[ البيتزا] من مطبخ دانية

[دانية]

السلام عليكم ..

بيتزا

من زمان ماشاركت بس اليوم خاطري في بيتزا بالتن قلت

يالا نتنشط شوية ونعصر بيها انا وصغاري ..

طبعاً مقادير البيتزا معروفة مع انها تختلف من وحدة لأخرى ...المهم مقاديري :-

3 اكواب دقيق/ بيضة/ كوب حليب / ملعقة كبيرة خميرة فورية/

شوية سكر/ شوية ملح / ماء مقدار مايعجن

الصلصة:

حبتين طماطم في الخلاط مع فصيص ثوم وبهاراتك

..وطاجين عالنار حطيت فيه بصل اخضر مقطع صغير حتى يذبل وبعدين

نضيف الصلصة وبعدها حليت عليهم حكية تن وخليتها تطبخ نين تخثر..

وفردتها عالعجينة مع الجبنة والزيتون وهذي الصلصة عالنار


http://www.libyan-kitchen.com/gallery/images/oloolo.jpg



وهذا شكلها قبل الفرن


http://www.libyan-kitchen.com/gallery/images/aia.jpg



وبعد الخروج من الفرن


والطرف الساخن هاذا لأول لأول وحدة ترد عالموضوع

http://www.libyan-kitchen.com/gallery/images/mxm.jpg

[لوتي]

http://www.libyan-kitchen.com/gallery/images/mxm.jpg

يمييي خديت الطريف والكولا معاه
معنديش روح مع البيتزا وبيتزتك روووعة
تســـــــــــــلم إيـــــــــــــــــــــدك
والتقييم ليك وللموضوع بإذن الله

[ميرولاكى]

تسلم الايااااااااادى الحلوه
بيتزا تشهىىىىىىىىى

[أم عبادة الليبية]

ماشاء الله دانية بيتزا روعة تسلم ايدك حبيبة .

http://www.libyan-kitchen.com/gallery/images/zlzzlz.jpg

[الترياق]

لا حول الله ديما نجيي متأخرة سبقوني البنات و ما عقبو الا اليي مازال ماطابت,,يلا صحتيين و عافية ,,و تسلم الأيادي

[أم عبادة الليبية]

هههههههههههه قداش اضحكي فيا حماة أم عبسي سلمها يارب هالحبيبة :)

[دانية]

تسلمن عالردود المشجعة...
حماة ام عبسي ولا يهمك الطاجين كله لك ...بالمشروب;)

[luba]

تسلم الايادي ماشاء الله وعجبتني التن اللي مع الصالصة

ربي يعطيك الصحة ويوفقك في دراستك يااارب ويسعدك وصحة وهني ليك ولصغاااارك الحلوين

تم التقييم لام سفيان من ام سفيان

[دانية]

تسلمي لوبا الغالية ديما ردودك حلوة ربي يحفظلك سفيان..ويسلم كل من زارت الموضوع

[نسمه ليبيه]

عينى ياعينى ماشاء الله انت تقري وتذاكرى لصغارك وتديري فى البيتزات واتعانى فى الحمل ان شاء الله بس موفيه مع ابو الشباب:confused:


يسلموا بيتزا غير شكل

[أم خديجه]

تسلم ايديك
ما شاء الله
فكرة التن مع الصلصه مش مجربتها انحط فيه فوق الصلصه بعد فردها علي العجينه
ان شاء الله انجربها

[زوبة الطيوبة الحبوبة]

بيتزا ماشاء الله تجي في الخاطر
الله يسلم أيديك يادانية.

[دانية]

تسلمن ياغاليات عالتشجيع الحلو .....بارك الله فيكن

[الصابرة]

تسلم الايادي ويعطيك الف صحة وعافية

[رميساء]

السلام عليكم
تسلمي علي البيتزا
بالعافية عليكم
وبارك الله فيك علي الشرح
جاري التقييم