[ الدرس السابع والاخير ] في دورة كوني فنانة الرسم علي الكباتشينو

[luba]

http://www.libyan-kitchen.com/gallery/images/isiisi.gif





كل الدروس حصريا للمنتدي
المطبخ الليبي لزينب محمد




الدرس السابع : الرسم علي الكاباتشينو بصوص الشكولاته المنزلي


هنا سنعد الصوص في البيت
بطريقة سهله ومتوفره في كل بيت


ملاحظة :

يحفظ الصوص في علبته خارج التلاجه

وكدلك يمكن استعمال اي شئ يناسبكم للتطبيق مانقول لكم بالضرورة هدا الصوص

بس اكيد يسعدني جدا جدا لو اطبقوه لانه بيفيدكم حتي في الكيكات و الكب كيك والرسم


طريقة صوص الشكولاته (سيروب الشكولاته )


نصف كوب سكر

نصف كوب كاكاو

نصف كوب ماء

ربع كوب ( رب التمر او شربات تقيله جدا مضاف اليها الفانيليا
او شراب الذرة )

نضع المقادير المتساوية من السكر والكاكاو
في طنجرة صغيره ونخلطها مع بعض جيدا


http://www.libyan-kitchen.com/gallery/images/lb125.jpg


تم نضيف الماء العادي ونحرك حتي يدوبوا


http://www.libyan-kitchen.com/gallery/images/lb126.jpg


تم نضيف رب التمر او الشربات بالفانيليا

هنا اضفت مايسمي بالملاسيس عندنا بالخارج

وهو رب بس يشبه رب الدي يباع في المحلات

هدي صورة شربات البيت التقيله والملاسيس

نستعمل واحد منهم

http://www.libyan-kitchen.com/gallery/images/lb127.jpg


تخلط جيدا

http://www.libyan-kitchen.com/gallery/images/lb128.jpg


وتوضع علي النارالمتوسطة

http://www.libyan-kitchen.com/gallery/images/lb129.jpg


وتحرك باستمرار حتي الغليان

وتبقي في فترة الغليان والتحريك لمده من دقيقه الي دقيقه ونصف

http://www.libyan-kitchen.com/gallery/images/lb130.jpg


نرفعها ونتركها حتي تبرد نستعملها بعد ان تبرد تماما لتحصلي

علي نتيجه رااائعه

تم نضعها في قارورة تكون دات فتحه صغيرة

http://www.libyan-kitchen.com/gallery/images/lb131.jpg

وادا لم تتوفر خدي قارورة المياه واتقبيها



نجهز خليط الكباتشينو

كل وحدة ورغبتها

2 ملعقة صغيرة سكر ونصف ملعقة صغيرة حبوب قهوة الكباتشينو

وقطرات من الماء حوالي نصف ملعقة صغيرة

تضرب باليد ا الخلاط كتيرا حتي يتغير لونها

http://www.libyan-kitchen.com/gallery/images/lb67bxb.jpg

نقوم بتسخين حليب الباكو علي النار
تم نصبه علي خليط الكباتشينو
فتتكون لديك رغوة خفيفة
وهي سنرسم عليها

http://www.libyan-kitchen.com/gallery/images/lb68ngn.jpg



نسخن حليب المعقم ونخفقه بالخفاقه
اليدوية اوو الكهربائية

ونضيفها علي الكباتشينو


http://www.libyan-kitchen.com/gallery/images/lb131.jpg


نستعمل الصوص وعود الخشب الذي
يستعمل في الشواء
او عود الخشب الصغير لي الاسنان

نرسم دوائر بالصوص

http://www.libyan-kitchen.com/gallery/images/lb132.jpg


ندخل العود من الداخل مركز الدائرة الي الخارج
ونلف هكدا علي كل الدائرة مع ترك مسافة لاحقا
للعودة

