[تورتة نجاح عبسي] من مطبخ ام عبسي

[ام عبسي]

http://dc14.arabsh.com/i/02376/7um59dh63p65.gif

السلام عليكم ورحمة الله وبركاته

كان بودي نسميها [تورتة عبسي] لكن خفت ان المنتدى مايسمح بالتسميات هذي.........المهم
التورتة هذي درتها لحبيبي عبسي (الله يحفظه ويرعاه] بمناسبة اول نجاح له من الناحية الدراسية نجح من اولى روضة بامتياز والحمد لله والصراحة اصر انه تورتة نجاحه انديرها له في البيت
اهو يدلل علي امه :o يحساب امه شيف في التورتات:cool: ودورنا ودرنهاله التورته ونالت اعجابه وان شاء الله تنال اعجابكم حتى انتم لان من سنين مادرت تورته

المقادير
8 بيضات
2 كوب دقيق
2 كوب سكر ناعم بودرة
1/3 (ثلت )كوب ماء عادي (مايعادل 80مل)
2 ملعقة كبيرة نشا
ملعقة كبيرة بيكنج بودر(ظرف واحد)
فانيليا
http://www.libyan-kitchen.com/gallery/images/201304xmx.jpg

سامحوني لعدم وضوح المقادير في الصورة
الطريقة
نفصل بياض ال8 بيضات عن الصفار ونخفق البياض مع رشة ملح بالمضرب الكهربائي لين يعطي رغوة منماسكة
http://www.libyan-kitchen.com/gallery/images/201304fjf.jpg

والصفارحتى هو نخفقه بالمضرب الكهربائي مع الفانيليا والسكر البودرة لين يدوب السكر مزبوط اني استعملت السكر العادي وتعبني شوي ومن تم نضيف باقي المقادير ونخفق لين يعطينا لون كريمي فاتح
http://www.libyan-kitchen.com/gallery/images/201304mzm.jpg

وبعدين ناخد من البياض المخفوق بالجزء (مش دفعة وحدة) ونحطه على خليط الصفار المخفوق ونخلط بالملعقة او السبتيولا(ماتخلطي بالمطرب اليدوي) من اعلى الى اسفل لين نلاحظه تخلط اكويس ونحط الجزء اللي بعده وهكذا لين انكمل المقدار (ومانستعجل في التخليط علي مهل)
http://www.libyan-kitchen.com/gallery/images/201304wvw.jpg

ونحط الخليط في طاجين مدهون بالزيت والدقيق او الزبدة والدقيق ونحطه في الفرن الساخن (عن نفسي نولع الكوشة من فوق وتحت على حرارة عالية اتناء تجهيزي للكيكة ولما نحط الكيكة
نطفي ع الكوشة من فوق فقط ونهدي النار ونخلي الكيكة تطيب من تحت فبل وبعدين من فوق ) زمن التطيب كل وحدة حسب فرنها اني خدي مني من30 الى 35دقيقة(اختبري بسيخ الخشب كان دخلتيه في وسط الكيكة وطلع جاف معناها طابت )
هنا الكيكة بعد مابردت شوي
http://www.libyan-kitchen.com/gallery/images/201304fff.jpg

نجو لمرحله التزييت وهذي المرحلة كل واحد وفنه عبسي زينتها له بشكلاطة نوتيلا وشرائح اللوز و حبيبات الشكلاطة الملونة وشكلاطة خام شكلتها علي شكل قلوب ووردة وفراولة
http://www.libyan-kitchen.com/gallery/images/201304hph.jpg
والكيكة قسمتها نصين وحشيتها بالشكلاطة المخلوطة بالقشطة
http://www.libyan-kitchen.com/gallery/images/201304pgp.jpg
http://www.libyan-kitchen.com/gallery/images/201304drd.jpg

واخيرا هنا بعد ما غطيتها بالنوتيلا وزينتها
http://www.libyan-kitchen.com/gallery/images/201304isi.jpg
http://www.libyan-kitchen.com/gallery/images/2013042371.jpg

وهذا طريف يالله لحقنا فيه بيش نوريكم الكيكة من داخل
http://www.libyan-kitchen.com/gallery/images/2013042471.jpg
وصحتين وهنا
في امان الله

[ميرولاكى]

الف مبروووووووووووووك لعيسى وربى يحفضه لك
وسلم دياتك تورته شكلها خفيفه وروووووووووووووووعه
صحتين والف عافيه على قلوبكم

[ام ساره وعبدالعزيز]

