع كل ما انحاول نرسم تختفي

هي بالضبط زي الصورة هذه لاختي الصابرة بس الصابرة شكلها سريعه رسمتها قعدة باينه

http://up.arabseyes.com/do.php?imgf=28_01_13135939657110.jpg

اتحسها مش رغوة كتيفه حتي لو حركتيها تقدري ترسمي مرة اخري عليها

ان شاء الله انحاول مرة اخري قريبا

الصابرة

01-29-2013, 04:31 PM

لوبا
اني استخدمت حليب الباكو سخنته وخفقته في الكوب اليدوي
والحق كريم مش متوفر عندي
وخلاص طالما عجباتك فكرة اللونين هنعتمدها ساهلة
وجت على جنب لاني درتها بطريقة السكب

وهذه صور تطبيق اليوم لكن الحق استسهلت اشوي
وعندي خوتي ودرت ليهم حروف اسمائهم الاولى

http://up.arabseyes.com/do.php?imgf=29_01_1313594690101.jpg (http://up.arabseyes.com/)

http://up.arabseyes.com/do.php?imgf=29_01_1313594690102.jpg (http://up.arabseyes.com/)

http://up.arabseyes.com/do.php?imgf=29_01_1313594690103.jpg (http://up.arabseyes.com/)

http://up.arabseyes.com/do.php?imgf=29_01_1313594690104.jpg (http://up.arabseyes.com/)

وهنا استعجلت شوي ماطحنتش النسكافيه كويس

http://up.arabseyes.com/do.php?imgf=29_01_1313594690105.jpg (http://up.arabseyes.com/)

http://up.arabseyes.com/do.php?imgf=29_01_1313594690106.jpg (http://up.arabseyes.com/)

الصابرة

01-30-2013, 08:28 PM

هذين محاولات اليوم

هنا دايرة روحي بعد مالوبا عجبتها الرغوة جاية على جنب اني بندير شكل ثاني
فخليتها خل هههههههههه

http://up.arabseyes.com/do.php?imgf=30_01_1313595700241.jpg (http://up.arabseyes.com/)

http://up.arabseyes.com/do.php?imgf=30_01_1313595700242.jpg (http://up.arabseyes.com/)

وهذه رقعت الموضوع

http://up.arabseyes.com/do.php?imgf=30_01_1313595695271.jpg (http://up.arabseyes.com/)

http://up.arabseyes.com/do.php?imgf=30_01_1313595695272.jpg (http://up.arabseyes.com/)

http://up.arabseyes.com/do.php?imgf=30_01_1313595695283.jpg (http://up.arabseyes.com/)

http://up.arabseyes.com/do.php?imgf=30_01_1313595695284.jpg (http://up.arabseyes.com/)

http://up.arabseyes.com/do.php?imgf=30_01_1313595700243.jpg (http://up.arabseyes.com/)

http://up.arabseyes.com/do.php?imgf=30_01_1313595700244.jpg (http://up.arabseyes.com/)

وطبعا شكلت الرغوة باستخدام الملعقة في الصورة اللي درت بيها الفراشة

luba

01-30-2013, 09:17 PM

http://up.arabseyes.com/do.php?imgf=30_01_1313595700244.jpg

تسلم ايديك مااااشاء الله فكرة حلوة متاع الفراشه

ربي يعطيك الصحة و فكرة الحروف ساهله وبسيطه وقنينه لو الواحد مستعجل و هلبه الحاضرين

