[استفسار] عن أماكن بيع قوالب التشكيل لعجينة التغليف

[# نور #]

ربي يحفظكم اخواتي

وين نلقى ادوات تزيين عجينة السكر او الفوندان ؟ عى سبيل المثال القوالب اللي تشكل ورد صغير وباقي الاشكال ؟ وبكم ؟

وهل في اماكن تبيع العجينة جاهزة ؟

واي شي يتعلق بهذه العجينة يكون جاهز من حيث القوالب او العجينة نفسها اين يباع الاسعار ياريت تفيدوني بيه ،

مع الشكر لاخواتي اللي قاموا بعمل العجينة في البيت على ما اتذكر اختي الصابرة وباقي الاخوات


وننتظر ردكم على استفساري بارك الله فيكم

[أم خديجه]

ان شاء الله البنات يفيدوك
ما شاء الله الاخت صابرة عندها معلومات باذن الله تفيدك
بارك الله فيها و في كل الاخوات

[أم عبادة الليبية]

في أكثر من محل لمعدات وأدوات الحلويات والتورتات يشكروا فيهم الأخوات مثل :-

محل مركز طرابلس مقابل مستشفى الخضراء , ومحل الوردة البيضاء مقابل المستشفى أيضا , ومحل العالمية قبل سمافرو الظهرة بين محل الخزنات ومحل ياهلا داخل زنقة صغيرة , ومحل تبارك في زاوية الدهماني , ومحل بن موسى في سوق الجمعة .

طبعا للعلم أني مامشيتش حتى لواحد فيهم بس ناوية بإذن الله نمشي الفترة الجاية , وكان مشيتي انتي خبرينا رأيك فيهم , ويارب انكون أفدتك حبيبة .

[الصابرة]

ماشاءالله ام عبادة ماقصرت بارك الله فيها
اني مشيت لمحل مركز طرابلس وماشاءالله ماهناك حاجة ماعنده الحق نين ادوخي
لكن اسعاره غالية شوي
لكن الباقيات مامشيت ليهن
لكن هلبة يشكروا في محل العالمية وحتى اسعاره يقولوا معقولة

[# نور #]

بارك الله فيكم حبيباتي ربي يوفقكم ويكتبلكم اجر مساعدتي كل الشكر ليكم بالاسم ربي يبارك فيكم

واسفة لاني مقصرة هلبة مع المنتدى ونغيب وما نرجع الا بسؤال ولكن هذا من ثقتي الكبيرة بيه وباخواتي الغاليات اللي ينوروه بمساعدتهم وابدعاتهم تبارك الله

بمجرد ما نمشي لاي من المحلات المذكورة هنخبركم باذن الله

شكرا ليكم

[luba]

تمت اﻻجابه بارك الله فيكم سيغلق الموضوع