[ مشاركة فى مسابقة مبدعة المعجنات لعام 2013] بيتزا الدقيق الاسمر من مطبخ ميرولاكى

[ميرولاكى]

بسم الله الرحمن الرحيم


http://www.libyan-kitchen.com/gallery/images/127coliesc.gif


اول مشاركة لى فى المسابقه ونتمنى تعجبكم

بيتزا الدقيق الاسمر

http://www.libyan-kitchen.com/gallery/images/9dtd.jpg

مقادير العجينه

كوب ونص دقيق اسمر +ملعقه كبيره خميره+رشة سكر وقليل من الملح+5 ملاعق زيت زيتون+ماء دافئ للعجن وممكن حليب حسب الرغبه

وهذا الدقيق اللى استخدمته

http://www.libyan-kitchen.com/gallery/images/tot.jpg

الطريقه

نعجن العجينه ونخليها ترتاح لمدة ساعه او ساعه ونص فى مكان دافئ

http://www.libyan-kitchen.com/gallery/images/hshhsh.jpg

وهنا بعد ما ارتاحت وخمرت

http://www.libyan-kitchen.com/gallery/images/2gmg.jpg

نفردها فى الصاج وماتكونش سميكه

http://www.libyan-kitchen.com/gallery/images/3afa.jpg

ونجهز بصل شرائح رقيقه +فلفل حلو +فلفل حار +زيتون +جبن قليل الدسم(16%)+جبن موتزاريلا او اى اضافات حسب الذوق طبعا


http://www.libyan-kitchen.com/gallery/images/1wdw.jpg

نضيف لها اول شئ صلصة البيتزا (كانت جاهزه عندى فى الفريز) او ممكن تستخدمى الجاهزه حسب الرغبه


http://www.libyan-kitchen.com/gallery/images/4rwr.jpg

وبعدها الفلفل والبصل والزيتون

http://www.libyan-kitchen.com/gallery/images/5qiq.jpg

وندخلها الفرن لحوالى 15 دقيقه

وبعد مانطلعها نضيفلها الجبناوات مع رشة زعتر اخضر مجفف وندخلها من جديد لحد ماتسيح الجبنه


http://www.libyan-kitchen.com/gallery/images/6qsq.jpg

وهنا البيتزا جااااااااااااااهزه


http://www.libyan-kitchen.com/gallery/images/7eoe.jpg



http://www.libyan-kitchen.com/gallery/images/8tst.jpg

وصحتين وعافيه

[أم خديجه]

تسلم ايديك ميرو
شكلها رائع الطعم اكيد لذيذ
تم التقييم
ميرو الدقيق شعير او قمح اسمر ؟

http://www.libyan-kitchen.com/gallery/images/9dtd.jpg

[حبيبتهم]

ماشاء الله شكلها روعة واكيد حتى طعمها كيف شكلها
و تنفع للناس اللي اتدير في دايت

الباين الدقيق عندكم يختلف عاللي عندنا
لو تعجني عجينة هنا بدقيق قمح اسمر او حتى دقيق شعير اسمر بدون ماتخلطيها بشوية دقيق ابيض تجي تتفترش بالذات عجينة دقيق الشعير

جاري التقييم

[الصابرة]

ماشاءالله ميرو مبدعة كالعادة ربي يحفظك
سلم دياتك ويعطيك الف صحة وعجبتني اضافة البصل لكن نبي نسئلك يذبل البصل شوي او يقعد زي ماهو
وفعلا زي ماقالت حبيبتهم اكيد الدقيق اللي عندكم جيد النوعية
دقيقنا احنا لازم تخلطيه بدقيق ابيض بيش يقعد متماسك
لك احلى تقييم واحلى نجوم

[الصابرة]

وخيتي ميرو ناسية الشعار بتاع المسابقة
ديري ليه نسخ ولصق تحت الموضوع

[أم عبادة الليبية]

ماشاء الله تبارك الله ميرو بيتزا ولاأروع وصحية ومش عادية , ولو زيت الزيتون ايكون ملعقة أو اثنين تكون أقل سعرات , لكن من الآآآآآآآآآآآآآآآآآآآآآآآآآآآخر روووووووووووووووووووووعة , وحتى أنا نحب البيتزا مليانة خضار .

http://www.libyan-kitchen.com/gallery/images/8tst.jpg


والأخوات اللي سألوا على الدقيق يمكن خلط مقدار من دقيق الشعير بمقدارين من دقيق القمح الكامل وحتطلع مش عادية بإذن الله .

سامحيني طولت لأني انحب الأكل الصحي وأصحابه :o حبوبة.

[luba]

ماشااااء الله بيتزا صحية وتاخد العقل

تو عاد جماعة الدايت ماعاد يسبلوا ويقولوا احني ماناكلوش مساكين

سهفتيني فيها تسلم ايديك حتي الاكل الصحي طالع من ايدياتك

كيف الاكل الدسم يهبلوووووووووووووا

تم التقييم

[نسمه ليبيه]

خاطرى نعرف طعمتها شنو؟؟ تختلف فى الطعم عن البيتزا العاديه ؟؟


وكعادتك دوما ميرو متفوقه بجداره

[رميساء]

السلام عليكم

تسلمي
البيتزا روووووووعه
مبدعه يا ميرووووو
بالعافية عليكم
واواواوا شكلها

[ميرولاكى]

الحمد لله انها عجبتكم
ام خديجه_الدقيق مانعرفش بالضبط قمح ولاشعير هو ترجمته الحرفيه(دقيق اسمر ريفى كامل الحبوب) بس حاضر حنسألك بالضبط
حبيبتهم_ممكن فى اختلاف فى انواع الدقيق لانى عجنت بيه بروحه بدون اى اضافه للدقيق العادى وطلعت عجينه رطبه وحلوه
الصابره_ايوه البصل يذبل شوى ومايديرش طعم مزعج بالعكس طعمته حلوووووووووه وتخف رائحته القويه
ام عباده_ممكن تخففى من زيت الزيتون بس انا لانها اول مره نديرها بالدقيق الاسمر فخفت وكترت شوى بس براحتك ممكن تقلليه
لوبا_الله يسلمك ياااااااااااذوق وفعلا ماعادش نبو اعذار كل الطرق والحلول موجوده للصحه والرجيم بدون حرمان
نسمه ليبيه_طعمتها خفيفه وحلوووووووه وماحسيتش فى فرق كبير فى الطعم ممكن اللون بس مختلف لكن الطعم عادى
رميساء_مرورك الاروووووووووووووع
اسعدنى مروركـــــــــــــــــــن الحلووووووووووووووو ماننحرم من طلتكم الحلوه:)

[زوبة الطيوبة الحبوبة]

ماشاء الله بيتسا شكلها تهبل وتفتح النفس
روووعة وتنفع معاي الله يسلم ايدياتك على هالطريقة الحلوة

[المصراتيه]

http://www.libyan-kitchen.com/gallery/images/8tst.jpg

ماشاءالله لا قوه الا بالله
مش غير تجنن هيا تهببببل يعطيك الصحه
بارك الله فيك علي البيتزا الحلوة والطريقة الرائعه
اكيد حنجربها بادن الله
تم التقيــــــم

[نسيبة]

روعة تسلمي ادياتك احلى نجمات حبوبة

[الترياق]

http://up.arabseyes.com/uploads2013/19_01_1514217022049371.gif (http://up.arabseyes.com/) العاب (http://games.arabseyes.com)