http://www.libyan-kitchen.com/gallery/images/lb133.jpg


بعد ان انتهينا الان العودة وهو وضع العود من الخارج
الي الداخل علي قاعدة المتلتات الخارجية
بين كل خطين وعندما نعود الي الداخل في المركز نقوم بلف حركة دائرية بسيطه
في داخل الدائرة الاولي الصغيرة وهي مركز الدائرة


http://www.libyan-kitchen.com/gallery/images/lb135.jpg

وهنا انتهينا وهدي النتيجه بطريقة محترفة ومتوفرة
وسريعه

http://www.libyan-kitchen.com/gallery/images/lb136.jpg


http://www.libyan-kitchen.com/gallery/images/lb140.jpg


http://www.libyan-kitchen.com/gallery/images/lb125drd.jpg




الرسمة الثانية :


نستعمل الصوص وعود الخشب الذي
يستعمل في الشواء
او عود الخشب الصغير لي الاسنان

نرسم دوائر بالصوص متصله ببعضها

نبدأ من مركز الدائرة ونتحرك حتي خارجها بدون تقطع


http://www.libyan-kitchen.com/gallery/images/lb142.jpg

نعمل خطوط تقطعها نبدا من مركز الدائرة

حتي خارجها وتكون المسافات ليست كبيرة


تكون هكدا او تزيدي تقطعي الفراغات من الداخل الي الخارج

http://www.libyan-kitchen.com/gallery/images/lb143.jpg


هدي زيادة الخطوط

http://www.libyan-kitchen.com/gallery/images/lb144.jpg

وهدي النتيجه بطريقة محترفة وسهله

http://www.libyan-kitchen.com/gallery/images/lb147.jpg



http://www.libyan-kitchen.com/gallery/images/lb126yty.jpg


وهدي رسمة بسيطه

نعمل خطوط متساوية متقابله مع بعضها وبجانب بعضها
مع ترك مسافة

http://www.libyan-kitchen.com/gallery/images/lb148.jpg

ونقطعها دهاب وعودة بعود الخشب الكبير
لاحطي حركة الصوص

http://www.libyan-kitchen.com/gallery/images/lb149.jpg



http://www.libyan-kitchen.com/gallery/images/lb150.jpg


http://www.libyan-kitchen.com/gallery/images/lb152.jpg

http://www.libyan-kitchen.com/gallery/images/lb127yqy.jpg






وهدي رسمه عشوائية احبها وخاصه علي الكيكات

نعمل نقاط ونحركها حركه دائرية في اتجاه تم نرجع

عكس الحركه الاولي

علي كل الدوائر ولا نقطع الحركة ندهب للنقطة الاخري

بالعود بدون ان نخرج من القهوة

http://www.libyan-kitchen.com/gallery/images/lb153.jpg


وهنا اكترت من النقاط لاني احسستها قليله

http://www.libyan-kitchen.com/gallery/images/lb154.jpg


وهدي النتيجة


http://www.libyan-kitchen.com/gallery/images/lb156.jpg




واخر رسمة هدي طريقة الرسم الحر اختياري

وهدي رسمه بعود الخشب السميك
مع الصوص ويمكن هنا العودة والدهاب بالعود عكس الخليط
الاول والتاني المستعمل في الرسم السابق

http://www.libyan-kitchen.com/gallery/images/lb157.jpg


http://www.libyan-kitchen.com/gallery/images/lb159.jpg


http://www.libyan-kitchen.com/gallery/images/lb128rrr.jpg


تقبلوا تحيات


http://www.libyan-kitchen.com/gallery/images/lb83.jpg



http://www.libyan-kitchen.com/gallery/images/aoa.gif

[حبيبتهم]

تسلم ايديك لوبا ان شاء الله جاري التطبيق يا حلوة قريبا

[حبيبتهم]

