سؤال عن دورات في طرابلس

[# نور #]

السلام عليكم

اخواتي هل يوجد في طرابلس دورات للتدبير المنزلي ، مثلا تعليم الطبخ او اشغال الصوف ،

لكن مش خياطة وتفصيل يعني يفضل في الحاجتين اللي ذكرتهم ؟

اللي تعرف ياريت تقولي وين بالضبط وكم مدتها وكل شي عنها وهل في حد اشترك فيها واستفاد

نستناكم

[luba]

لااعلم بس ان شاء الله يفيدوك الاخوات فكرة حلوة الدورة هادي ربي يوفقك وتلقيها

[# نور #]

والله ياريت يفيدونا


بالانتظار وشكرا ليك اختي

[الصابرة]

الحق اني مانعرف
لكن وخيتي لماذا تبحثي عن دورات تدفعي فيها مالك ومرات لاتستفيدي منها
بما انه لديك نت فيمكنك ان تتعلمي كل شئ من خلاله
كم منا كانت لاتتقن الطبخ واصبحت ماشاءالله ماهرة وكم منا كانت لاتعلم اي شئ عن اشغال الصوف واصبحت تعمل في ملابس لابنائها
واذا تحبي يمكنني ان افيدك
فشغل الصوف فاتحين هنا في المنتدى دورة تدريبية لتعليم الكروشيه
والطبخ المنتدى اصلا مختص بالطبخ
وعذرا على الاطالة تقبلي من تطفلي

[آمال]

الحق اني مانعرف
لكن وخيتي لماذا تبحثي عن دورات تدفعي فيها مالك ومرات لاتستفيدي منها
بما انه لديك نت فيمكنك ان تتعلمي كل شئ من خلاله
كم منا كانت لاتتقن الطبخ واصبحت ماشاءالله ماهرة وكم منا كانت لاتعلم اي شئ عن اشغال الصوف واصبحت تعمل في ملابس لابنائها
واذا تحبي يمكنني ان افيدك
فشغل الصوف فاتحين هنا في المنتدى دورة تدريبية لتعليم الكروشيه
والطبخ المنتدى اصلا مختص بالطبخ
وعذرا على الاطالة تقبلي من تطفلي

جزاك الله خيرا
كفيت ووفيت يا أختي

[لوتي]

نور زي ما قالتك الصابرة الصوف تعلمي من الدورة وماشاء الله الصابرة مقصرتش والطبخ تعلمي معانا وحدة وحدة حتى أني مازلت نتعلم

[# نور #]

حبيباتي كلامكم عين العقل لكن الدورة مش ليا

الناس تختلف مش كلها تعرف النت ومش كلها تحب النت

الدورة لاخت نعرفها واني وعدتها اني نسأللها في هذا المنتدى الراقي وان شاء الله نفيدها

اني سمعت ان الاتحاد النسائي يعطي دورات زي هكي ياريت اللي يعرف يفيدنا وين مكانه وهل يقدم دورات والا لا

وشكرا ليكم مرة تانية

[لوتي]

عندك حق يانور إن شاء الله الأخوات اللي يعرفو يجاوبوك تقبلي مروري

[# نور #]

الف شكر حبيبتي

[الصابرة]

معاك حق نور
ان شاءالله اللي تعرف من الاخوات يفيدوك

[أم عبادة الليبية]

السلام عليكم:-

أختي نور نعرف دورة لتعليم الطبخ الليبي سواء وجبات رئيسية أومعجنات أوسلطات في غوظ الشعال وعندهم صفحة عالفيس , وفي دورة تانية خاصة أكثر شئ بالحلويات والتورتات والبكلاوات والأكل الشامي وهما تقريبا في المدينة وحتى هما عندهم صفحة عالفيس , وأني الحق مانعرفهمش على المستوى الشخصي وماجربتهمش , ولو تبي الصفحات قوليلي باش نبعتهملك في رسالة لأن ربما قوانين المنتدى ماتسمحش اني نكتبهم هنا.

[# نور #]

شكرا حبيبتي بارك الله فيك

بالنسبة للي في منطقة غوط الشعال فهي بعيدة لان الاخت في المدينة فيا ريت تبعتيلي الباقي

ومازلت في انتظار باقي الاخوات لو يعرفوا اي دورة عن اشغال الصوف يفيدونا ولهم اجر

[# نور #]

اختي امولة بارك الله فيك ومشكورة وصلوني جزاك الله كل خير

[أم عبادة الليبية]

وفيك بارك الله حبيبتي