[بسبوسه الجالكسي ]من مطبخ نور المنصوري

[نور المنصوري]

بسبوسة الجالكسي

المقادير :

3 بيض -طرف فانيليا-قطرات خل -علبه قشطه ساده _علبه سكر _علبه زيت _


نص علبه جوز هند _ملعقه كاكاو _ملعقه نسكفيه__علبه ونصف سميد (ملاحظه) العلبه هنا هيا نفسها علبة القشطه


للتزين :

جليب محلى (علبه )

شكلاطه جالكسي مبشوره (2 طرف )

الطريقه :

يضرب البيض مع الفانيليا والخل وملعقه الكاكاو والنسكافيه

نضيف القشطه ونخلط وبعدها السكر والزيت وثم السميد وخميرة البيكمبودر (bb)

وتصب في طاجين متوسط الحجم لنحصل علي السمك المتوسط

وندخلها الفرن وبعد ان تنضج نصب عليها الحليب المحلى بالتوزيع

في جميع الجهات وهيا ساخنه اي فور خروجها من الفرن ثم نرش عليا شكلاطه الجالكسي


http://www.libyan-kitchen.com/kitchen/attachment.php?attachmentid=1367&d=1367266583

[رميساء]

السلام عليكم
تسلمي
وبارك الله فيكِ على الوصفة الجديدة
ولونها عجيب ههههههههه
بسبب النسكافيه والكاكاو ههههههه
س/ لماذا الخل فى البسبوسة ؟
بالعافية عليكم
جاري التقييم

[نور المنصوري]

الخل عشان البيض ما يدير زفره وانا نستخدم فيه حتي في الكيكات

[نور المنصوري]

ننصحكم تجربنها لانها روعه بجد وتفرق علي البسبوسه العاديه
ولو درتنها حتنسن البسبوسه العاديه

[رميساء]

بارك الله فيكِ

فانيليا أو بشر البرتقال أو ليمون
أوماء العطر أو الزهر أو الورد
أفضل في الحلويات
سامحيني

[نور المنصوري]

هوا الخل اقوى وما يأثر في الطعمه ( الملاحظه هذي واخذتها من استاذتي برطانيه الاصل ولها فتره في ليبيا )
والبنسبه للفانيل ولا كأن حاطه شي ماتثر وريحة الدحي اقوي منها
والزهر والورد وبرش البرتقال او الليمون تضيف نكهه جديده علي البسبوسه انا ما نبيها

[أم عبادة الليبية]

ماشاء الله بسبوسة حلوة , والطريقة هذه سامعة بها في أحد الصفحات , والباين إنها رووووووووعة , بالنسبة للخل حتى الأخت زينب محمد استخدماته في (كريم كراميل الشيكولاتة)

http://www.libyan-kitchen.com/kitchen/showthread.php?6420-%E3%D4%C7%D1%DF%C9-%CA%D4%CC%ED%DA%ED%C9-%DD%ED-%E3%E1%DD-%C7%E1%E3%D1%D8%C8%C7%CA-%C7%E1%D1%E3%D6%C7%E4%ED%C9-%DF%D1%ED%E3-%DF%D1%C7%E3%ED%E1-%C7%E1%D4%E6%DF%E6%E1%C7-%C7%E1%E3%C8%CA%DF%D1-%E3%E4-%C7%E1%E3%D8%C8%CE-%C7%E1%E1%ED%C8%ED-%E1%D2%ED%E4%C8-%E3%CD%E3%CF

بس الحق أنا ماجربتاش قبل في الحلويات , سلمت يداك حبوبة تم التقييم .

http://www.libyan-kitchen.com/kitchen/attachment.php?attachmentid=1367&d=1367266583

[نور المنصوري]

صحيتي حبيبتي مرورك فرحني

[نسمه ليبيه]

تسلمى وتسلم وصفاتك الحلوهواكيد بسبوسه فوق العاده والخل حتى انا نيف فيه للحلويات وخاصة كيكة الكرميل ماياثرش على الطعم وللمعلومه ان ماء الزهر يزيد من رائحة البيض

بس انا ماطلعتليش الصوره بنسالك كيف بشرتى الجالكسي بالمبشره العاديه

والحليب المكثف المحلى تشربه البسبوسه انا نحس فيه يقعد فوق لانه غليظ
وتحياتى

[الصابرة]

ماشاءالله تبارك الرحمن
شكلها يهبل سلمت دياتك ويعطيك الصحة
بالنسبة لي الفانيليا ناسيتها في الحلو الحق من يوم ماعرفت الخل واني ديمة اندير فيه عشان زفرة البيض
وليا حوالي 12 سنة اندير فيه في الكيكات والبسكويت لزفار البيض
وتعرفي من يوم ماقررت انديرها والجالكسي في جهتنا والمحل اللي يشوفه راجلي معاش يلقاه هههههههه
فبطلت دورتها

[أم خديجه]

تسلم ايديك نور
فعلا الفنيليا ما تطغيش علي رائحه البيض وهذه عن تجربيه
بارك الله فيك بسبوسه اقنينه
واحلي نجوم لك

[تعزيز]

تسلم ايدك ندير فيها ولكن تحت اسم بسبوسة الشكولاتة من فوق نسكب عليها شكولاتة
بجد لذيذه وطعمها روعة تسلم ايدك

[نور المنصوري]

خيتي نسومه :
الجالكسي بشرتها بالبشاره العاديه وبعدها حطيتها في الفريز لعند ما نضجت البسبوسه
والحليب المحلى حتشربه البسبوسه لان تحطيه عليها وهيا ساخنه وبعدها ترشي الشكلاطه

[نور المنصوري]

اختي الصابره الشكلاطه الجالكسي هيا الطروف ( تقريبا سعرها دينار )
وفي انواع وحده بالرز وحده بالمكسرات وحده ساده هيا اللي استخدمتها لو كنتي قريبه كنت بحثتلك شكلاطه هههههههههههههه

[نور المنصوري]

تسلمن ومنورات علي رفع معنوياتي ^_^

[الصابرة]

صحيتي نور بارك الله فيك
هيا ايم تنفقد وبعدين تتلقى ان شاءالله اول مانصادفها انديرها طول
تخيلي صار نفس الموقف مع بسكويت اوريو
كنت ديمة نجيب ناكل فيه عادي ولما تميت نبيه عشان خاطر وصفة اختفى معاش لقيته ديمة تصير لي ههههههه

[luba]

ماشاااء الله تسلم الايادي وبارك الله فيك علي الطريقة والشرح

مشاركة رائعة وان شاء الله نجربها تم التقييم واسعدتنا مشاركات الحلوة

[نور المنصوري]

اها صح مرات دوري شي ما تلقيه ههههههههههههههه ديما يصير موقف هذا

[زوبة الطيوبة الحبوبة]

بسبوسة روووعةيسلموا ايديك

[حبيبتهم]

ماشاء الله تسلم ايديك عالبسبوسة

جاري التقييم

[ميرولاكى]

ماشااااااااااااااااء الله
شكلها يسهف ومكتوبه عندى من فتره مش عارفه فى شن نراجى ههههههه
بس شجعتينى عليها ان شاء الله نجربها
صحتين وعافيه

[المصراتيه]

ماشاءالله محلاها تهبل منظرها
بس ياريت تزيدينا بالصور
يعطيك الصحة وتسلم يدياتك
جاري التقيم

[نور المنصوري]

مشكورات حبيباتي علي مرور ... وان شاء الله وقت تجربنها تعجبكن

[بنت حواء]

ماشاء الله بسبوسة رااااااااائعة
تسلم يديك لك مني 5 نجووووووووم