جبت تطبيقي يا لوبا وعذرا لاني مادرتش الصلصة متاعك لاني عارفة روحي كان درتها بنقعد غير نلحس فيها نخاف يرتفعلي السكر واني هالايام ماعنديش الروح معاه الحلو

المهم هذا تطبيقي السريع ومش حلو كيف تطبيقاتك انتي لكن ان شاء الله مرة ثانية يطلع احسن من هكي


http://im37.gulfup.com/XSuhv.jpg (http://www.gulfup.com/?R0DqO1)


هذي الصلصة اللي استخدمتها وقريب غطست في الكابتشينو


http://im37.gulfup.com/AJZRa.jpg (http://www.gulfup.com/?mqAT1L)

[رميساء]

السلام عليكم
بارك الله فيكِ علي الدرس
بإذن الله جاري التطبيق (الواجب) ههههههههههه
في الايام الجاية

[أم خديجه]

بارك الله فيك لوبا جاري التطبيق ان شاء الله
ماشاء الله حبيبتهم علي السريع بس طالع سمح تطبيقك

[luba]

http://im37.gulfup.com/XSuhv.jpg


مااااشاااااء الله تسلم ايديك واسعدني رجوعك للدورة
بارك الله فيك
رسمتك حلوة بس الاختلاف انت تتحكمي فيه عليا
لو رجعتي بالعود من الخارج للداخل تم في اخر رده في المركز اتلفي
العود دائري تطلع نفس اللي فوق تماما
مشاركة اكتر من راااائعة يسلمواااااااااااااااااا وربي يقومك بالسلامة ياااااااارب

[قهوة مزبوطة]

ما شاء الله شرح مبسط وواضح بارك الله فيك كعادتك مبدعــــــــــــــــــــــــــــــــــــــــــــة

[الصابرة]

ماشاءالله تبارك الرحمن
درس عجبني من الاخير وان شاءالله النت مايديرها فيا
وانزل تطبيقاتي
بارك الله فيك وحفظك ورعاك

[الصابرة]

هذا اول تطبيق لي وان شاءالله الايام الجاية حندير احسن من هكي
الله يبارك فيك ويعطيك ماتتمني يارب على المجهود المبذول معانا
ربي يحفظك يارب




وهذه الصور شنو رايك

http://up.arabseyes.com/uploads/24_12_1213563500421.jpg (http://up.arabseyes.com/)



http://up.arabseyes.com/uploads/24_12_1213563500422.jpg (http://up.arabseyes.com/)



http://up.arabseyes.com/uploads/24_12_1213563500423.jpg (http://up.arabseyes.com/)





http://www.libyan-kitchen.com/gallery/images/1iri.gif

[أم خديجه]

ما شاء الله يالصابرة
تطبيق روعه والصوص طالع يهبل فيه لمعه روعه
http://up.arabseyes.com/uploads/24_12_1213563500422.jpg

[الصابرة]

صحيتي وخيتي ام خديجة
حتى انتي تطبيقاتك ماشاءالله عليهن نراجي فيه

[الترياق]

أستنونييييييييييييييييييييييييييييييييييييييييي,,, ,عندي مشكلة ف الكمبيوتر و النت ,,,و الموبايل أنتم عارفيين الشبكة و ضعفها.
لوبا ليه عليك بعد ما خرب النت عنديي جبتي الشكلاطات و الحاجات الحلووووووووووووة.,,بس ورااااااك انتي و دروووووسك حتا ولو ف الدور الثاني أو التكميلي.