افكار سمحة وتطبيق رااائع بارك الله فيك اسعدتيني بتطبيقك الاحلي من الاصل

بس لو حصلتي كريم ياريت تجربي مع ام خديجة في المشكله اللي صارتلها ماصارتش معاي

لانه البنات اللي في الدورة نقصوا

حبيبتهم عادي حبيبتي ولا يهمك اهم شي صحتك وربي يقومك بالسلامه

الصابرة

01-30-2013, 09:26 PM

باهي اللي عجبك لوبا

وان شاءالله توا نبعث على كريمة وانجربها وانقولك

barney

01-30-2013, 10:20 PM

بارك الله فيك لوبا علي مجهودك

ان شاء الله جاري التنفيذ والتقييم

الصابرة

02-03-2013, 01:45 AM

اني جيت ابلتنا

عشان خاطرك بعتت على كريم ودرتها

وهذا شكل الكريم بعد الخفق

http://im31.gulfup.com/TnIQ1.jpg (http://www.gulfup.com/?88Q1Wg)

وهنا بعد ان سكبته ولم ارسم عليه لكي يوضح الشكل لام خديجة

http://im31.gulfup.com/5dmg2.jpg (http://www.gulfup.com/?ZelJDK)

http://im31.gulfup.com/7mAp3.jpg (http://www.gulfup.com/?OYZSim)

ملاحظتي ام خديجة
ان الكريم لو اختلط مع الكابتشينو تضيع الرغوة كلها سوى الكابتشينو او الكريم
فمجرد ان تنزل الكريم داخل الفنجان مهما حاولتي ان يعمل رغوة جيدة معاش يسير منها

واذا حسيتي ان الكريمة كثيفة هلبة من البداية قبل ان تضعيها في الفنجان زيديها ماء وخففيها
هذه نصائحي لك
رغم اني من اول ماجربتها جت تمام وفعلا اضاف طعمة حلوة للكابتشينو

ان شاءالله اكون افدتك ام خديجة وان شاءالله التطبيق القادم مع التشكيل

أم خديجه

02-03-2013, 03:13 AM

بارك الله فيك اختي الصابر
مشكوره علي الملاحظات فعلا كانت الضيع الرغوة كل ما انحاول انواسيها بالملعقه
تسلمي ان شاء الله انجرب تاني
فعلا الطعم رائع
موفقه وان شاء الله ربي يرزقك ماتتمني

الصابرة

02-03-2013, 04:57 AM

اااااااااااامين يارب
وفيك بارك الله وخيتي ماعندي فيه جميل هو الغرض اننا انتعلموا ونفيدوا بعض في تجاربنا
وبارك الله في لوبا

أم خديجه

02-03-2013, 03:19 PM

السلام عليكم

هذا تطبيقي بالكريمه

ان شاء الله يعجبكم

بارك الله في اختي الصابره علي ملاحظاتك

وبارك الله في لوبا لان طعمة الكريمه مع الكباتشينو رائع

زدة خففة الكريمه وخفقتها جيدا وبعد ذلك رسمت عليها

انخليكم مع الصور

http://up.arabseyes.com/uploads2013/19_03_13136365281207023.jpg (http://up.arabseyes.com/)

وهنا بعد الرسم عليها

http://up.arabseyes.com/uploads2013/19_03_13136365281212914.jpg (http://up.arabseyes.com/)

في امان الله

الصابرة

02-03-2013, 04:43 PM

ماشاءالله تبارك الرحمن
طالعة معاك تمام وتهبل
سلم دياتك
والله فرحت لما شفت الصور انها زبطت معاك
لان البنات كلهن فاتن الموضوع معاش عدلن على التطبيقات
مع احترامي للعندهن ظروف

أم خديجه

03-09-2013, 04:53 PM

كيف حالك ابلتنا

الحمد الله فتح المنتدي من جديد

مشكورة اختي الصابره وبارك الله فيك

وان شاء الله يعدود النشاط للبنات من جديد

الترياق

03-09-2013, 10:42 PM

http://up.arabseyes.com/uploads/10_03_1313628636341.jpg (http://up.arabseyes.com/)

الترياق

03-09-2013, 11:02 PM

السلام عليكم

أحلي ززززززغرطه أولاً لأن المنتدي رجع الحمدلله,,,,ثانياً نجحت و الحمدلله و تعلمت نرسم ع الكابتشينو,,,و أخر كوبين أهداء مني أليكن . ليكن وووووووووووووووووووووووووجشة للمليون

