إستفسار عن محلات لبيع فساتين الزفاف

[لوتي]

السلام عليكم ورحمة الله وبركاته

كيف حالكم جميعا راهو المقصود مش زي العنوان نبي نعرف أسماء محلات ايبيعو في الجاكيتات اللي يلبسو فيهم فوق الفيلوات يعني اللي تبي الفيلو متغطي نبي محلات حاجاتهم راقية ولو حتى فيه خياطات كويسات ياريت تقولولي وين
وشكرا مقدما لكل من بترد عليا

[أم خديجه]

ان شاء الله البنات يفيدوك
ما شاء الله المحلات في البلاد هلبا وادواق راقيه
لما زرت ليبيا لاحظت في اهتمام كبير بالنسبه لمناسبات الاعراس من كل شئ

[الصابرة]

والله ياريت يا لوتي وحدة ترد عليك عشان حتى اني نستفيد لاني ليا فترة اندور فيهن

[أم عبادة الليبية]

لوتي كان قصدك جاكيت للفيلو الأبيض فننصحك بالخياطة أفضل حسب ذوقك لأن اللي في محلات الفيلوات مش حلوات , ولكن كان قصدك على جاكيتات فساتين السهرة نعرف محل عنده حاجات روعة وراقية جدا , وعلى فكرة عنده صفحة في الفيس لو تحبي نبعتلك عنوان الصفحة عالخاص .

[الصابرة]

ابعتيه ليا ام عبادة على صفحتي في الفيس اني اندور فيهن للفستان السهرة

[لوتي]

أم خديجة
الصابرة
أم عبادة

بارك الله فيكن علي ردكن عليا

[لوتي]

أم عبادة ياريت تبعتيه ليا ولو فيه خياطة كويسة تعرفيها نبي عنوانها عادي من طرابلس وإلا تاجوار وإلا الزاوية المهم اتكون شغلها حلو

[أم عبادة الليبية]

لوتي ابعتلك العنوان بس طلعتلي هذه الجملة :-


لوتي تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.)

[لوتي]

سامحيني أم عبادة تأخرت في الرد عليك مسحت من الرسايل عندي توا إن شاء الله تقدري ترسليلي شكرا علي تعبك