[الصابرة]

بارك الله فيك
وهذين تطبيقات اخرى للدرس اتمنى ان تنال اعجابك

وجو مش عادي اندلل في روحي

https://fbcdn-sphotos-c-a.akamaihd.net/hphotos-ak-ash4/428670_287768751357539_344165494_n.jpg

https://fbcdn-sphotos-a-a.akamaihd.net/hphotos-ak-ash4/303059_287768771357537_1764306689_n.jpg


https://fbcdn-sphotos-g-a.akamaihd.net/hphotos-ak-ash3/947220_287768778024203_1610882357_n.jpg


https://fbcdn-sphotos-h-a.akamaihd.net/hphotos-ak-snc6/168238_287768864690861_632921089_n.jpg


https://fbcdn-sphotos-b-a.akamaihd.net/hphotos-ak-ash3/943267_287768881357526_1818014778_n.jpg

[luba]

لي عودة للمبدعات

[الصابرة]

السلام عليكم
وخيتي ام خديجة ذكرتي ان الصوص فيه لمعة فحبيت انقول ليكن
ان الصوص اللي استخدمته بطريقة لوبا ربي يبارك فيها ولما درته بطلت نشري من برا لانه احلى هلبة
وحبيت انقوللكم شنو درت
اولا استخدمت رب الواحة بتاع الحكة
وثانيا انحط فيه في الثلاجة لان الكمية كبيرة يعطيك واني مانستخدمش فيه الا للكابتشينو او مرة مرة لما اندير كيك
ويهبل حتى مع البان كيك
لكن لما انجي نستخدمه نطلعه من الثلاجة قبله بربع ساعة
وهذا شكل الصوص اللي عملته
وشكل علبة الرب
هيا اشجعوا وجربوه يهبل

طبعا اني لي وقت دايرته فسكبته ليكم في صحن عشان تشوفوا شكله

https://fbcdn-sphotos-g-a.akamaihd.net/hphotos-ak-ash3/943707_288515831282831_1003285989_n.jpg

وضعته في زجاجة ماء صغيرة وعملت بها ثقب وزينة بيها الرسمات السابقة
لكن من يومين راجلي تفكر الزجاجة بتاعت المايونيز وجابهملي

معليش الصورة مايلة من الفرحة

https://fbcdn-sphotos-e-a.akamaihd.net/hphotos-ak-ash3/601816_288519231282491_913292948_n.jpg

https://fbcdn-sphotos-c-a.akamaihd.net/hphotos-ak-frc1/600867_288521031282311_1715684486_n.jpg

[أمـ ساره]

ماشاء الله على لوبا ودروسها الحلوة

عجبني الدرس هلبة وان شاء الله نطبقه لزوجي

لأني مش من محبي النسكافيه الحلو

بارك الله فيك لوبا وربي يعطيك على قد نيتك الطيبة يارب


صبورة

بارك الله فيك على الصور وان شاء الله نجبه الرب الي قلتي عليه



وحتى لو تطبيقي كان متأخر لكن ان شاء الله انزله

[أم خديجه]

بارك الله فيك اختي الصابره
اسفه تاخرت في التطبيق عندي ظروف
ان شاء الله بنجربه بس بالشربات الثقيله لان الرب مش متوفر عندي
اختي ام سارة انستي وين الغيبه
ما اعتقدش ان الصوص يبن في الطعم هلبا ما جربتش بس هكي نتوقع لان الكميه مش هلبا ولو انها اتاثر ممكن تنقصي السكر من الكابتشنو
وان شاء الله الاخت لوبا توضح اكثر

[luba]

http://up.arabseyes.com/uploads/24_12_1213563500421.jpg


مااااااشااااااء الله لاقوة الا بالله

تطبيق رااائع والاهم انه بالصوص اللي في الدرس

عشان يكون ناجح في اكتر من يد ومن ليبيا احلي اكيد

رسماتك الكل حلواااات ومنظمات وياخدو العقل

بارك الله فيك علي التطبيق الرائع

ام خديجة اكيد في انتظارك بكل شوق

ام ساره نورتينا وعلي راحتك ماتضغطي علي روحك

بالشوية عليك وفي انتظارك امته ماحبيتي ربي يشفيك يااارب


حماة ام عبسي نراجوك اكيد وبعيد السو عليك من الدور الثاني

قهوة مزبوطة حاولي تشاركينا ولو بفنجان نورتينا واسعدنا مرورك

[الصابرة]