هنا أنا أستخدمت للرسم بالأبيض حليب النيدو و ثقلته واجد,,,و رغوة النسكافيه بعد ما زدتها نسكافيه بودرة عشان يدكن اللون,,و الرسم بعيدان الأذن التي تحتوي القطن مخصصتها للمطبخ.
و الأن أترككم مع النتائج هههههه:D
http://up.arabseyes.com/uploads2013/27_03_13136434881319681.png (http://up.arabseyes.com/)http://up.arabseyes.com/uploads/09_03_1313628612601.png (http://up.arabseyes.com/)

أم عبادة الليبية

03-10-2013, 03:30 AM

الصابرة

03-10-2013, 05:23 AM

العفو وخيتي ام خديجة

ماشاءالله وخيتي حماة ام عبسي
وفكرة اعواد الاذن حلوة

وام عبادة صحيتي وخيتي ونستنوا في تطبيقاتك وصورك

luba

03-10-2013, 07:03 AM

http://up.arabseyes.com/uploads/03_02_1313598973382.jpg (http://up.arabseyes.com/)

اهلين بام خديجة والله ليك وحشة وكل البنات وسعادتي لاتوصف لانه فتح من جديد

بارك الله في كل من كان السبب وراء فتحه ربي يفتحها عليهم

بالنسبة للتطبيق ممتاااااااز وفرحتيني واااااااجد انت والصابرة

لانه هدي الدورة والافكار من عندي وخفت ماتكون زابطة الا معاي

او نحس اني نحلم وما صار شي سعيدة جدا جدا لتطبيقك اللاكتر من راااائع

وشكرا جزيلا للصابرة علي الوقوف بجانيبا بارك الله فيها

luba

03-10-2013, 07:07 AM

http://up.arabseyes.com/uploads/09_03_1313628612601.png (http://up.arabseyes.com/)[

اهلين بحماة ام عبسي النويشطة ربي يحفظها سلمك زغراته انردوه في الافراح ان شاء الله واحني فرحانين بالمنتدي ومعرفتك فيه

وبارك الله فيك علي التطبيق وافكارك الحلوة الرائعة تسلم ايديك ماشاء الله حلوة حتي لو الوحدة مكسله تخلط حليب نيدو

ونسكافيه سعيدة جداجدا بافكارك انت والبنات ما خليتوها معتمدة علي الموجود انتم طورتوها وخليتوا الدروس اكتر متعه وافدتوني

جزاك الله كل خير تتبعينا في باقي الدوس

luba

03-10-2013, 07:09 AM

بارك الله فيك أختي الغالية لوبا على مجهوداتك في تعليمنا كل مايفيد وأني استفدت من هذه الدورة وان شاء الله حنطبق وانزل الصور في أقرب وقت ,
وبنقول لأخواتي الصابرة وأم خديجة وحماة أم عبسي تطبيقاتكم غاية في الروعة وشجعتني على التطبيق ماشاء الله عليكم أخواتي , دمتم في رعاية الله .

وفيك بارك الله عزيزتي البنات حتي هما فادوني بارك الله فيهم حتلقي افكار منهم رائعه ونطبق فيها

عند العمل وسعيدة بتواجدك معانا في الدورة وفي انتظار تطبيق بشوق

في امان الله امولتنا

أم خديجه

03-10-2013, 06:59 PM

تسلمي لوبا وبارك الله فيك
ومشكورة علي مجهوداتك
فرحتيني ان تطبيقي عجبك

ما شاء الله حماة ام عبسي وبارك الله فيك

الترياق

03-27-2013, 04:01 AM

السلام عليكم
من زمان و أنا منمنية نتعلم الرسم ع الكابتشينو,,و دورتك و دروسك يالوبا كانت أكثر من رائعة و شكراً ع المجهود و يارب يككون في ميزان حسناتك,,مازال الكريمة ماتزبط معايا عشان هكي جربت حليب النيدو و نفع للرسم بس ما يثبت ع الوجه زي الكريمة,,و أن شاء الله مستمرة معاكم ف الدورة.
صبوووورة و أمولة الليبية و أم خديجة كلكم ذوووق و التطبيق ع الكريمة طالع روعة يارب تسلمووووا و يحفظكم الله جميعاً,