ربي يخليلك عيسى وماشاءالله تورتة تهبل

[حبيبتهم]

الف مبروك نجاح عبسي والعقبة للدكتوراه

وتسلم ايديك يا ام عبسي عالتوروتة الروعة
جاري التقييم

[barney]

الف مبروووووووووووووك لعيسى وربى يحفضه لك
وسلم دياتك تورته شكلها خفيفه وروووووووووووووووعه
صحتين والف عافيه على قلوبكم

[أم خديجه]

الف مبروك
الحمد الله انه اصر عليك اديرها انت باش شفنا الابداع هذا
ربي يعطيك الصحة ويخليلك اوليدك وان شاء الله اديريله تورتة عرسه
ماشاء الله بينه فايجه وخفيفه
لك تقييمي

[أم عبادة الليبية]

ماشاء الله تورتة حلوة وخفييييييييييييييييييييييفة , وربي يحفظلك عبسي ويسلمه من كل سوء , وتشوفيه في أعلى المراتب في الدنيا والآخرة .

http://www.libyan-kitchen.com/gallery/images/201304isi.jpg

[luba]

ماشاااء الله ربي يعطيك الصحة عمل وشرح جميل وخاصة القالب

ربي يحفظلك عبسي ويخليك ليه ويخليه ليك

و ربي يوفقه في كل حياته وعقبال ماتشوفيه بروفسور

تم التقييم ليك وللموضوع

[بنت الاشراف]

ماشاء الله تسلم إيديك لك تقييمى

[الصابرة]

ماشاءالله
ربي يحفظك تورتة تهبل وخفيفة
سلمت دياتك
ربي يحفظه ويطول في عمره وعمرك حتى تشوفيه عريس يارب
وتخاويه قريبا ان شاءالله

[الترياق]

الله يبارك فيكم و عقبال صغاركم,,ماهو العمة والدة ههههههه,,,و زي ما شاركت في أكل التارت لازم نشارك في تلقي المباركات.,, عادي عاااادي قولوها بصوت عالي هذه شنو اليي خاشة في كل شي :cool:
و مااااازال ما ريتو شي من ام عبسي بس خلي تفضى,,و التارت حلووووووووووة.,,علي فكرة قاعدة نكتبلكم من نتهم و كمبيوترهم,,نسمع فيكم شن تقولو راهو ,ههههه

[المصراتيه]

ماشاءالله تورته حلوه
يعطيك الصحه ويبارك فيك
لكي احلي تقيم

[المصراتيه]

ها ام عبسي غيرت العنوان كيف ماتبيه شن رايك؟؟؟
وان شاءالله عبسي ديما ناجح

[تعزيز]

الف الف مبر وك النجاح

والنجاح يستحق هذه الكيكة من يد ام غالية الله يحفظك
وتفرحي فيه ياااارب

روعة طعمها حسية من شوفتها

صحة وعافية

[ام عبسي]

تسلمن ياغاليات وان شاءالله مانفقدتكن وربي يوفقكن في كل حياتكن
والله والله والله فرحانة بردودكن ومباركتكن لعبسي وعلى العموم خبرته

حبيبتي الغالية المصراتية ماتعرفي قديش فرحت لما لقيت العنوان تورتة نجاح عبسي
الحق الاسم اللي اخترتيه اروع من اللي كنت نبيه اني
تسلمي وربي يفتحلك ابواب الخير ويدوم عليك صحيحتك ويونسك بحبايبك يااااااااااااااااااااااااااارب

[زوبة الطيوبة الحبوبة]

ربي يحفظ لك عبسي ويخليه لك
ماشاء الله تورتة ابداع يسلموا ايديك

[نجوي]

تسلم الايادي يا ام عيسي والله يحفظلك عيسي

[نسمه ليبيه]

يسلموا عالتورته لذيذه جدا

[ام عبسي]

تسلمن ياغاليات ع الردود الحلوة
ومروركن الاروع
على فكرة لاحظت انكن تكتبن ام عيسى بلياء
والصح ام عبسي بالباء دلع(عبد السلام)

[نسيبة]

يعطيك الحصة وخيتنا وتسلم ادياتك احلى نجمات

[أمـ ساره]

ماشاء الله على التورتات الحلوة والابداع يا أم عبسي
مبارك نجاح وليدك ونياله بيك حبيبة
ويارب عقبال فرحة الدكتوراة والفرح
بالهني عليكم حبوبة
تم التقييم لك وللموضوع الحلو

[أم ملك]

تسلمي حبيبتي على التورتة شكلها تحفة