وفيك بارك الله لوبا
والله الحق صوص رائع واكن درت بان كيك وحطيته معاه معاش يبقى بان كيك بصوص الشوكلا
يصبح صوص الشوكلا بالبان كيك
ربي يحفظك ويحقق لك ماتتمني ويفرحني بشوفتك قريبا يارب

[الصابرة]

اليوم خطرت عليا فكرة وجربتها وجت تهبل يالوبا فحبيت انفيدكم بيها

اني ديمة نستخدم في الكريم كراميل الجاهز في الحلويات وخصوصا الباردة فيبقى عندي كيس السكر المحروق اللي يجي معاه
امس ارتب في اغراض في الدولاب فقابلني الاكياس
فجربت حتى هو رسمت بيه وزبطت الرسمة حتى هيا جت حلوة
وهذه الصور وشنو رايك قوليلي

https://fbcdn-sphotos-a-a.akamaihd.net/hphotos-ak-frc1/600992_288531607947920_353169998_n.jpg

https://fbcdn-sphotos-e-a.akamaihd.net/hphotos-ak-ash4/393017_288531877947893_1394893280_n.jpg

https://fbcdn-sphotos-c-a.akamaihd.net/hphotos-ak-ash3/225763_288531834614564_1304071313_n.jpg

https://fbcdn-sphotos-b-a.akamaihd.net/hphotos-ak-prn1/945110_288535174614230_1489628755_n.jpg

https://fbcdn-sphotos-f-a.akamaihd.net/hphotos-ak-ash4/315340_288537587947322_1546723922_n.jpg

[أم خديجه]

شكلها سمح
بارك الله فيك اختي الصابره درتيلي حل مؤقت لين اندير الصوص الي في الدرس
ان شاء الله انجربه

[luba]

الصابرة ماشاء الله فكرة حلوة ورااائعة

واكيد اعطي بنه غير شكل علي القهوة

بارك الله فيك

[أم خديجه]

هذا تطبيقي باستخدام كيس السكر الموجود مع الكريم كراميل

وبارك الله في اختي الصابرة علي الفكرة

http://up.arabseyes.com/uploads2013/08_05_1313679879646641.jpg (http://up.arabseyes.com/)

وان شاء الله المرة القادمة بصوص الغاليه لوبا

[الصابرة]

فعلا لوبا اعطاها طعمة حلوة

ماشاءالله اختي ام خديجة الشكل يهبل والحلوى الفضية دايرة جو مش عادي

[luba]

http://up.arabseyes.com/uploads2013/08_05_1313679879646641.jpg



بسم الله مااااشاااااء الله

ديمة رسماتك فيهم حلاوة زااايده بصراحة يعجبوا فيا

عندك الدقة في الرسم وتعلمت منك الصبر والدقة بارك الله فيك

لو كنت نعرف بشطارتك اعطيتك الافكار في الدروس وانت اللي اتنزلي الدروس مع اضافاتك

ابدعتي واتقنتي لا ....بل احترفتي ربي يحفظك ويسلمك لعويلتك ويحفظهم ليك

[أم خديجه]

العفو منك لوبا
والله يعجز اللسان عن شكرك وتفانيك في شرح الدروس والتوضيح وعلي تعبك
والصراحه اني حبيت و تحمست جدا لفكرة الدورة و هذا اقل واجب اني نطبق الدروس
وبارك الله فيك وفي كل الاخوات المشتركات في الدوره

[أم خديجه]

واااااو يالوبا علي صوصوالشكولاته
ايهبل الصغار ماشين جايين عليه
روعه بمعني الكلمه طبقته بالشربات الثقيله

وهذه صورة تطبيقي ليه


http://up.arabseyes.com/uploads2013/09_05_13136810625125689.jpg (http://up.arabseyes.com/)