أم خديجه

04-02-2013, 04:09 PM

الترياق

04-03-2013, 02:39 AM

ام خديجة بشوي علينا أنا مازال نتغزل في صورة الوردة و تنظيم الرسم و القوالب جيتييني بالرسم بالأكياس,,تبارك الرحمن عليك و ربي يحفظك,, دائماً متميزة.

http://up.arabseyes.com/uploads2013/02_04_13136491173569061.jpg

luba

04-04-2013, 12:21 AM

هذه طبقتها من فترة
ولم تكن رسم خديت خلطة وحطيتها في كيس وعصرتها وهذه النتيجه

http://up.arabseyes.com/uploads2013/02_04_13136491173569061.jpg (http://up.arabseyes.com/)

مااااااااااااااااااااشااااااااااااااااااااااء الله لاقوة الا بالله ابدعتي ابدعتي الرسمة تحفففففففه

روووووعة شوية فيك وفكرتك تهبل وتجنن واكيد بنحفظها وبنعتمدها وخاااااصه

في تواجد عدد كبير بيشرب معاي بصراحة صدمتيني فكرة توفر عليك الجهد والحوسه وكل شي

الحق فتحت فمي لين ماعاد عرفت شن نقول بجد براااااااااافووووووووووووووووووووووووووووووووووووو وووووووووو

شكرا شكرا جزييييييييييييلا علي كل شي تواجدك بقوة في الدورة ورسماتك و افكارك انت والبنات

اللي تهبل وافادتني وااااجد يسلموووووووووووووا الكل

أم خديجه

04-04-2013, 01:57 PM

بارك الله فيك لوبا اخجلتم تواضعنا

احرجني كلامك معاش عرفت شنو نكتب هذه شهادة نعتز بيها

شكرا ليك انت ولعطائك الصادق ولتشجييعك لينا

مشكوووووووووووورة حبيبتي ربي يحفظك لعويلتك وايخليهلك

لوتي

06-15-2013, 10:59 PM

لوبا ساعدينييييي

اليوم وتيت كل شي بنطبق الرسم وخفقت الكريمة وكلو تمام ولما صبيت الكريمة بالملعقة علي النسكافيه غاصت داخل الفنجان ولما درت محاولة تانية وخليت الكريمة سايلة شوي نفس الشي غطست شنو السبب حتى قلت خلي انطبق الدرسين اللي بعدهم لقيت نفس الشي فيهم كريمة قلت خلي نسأل قبل

luba

06-16-2013, 04:47 PM

اهلين لوتي هيا ماصارتش معاي
بس نعطيك احتمالات لاني مش عارفه كيف درتي هل نفسي بالضبط او لا ونوع الكريم
لازم تخلطيها بماء ساخن
وتكون مش تقيله
اواخلطيها بشوي سائل قليل جدا جدا من الماء
وحركي الكوب حركة دائرية بيدك واسكبيها في كوب الكباتشينو
وبالشوية وخلي تكون عندك رغوة في كوب الكباتشينو رغوته الاصليه
بدون فقاعات تكون عادية ممكن هيا تساعدك علي بقائها
حاولي وارجعي قولينا شنو صار معاك في انتظارك

