[ مشاركة تشجيعية في مسابقة تجهيزاتك المطبخية لشهر رمضان والعيد ] حفظ اللحم المفروم بطريقة الرول من مطبخ لوبا

[luba]

السلام عليكم ورحمة الله


http://www.libyan-kitchen.com/gallery/images/vb.gif

حفظ اللحم المفروم بطريقة الرول


هذه الطريقة من افكاري

وتكون لها فائدة كبيرة للاخوات اللي ماعندهمش اماكن كبيرة

زي الفريز الكبير فتنفع للاماكن الضيقة وكدلك تكون نوع من التنظيم


ناخد نايلون افضل او سلفر

ونضع فيه اللحم المفروم و نعصجة زي المقروض

ونلقه عليه النايلون مع الضغط ونسكر من الجوانب زي تسكيرة

حبوب الحلوة وبقوة

ويمكن تخلطي معاه البصل المفروم وبعدين تقليهم مع بعض علي طول



http://www.libyan-kitchen.com/gallery/images/la999.jpg



نخليه في الفريز حتي يتماسك شوية ممكن ساعه او اكتر شوي

نخرجه من الفريز و نقطعه وهو متماسك وادا متماسك هلبه

تخليه يفتر شويه وبعدين تقصيه الي قطع ما يناسب وجبتك



http://www.libyan-kitchen.com/gallery/images/la1000.jpg



وتخليهم كلهم مع بعض في كيس واحد او تقسميهم علي اكياس

بحيت ماياخد منك هلبه اكياس

وحتلقي كل طرف بروحه تستعمليه لوجبتك


http://www.libyan-kitchen.com/gallery/images/la1001.jpg


وهكي توفري علي نفسك زحمة الفريز وكتر الاكياس و اللخبطة

ان شاء الله تعجبكم وتلقوا فيها الفائدة

[زوبة الطيوبة الحبوبة]

فكرة حلوة وممتازة يعطيك الصحة عليها
تنفع بالذات توا مع زحمة الفريز في رمضان
بارك الله فيك لوبا ...

[luba]

وفيك بارك الله زوبة اسعدني مرورك

ووجودك الدائم بيننا

[أم عبادة الليبية]

بارك الله فيك لوبا على الأفكار ,, وطريقتي أنا بعد مانقسم المفروم إلى وجبات , نكور كل وحده وانحط كل كورة في كيس صغير في الفريز وحتى هيا طريقة عملية .

[المصراتيه]

وعليكم السلام
فكره ممتـــــازة ورائعه جدااااا وجاري تطبيقها
بارك الله فيك ويرحم ولديك
لكي احلي تقيم

[الصابرة]

بارك الله فيك وفعلا فكرة حلوة وسهلة

[أم خديجه]

بارك الله فيك لوبا
فعلا زي ما قلتي للثلاجته صغيره

[أمـ ساره]

بارك الله فيك على الفكرة الحلوة والمميزة

فعلاً الحاجة أ الاختراع لوبا

تم التقييم ليك وللموضوع ان شاء الله

وان شاء الله الفكرة قيد التطبيق

[luba]

بارك الله فيك لوبا على الأفكار ,, وطريقتي أنا بعد مانقسم المفروم إلى وجبات , نكور كل وحده وانحط كل كورة في كيس صغير في الفريز وحتى هيا طريقة عملية .






وفيك بارك الله ام عبادة ربي يخليك وحتي اني كيفك بس مانكور فيهم
نفرد فيهم عادي في كيس صغير
غير هادي خطرت عليا فجأة
لانه بعض البنات في الخارج ماعندهم الفريز الكبير

[luba]

وعليكم السلام
فكره ممتـــــازة ورائعه جدااااا وجاري تطبيقها
بارك الله فيك ويرحم ولديك
لكي احلي تقيم




اهلين امورة وفيك بارك الله
ويرحم والدينا ووالديك

[luba]

بارك الله فيك وفعلا فكرة حلوة وسهلة





وفيك بارك الله ربي يسعدك اسعدني مرورك

[luba]

بارك الله فيك لوبا
فعلا زي ما قلتي للثلاجته صغيره



وفيك بارك الله ام خدوجة
وهيا خطرت عليا للبنات اللي يعانوا من فريز تلاجة
بس وخصوصا المغتربات
بس الحمد لله وين ما نمشي رافعه معاي فريزي الكبير لزوم العيد

[luba]

بارك الله فيك على الفكرة الحلوة والمميزة

فعلاً الحاجة أ الاختراع لوبا

تم التقييم ليك وللموضوع ان شاء الله

وان شاء الله الفكرة قيد التطبيق





وفيك بارك الله ربي يخليك ويسلمك

وصحيتي عالتقيييم وان شاء الله وين تجربيها تعجبك اكتر يارب

[رميساء]

وعليكم السلام ورحمة الله

شكراً علي الفكرة يا لوووووبا
تسلمي
وبارك الله فيك علي المسابقة والفكرة
منورررررة

[بنت حواء]

ماشاء الله فكرة رائعة
تسلم يديك وربي يبارك فيك
لك مني 5 نجوووووووووم

[نسيبة]

http://up.graaam.com/uploads/imag-5/10img10b5e295cedb.gif