ولو تلاحظي الفنجال اتار ايخاد الصغار ههههه
بارك الله فيك

[أم خديجه]

ملاحظه مع ان الصوص حلو بس لم يغير من طعم الكابتشينو
يعني اتكيفي ومتعي نفسك ومن حولك
وهذا تطبيقي لرسمات الدرس

http://up.arabseyes.com/uploads2013/09_05_131368106251326110.jpg (http://up.arabseyes.com/)


وهذه نبيها علي شكل قلوب بس لم تكن واضحه تبي النقاط تكون اكبر شوي رسمتح باستخدام الشرنجه بيش نتحكم فيها وانوقف بسهوله


http://up.arabseyes.com/uploads2013/09_05_131368106251402211.jpg (http://up.arabseyes.com/)

وهذه رسمه اخري

http://up.arabseyes.com/uploads2013/09_05_13136810625153912.jpg (http://up.arabseyes.com/)

[أم خديجه]

وهنا نفس الفنجان
انحرك فيه وانعاود نرسم لين قريب راحت الرغوة

http://up.arabseyes.com/uploads2013/09_05_13136811628431651.jpg (http://up.arabseyes.com/)


صورة تطبيقي مع الادوات المستخدمه

http://up.arabseyes.com/uploads2013/09_05_13136811628440862.jpg (http://up.arabseyes.com/)

[luba]

http://up.arabseyes.com/uploads2013/09_05_13136810625153912.jpg





ابداااااااااااااااااااااااااااااااااااااع نعجز امامه عن الكلالالالالالالالالالالالالالام

خلينا نتفرجوا وخلاص اللهم صلي علي النبي وصحتين علي الحلوين ديري بيها كب كيك زي صبورة

الحمد لله انه عجبكم الصوص ومشكووووورة الصابرة وانت علي تطبيقه

ربي يحقق اغلي امانيكم اسعدتوني والاحلي انه اتجرب بكل الطرق بالرب و بالشربات

و رسمت من قبل القلوب ورسمت الوردة المبرومه من اليوتيوب بالصوص

والقلوب درت علي شكل هلال واعمدة مش دوائر وحلوة الدوائر هلبه عجبتني والرسمه وااااضحه عندك بدون مجامله

وتوا انتم عندكم المبادئ والحاجات في الرسم وشوفوا من اليوتيوب الرسم ممكن تقولي صعبه بس

بعد تشوفي كيف وكيف ايديك صارت واخده عالرسم تقولي انها ساهله وجدا معاها وطبقوا الامر ساهل ومافيه اي صعوبة

الصعوبة كانت بيش يرسموا ولحد الان مانعرف بيش يرسموا اللي في اليوتيوب هل بصوص خاص او شكولاته مش عارفه

بس اهو تعلمنا من بعض واطورنا في تقديم الكوب بطرق احترافية بصراحة ابدعتي ام خديجة بارك الله فيك

[luba]

فرحتيييييييييييييييييييي لاتوووووووووووووووووووووصف وبصوت عااااااااااااااااااااااالي

علي كل ماقدمتوه شكرا الصابرة و ام خديجة وحبيبتهم و ام ساره و لوتي ونسمة ليبية

و حماة ام عبسي و رميساء و مغتربة 7 و خواطر حساسة وكل من مر ورد وشجع الدورة والتطبيقات

جزاكم الله كل خير واسعدكم في الدنيا والاخرة

[أم خديجه]

بارك الله في الجميع
ربنا يدوم عليك الفرح والهناء يالوبا
ويخليلك عويلتك
الحمد الله عجبوكي الرسمات اكيد مع الممارسه يتحسن اكثر من هكي

[أم عبادة الليبية]

السلام عليكم ورحمة الله وبركاته :-

أن تأتي مؤخرا خيرا من أن لاتأتي .

أنا جبت تطبيقي بالرغم إن جاني مش قوي:( .......

