المساعد الشخصي الرقمي

مشاهدة النسخة كاملة : [ مشاركة تشجيعية في مسابقة تجهيزاتك المطبخية لشهر رمضان والعيد] تجفيف الكسبر الاخضر من مطبخ لوبا



luba
06-28-2013, 07:39 PM
السلام عليكم ورحمة الله وبركاته


http://www.libyan-kitchen.com/gallery/images/3qwq.gif

تجفيف الكسبر الاخضر


http://www.libyan-kitchen.com/gallery/images/la969.jpg




من قبل نزلت طريقة تجفيفه في الفرن

واعدت التجربه في الطقس العادي

والحرارة عندنا متوسطه مش كيفكم

والنتيجة جدا جدا رائعة احلي من نتيجة الفرن

ومرات اللي في الفرن تنحرق منك الورقات فادير بنه

مش حلوة يبي هلبه الواحد ياخد حذره

وسبب تجفيفي فيه انه المجفف في السوق

مش نفسه نوع كسبرنا في ليبيا وكدلك عندي

نوع كسبرنا الليبي غير متوفر دائما وفي بنته مافيش كسبر كيفه

عالعموم


ناخد نغسل الاوراق ممكن تاخدي معاهم الاغصان الرقيقة اللي بين كل ورقتين عادي

و نصفوهم من المية كويس خلوهم في الصفاي



http://www.libyan-kitchen.com/gallery/images/la268.jpg



بعدين افرشيهم علي فوطة كبيرة او حسب كميتك

وخليهم لين تلقيهم جافات علي طاولة المطبخ



http://www.libyan-kitchen.com/gallery/images/la269.jpg


بعدين حطيهم في سفره ودائما سفر الستيل

تجفف اسرع من البلاستيك لانه تمص في الحرارة وتصير ساخنه

وتحطوها في الظل في مكان ساخن وقلبيهم بعد ساعات وكل مرة بعد وقت قلبيهم

يعني في ليبيا حيجف من تاني يوم

بس اهم شي تجففوه يوم يكون الجو مش تراب او يكون في دار الخزين

في اللايدة يعني طول اليوم هيا ساخنه الدار



http://www.libyan-kitchen.com/gallery/images/la968.jpg



وبعدين تشوفيها بايديك ان كان يبست او لا


يمكن ترحيها في الرحاي ادا تبيهم بودرة

ويمكن ترحيهم بيدك ادا تبيهم غليظ شوية


استعمالاته واجدة

من ميمي تعلمت نحطه مع بعض العجائن


و كدلك نستعملوه في الشربة والمكرونه الجارية والمقطع والرز المبكبك

و العصبان وطواجين الحوت والدجاج وووووو


ان شاء الله ماتقلت عليكم وتلقوا الفائدة فيها


http://www.libyan-kitchen.com/gallery/images/la969.jpg



http://www.libyan-kitchen.com/gallery/images/la970.jpg




http://www.libyan-kitchen.com/gallery/images/la971.jpg

رميساء
06-28-2013, 08:05 PM
وعليكم السلام ورحمة الله
ماشاء الله عليك يا لووووبا
فكرة مذهلة
والشرح والمعلومات والصور رائعة
دائماً متميزة
جاري التقييم لكِ والموضوع

الصابرة
06-28-2013, 10:59 PM
ماشاء الله عليك يا لوبا
فكرة حلوة
وخصوصا افكار لاستخدامه
ربي يعطيك الصحة ويفتحها في وجهك يارب
لك احلى نجوم وتقييم لو مشى

المصراتيه
06-29-2013, 05:49 AM
http://www.libyan-kitchen.com/gallery/images/la969.jpg


بسم الله ماشاءالله
بارك الله فيك ويرحم ولديك علي الطريقه الاكتر من رائعه
بادن الله جااااري تطبيقها ودائما معتمده
تسلمي يا احلي لبونه
والتقيم ليك وللموضوع

أم عبادة الليبية
06-29-2013, 07:20 AM
ماشاء الله طريق حلوة وسهلة ...

نفس الطريقة انديروا فيها في تجفيف النعناع...

بس احني في طرابلس وضواحيها تقريبا استخدامنا للمعدنوس أكثر من الكسبر وبالذات في الشربة منديروش في الكسبر طبعا هذا على حد معرفتي ...

وإن شاء الله انجربه في شربة رمضان ...

وربي يسلمك لوبا ويبلغك رمضان إنتي وعائلتك بأمن وسلام .....

أمـ ساره
06-29-2013, 01:56 PM
ماشاء الله لوبا على الشرح والتوضيح والصور الواضحة

ربي يسلم ايدياتك وعويناتك يارب

نفس طريقتي اني ما نحب ننشر في الشمي حتى ما يسود لونه

بس طبعا نجفف في النعناع لكن الكسبر استخدامته قليلة عندي

وزي ما قالت أم عبادة أغلب الطرابلسية يديروا في المعدنوس والنعناع الجاف


لك أحلى نجيمات والتقييم لو مشي وان شاء الله يمسي يارب

بنت حواء
07-01-2013, 09:00 AM
ماشاء الله طريقة حلوة
تسلم يديك وربي يبارك فيك
لك مني 5 نجووووووووم

أم عدى
07-01-2013, 08:23 PM
بارك الله فيك
فكره حلوة

ميرولاكى
07-01-2013, 09:31 PM
ماشاااااااااااء الله
تسلم دياتك على الطرق والافكار الحلووووووووووووه

زوبة الطيوبة الحبوبة
07-02-2013, 01:05 PM
ماشاء الله ... يسلموا ايديك على هالفكرة الرائعة والمفيدة ... ولك احلى تقييم..