أم خديجه

06-16-2013, 06:04 PM

مرحبا لوتي
حاولي اتزيدي اتخلي الكريمه سايله اكثر وجربي

لوتي

06-16-2013, 06:23 PM

إن شاء الله إنطبق النصايح رغم إني لما غطست المرة الأولى ضفت للباقي من الكريمة شوي إمية بيش اتولي سايلة وصارلي نفس الشي لكن إنحاول مرة ثانية شكرا لوبا وأم خديجة خليكم قراب بيش اقوللكم شنو صار إمعاي
لوبا هادي مفهمتهاش
وخلي تكون عندك رغوة في كوب الكباتشينو رغوته الاصليه
بدون فقاعات تكون عادية ممكن هيا تساعدك علي بقائها

luba

06-16-2013, 09:22 PM

نقصد رغوة الكباتشينو الاولي لما تضربية
مرات تصير انه الرغوة اللي فوق فيها فقاعات
حتي الرسم صعب عليها
شوي متلا رسمات الاولات في الدروس نرسموا علي رغوة متساوية
وبدون فقاعات زي الكريمه سطحها املس واحني معاك لين تجيبيها
ربي يعطيك الصحة منورة يالوتي

لوتي

06-17-2013, 03:33 PM

ربي يسلمك ويخليك لولو اليوم جبت المحاولات للأسف مزال مش زابطة معاي هذي محاولاتي توا

المحاولة الأولى

الكريمة غطست ودارت فقاعات مع إني خليت سطح رغوة النسكافيه متساوي بقدرالإمكان

http://i1163.photobucket.com/albums/q559/Lotte2012/1-29_zps29085d58.jpg (http://s1163.photobucket.com/user/Lotte2012/media/1-29_zps29085d58.jpg.html)

المحاولة الثانية

خليت سطح الكابتشينو رغوة متساوية وصبيت الكريمة وكانت سايلة إلى غليظة القوام زبطت فرحت ولما جبت القالب وحطيته ورشيت النسكافيه شوفي شنو صار

http://i1163.photobucket.com/albums/q559/Lotte2012/2-27_zpsf2490588.jpg (http://s1163.photobucket.com/user/Lotte2012/media/2-27_zpsf2490588.jpg.html)

مزال إن شاء الله عندي محاولات بس حبيت إتشوفي محاولاتي

أم خديجه

06-17-2013, 04:51 PM

اهم شئ انك تستمري في المحاوله
صارلي نفس الشئ ما كانتش تزبط معاي
بعد ما جربتها اختي الصابره وبارك الله فيها كتبت بعض ملاحظاتها في تطبيقها جربتها وكانت النتيجه مرضيه
شوفي تطبيقها ان شاء الله تستفيدي منهن
واكيد الابله لوبا تو اتفيدك

barney

06-17-2013, 06:16 PM

بارك الله فيك يا لوبا وسلم ايدياتك تستاهلي التقييم
ع الأشكال اللي اتهبل سلمها ياربي تعلمنا منك واجد
لك تقييمي

لوتي

06-18-2013, 11:30 AM

أهههه يا أم خديجة جربت بالكريمة الثقيلة والسايلة والنص ومزبطتش لكن سؤال بيش تخفقو في الكريمة بمضرب يدوي ؟

luba

06-18-2013, 09:06 PM

اهلين بالنشيطة اللي معبية اصرار

محاولة لا بأس بيها كادت ان تنجح

بس ليش الفنجان معبي فقاعات كبيره من الاول او بعد حطيتي الكريمه ؟

وهل الكريمه فيها فقاعات كبيرة ؟

الكريمة نخفقوا فيها شوية مش هلبه اقل من دقيقة

ويكون الخليط شبه سائل اقل من سمك خليط الباسطي

و اخفقي بيش ماتبي المهم ماتكتريش خفق

وممكن البنات يخشوا يخبروك كيف خفقوها وبيش

اني خفقتها باداة خفق الحليب و البيض وهيا خفاقه صغيرة

بالبطاريات وماطولتش في خفقها

لوتي

06-18-2013, 09:23 PM

تسلميلي لولو علي التشجيع الفقاعات بعد ما حطيت الكريمة غطست وطلعت فقاعات وإن شاء الله عندي محاولات تانية