لكن قلت لازم منكونش سلبية وانزله كيف ماكان وماتضحكوش عليه هههههه;)......


http://www.libyan-kitchen.com/gallery/images/rvrrvr.jpg

هوعلى أساس الرسمة نجمة وهلال طلعت وردة وهلال ههههه .

هي المشكلة مش في الرسمة , المشكلة إنا أول مابديت بنرسم إيدي بدت ترعش شورا أول مرة , إن شاء الله المرات الجاية أفضل .


أنا المرة هذه استخدمت الكاكاو في الرسم , المرة الجاية بإذن الله انديرها بالقهوة .

وشكرا لوبا على مجهوداتك معانا في ميزان حسناتك يارب .

[الصابرة]

ماشاءالله تبارك الله ام خديجة ربي يحفظك ويعطيك الف صحة
رسمات يهبلوا وتطبيق احلى من الحلاوة

ولوبا انتي اللي بارك الله فيك ويحفظك ربي يورعاك لانك افدتينا وعلمتينا شئ كنا نسحابوه صعب وباسهل الامكانيات

ام عبادة مش مشكلة وخيتي تصل متاخرا خيرا من ان لاتصل
بس تقريبا تطبيقك يتبع الدرس الاول

[أم خديجه]

ام عباده بدايه موفقه
حتي احنا نفسك في البدايه كانن تطبيقاتنا
وممكن ترجعي واتشوفيهن في الدروس السابقه

[luba]

http://www.libyan-kitchen.com/gallery/images/rvrrvr.jpg


اهلا بتطبيق ام عبادة بداية موفقه تسلم ايديك
المشكلة عندك مش في الرسم رسمك تبارك الله
وخصوصا النجمة والهلال تهبببببببببببببل
لازم تشوفي اول درسين في الرسم
مهمات لانه البنات اضافوا اشياء منهم لتسهيل المهمه
وهيا الصفاي متاع الشاهي والسبب الاخر استعمال الكاكاو
نوع كاكاوك مش التقيل زي نوع القهوة نوعه الباهت المخلط بالسكر وهدا صعب يقعد
وصعب تتفاهمي معاه
الرسمه احتفظي بيها للتطبيق علي قهوة رسمتك حلللللللوة ماشاء الله متقنه ومنظمه وجميلة
تنفعي للرسم لينا علي علم ليبيا
واسفة لاني طولت مارديت عليك بسبب استعمالي تابلت انجليزي ونبي
انرد بالتفصيل وخاصه لاول تطبيق اسعدني حضورك جدا جدا بارك الله فيك

[أم عبادة الليبية]

شكرا صابرة شكرا خديجة على ردودكم وتشجيعكم .

لوباأنا سعيدة أكثر بمشاركتي معاكم و بارك الله فيك على تشجيعك وكلامك الحلو وإن شاء الله ناخد بنصائحك المرة القادمة .

دمتم بود أخواتي .

[تعزيز]

http://im37.gulfup.com/XSuhv.jpg



جهد طيب يحتسب جعلة الله في ميزان حسناتك

لم اشارك في هذه الدورة لان لا احب النسكافية

ديرها على كاكاو وشوفي التشاط والهمة


تحاتي

[الصابرة]

السلام عليكم
استاذتي هذه الطريقة لقيتها في على النت وحبيت انجربها
الصراحة في الفلاش اللي انضرب زبطت معاي هلبة لان الصوص كان بطريقتك
لكن توا درتها بصوص اخر فمباش يزبط معاي

وطبعا حنزل ليكم الطريقة الاصلية لكن نفجعكم قبل بصوري
وحبيت انزلها لانه شملت درسين مع بعض التشكيل بالصوص
والتشكيل بالكريمة

https://fbcdn-sphotos-e-a.akamaihd.net/hphotos-ak-prn2/972000_309584149175999_2023686579_n.jpg


https://fbcdn-sphotos-a-a.akamaihd.net/hphotos-ak-prn1/945633_309584175842663_428492948_n.jpg

https://fbcdn-sphotos-g-a.akamaihd.net/hphotos-ak-prn1/1011774_309584162509331_1845065935_n.jpg


https://fbcdn-sphotos-d-a.akamaihd.net/hphotos-ak-ash4/993057_309584189175995_1052699780_n.jpg

https://fbcdn-sphotos-f-a.akamaihd.net/hphotos-ak-ash3/1012632_309584225842658_1755409129_n.jpg


https://fbcdn-sphotos-h-a.akamaihd.net/hphotos-ak-prn1/996789_309584265842654_864028674_n.jpg


https://fbcdn-sphotos-b-a.akamaihd.net/hphotos-ak-prn1/1011324_309584269175987_864723095_n.jpg


https://fbcdn-sphotos-a-a.akamaihd.net/hphotos-ak-prn1/1016622_309584295842651_628433968_n.jpg


https://fbcdn-sphotos-g-a.akamaihd.net/hphotos-ak-ash4/1014075_309584322509315_1175496206_n.jpg


https://fbcdn-sphotos-f-a.akamaihd.net/hphotos-ak-frc3/969704_309584349175979_659262174_n.jpg

الطريقة الاصلية

https://fbcdn-sphotos-d-a.akamaihd.net/hphotos-ak-prn2/983961_309584342509313_316551584_n.jpg


https://fbcdn-sphotos-h-a.akamaihd.net/hphotos-ak-ash3/1010931_309584362509311_1974658858_n.jpg

[المصراتيه]

ماشاءالله دورة تهببببل تمنيت روحي طبقت معاكم ولكن هالفتره امبطله القهوه
بارك الله فيك لبونه وفي وقتك وجهدك
والتطبيقات كلها ماشاءالله روووعه
يعطيكم الصحـة وصحتين

[luba]

ماشاء الله صبورة حلوة طالعة حتي منك

تو كل مرة علي مرة تزبط اكتر ان شاء الله

بنديرها حتي اني ونوريكم تطبيقي بس بعد نفضي ونروق شوية

لانها الفكرة حلوة جدا وعملك فيها جدا حلو غير ماعاد تستعجلي عارفاتك ديمة بصلتك محروقة ونويشطة ربي يحفظك

ومشكورة جدا جدا علي انك شاركتينا بيها وانت مجربتيها اهم شي

بارك الله فيك وربي يسعد قلبك عاجل غير اجل ياااارب


اهلين ميمي نورتي وحتي بردودك تسعدينا امته تردي للكباتشينو
شاركينا حتي ولو بفنجان واحد

[الصابرة]

مشكورة لوبا اسعدني ردك ياعسل

[رميساء]

السلام عليكم ورحمة الله

تطبيق الدرس السابع
بنفس خلطة الاستاذة لوووووبا
شكرا جزاك الله خيراً

http://www.libyan-kitchen.com/gallery/images/img147kpk.jpg

http://www.libyan-kitchen.com/gallery/images/img152nln.jpg

http://www.libyan-kitchen.com/gallery/images/img152lcl.jpg

[الصابرة]

http://www.libyan-kitchen.com/gallery/images/img152nln.jpg


ماشاءالله اختي رميساء تطبيق حلو

[luba]

http://www.libyan-kitchen.com/gallery/images/img152nln.jpg


ماشاء الله لاقوة الا بالله طالعة معاك حلووووة
ووردة جديدة تهبل
ربي يعطيك الصحة وفيك بارك الله اسعدتيني بحضورك
وخصوصا تطبيقك للصوص اسعد الله ايامك

[نسمه ليبيه]

نحساب روحى معلقه واتارينى مش معلقه

بجد لوبا حتى وان الموضوع قديم لكن يعلم ربي انك تعبتى فيه

ربي يعطيك حتى يرضيك