[ مشاركة تشجيعية في مسابقة تجهيزاتك المطبخية لشهر رمضان والعيد] قلاية البطاطا بملعقة زيت من مطبخ أمـ ساره

[أمـ ساره]

السلام عليكم ورحمة الله وبركاته


http://www.libyan-kitchen.com/gallery/images/tool.gif

حبيت نقدم لكم معلومات بسيطة عن هذه القلاية

فيه من يذم فيها وفيه من يشكر

وفيه من يطيب فيها البطاطا بس وفيه من يحط اللحم والمبطن

واشياء ثانية



قلايتي من نوع هومر حجم كبير

المدة الاخيرة لقيت منها حجم صغير وبصراحة أفضل لو عيلتك صغيرة

ويجي معاها كتيب فيه طرق القلي والكمية لكل نوع بروحه والمدة اللزمة للقلي

تقلي البطاطا والفلفل والقرع (الكوسا) والبصل

والبطاطا بالتفصيل أكثر مثلاً لو طويلة أو مكعبات الكمية والمدة

هذا شكلها
وسعرها تقريبا 185 الى 200

اني شاريتها من فترة فوق السنة


http://i1159.photobucket.com/albums/p637/the_faithe/GLAYA.gif (http://s1159.photobucket.com/user/the_faithe/media/GLAYA.gif.html)


وهذه القطع للقلي

الاول وعاء الي تنحط فيه الخضرة وهو طبعا مش ثابت

يعني بعد ما تكملي تغسليه عادي وتجففيه ونوعيته كويسة



والقطع الثانية هي الخاصة بالتقليب وتركبيها قبل ما تحطي الخضار

ونسيت ما صورت الملعقة بروحها



http://i1159.photobucket.com/albums/p637/the_faithe/GLAYA1.gif (http://s1159.photobucket.com/user/the_faithe/media/GLAYA1.gif.html)


http://i1159.photobucket.com/albums/p637/the_faithe/GLAYA3.gif (http://s1159.photobucket.com/user/the_faithe/media/GLAYA3.gif.html)




وهذا شكل البطاطا فيها والكمية نص كيلو


http://i1159.photobucket.com/albums/p637/the_faithe/GLAYA5.gif (http://s1159.photobucket.com/user/the_faithe/media/GLAYA5.gif.html)




وهذه القطع للحم والدجاج يوضع فوق الشباك

والقطعة الي فوق هي لمسك وعاء القلي الخاص بالقلي


http://i1159.photobucket.com/albums/p637/the_faithe/GLAYA2.gif (http://s1159.photobucket.com/user/the_faithe/media/GLAYA2.gif.html)



بصراحة ممكن جربت فيها مرة او 2 مازال نتعلم عليها

لأن الكتيب بالانجليزي ونستنى لين زوجي يترجم لي وبعدها انطبق


وهذا شكلها من الامام


http://i1159.photobucket.com/albums/p637/the_faithe/GLAYA4.gif (http://s1159.photobucket.com/user/the_faithe/media/GLAYA4.gif.html)


يبين لك كل نوع ومدة الطبخ كم تكون

وفيه شاشة في الوسط يظهر فيها رقم

وهذا الرقم هو عداد تنازلي لمدة الطبخ

والزر الاسود الي على يمين الشاشة هو فتح وقفل القلاية

والي على اليسار هو لتحديد وقت الطبخ



وبعد ما تكتمل مدة الطبخ تصدر القلاية صوت لتنبهك

يعني حطي الي تبيه وانسيه لحد ما تسمعي الصوت


وهذه شكلها لما تشتغل

http://i1159.photobucket.com/albums/p637/the_faithe/GLAYA6.gif (http://s1159.photobucket.com/user/the_faithe/media/GLAYA6.gif.html)




ملاحظاتي

- بالنسبة للبطاطا طبعا حسب الحجم يعني بعد ما تفوت المدة اللازمة

للطبخ تقدري تزيدي 5 دقائق ثانية لو تبيها مقرمشة


- وبالنسبة لبعض الخضار زي الفلفل الحلو أو الحار والكوسا

مكتوب في الكتيب انك اضيفي شوية ماء بس مش حيجي مقرمش أكيد


- ما تأيسي من المحاولة الاولى لازم تجربي بنفسك حتى توصلي

للنتيجة المرغوبة لأن فيه من ذمها وما عجباته



- طبعا بالنسبة للزيت توفير كبير جداً عكس القلي العادي


وان شاء الله لما نجرب فيه المبطن نقوللكم على النتيجة


هذا شكل البطاطا بعد النضج


http://i1159.photobucket.com/albums/p637/the_faithe/GLAYA7.gif (http://s1159.photobucket.com/user/the_faithe/media/GLAYA7.gif.html)



وأي سؤال اتفضلوا لو نعرف الاجابة

وبالنسبة لي نحسها عملية ومفيدة جداً

وكل وحدة ورايها

ربي يبلغنا رمضان لا فاقدين ولا مفقودين

كل عام وانتم بخير

[بنت حواء]

مشكورة ياأم ساره على هالشرح المفصل والواضح والمدعوم بالصور
الحق سهفتيني عليها أنا نسمع زي ماقلتي في من يذم ومن يشكر
ومانسحابها تقلي كل شيئ نسحابها بطاطا بس
لكن بعد ماشفت الصور والسعر حتى هو هههههه سهفتيني شكلي بناخذلي وحدة
سؤالي البطاطا تجي طعمتها زي المقلية على النار في الزيت؟

[ميرولاكى]

مشكوووووووووره على الشرح والمعلومات
بارك الله فيك وتبيديها بالهناء

[أمـ ساره]

الله يسلمك بنوتة ويبارك فيك وخيتي


بالنسبة للسعر نسيت نقولك ان هذا سعر الحجم الكبير بس الاصغر مش عارفة

تقريباً مرة قريت انها بـ 140 تقريباً

بالنسبة للبطاطا زي ما تحبيها لو تبيها رطبة تخليها 25 أو 30 دقيقة

ولو تبيها مقرمشة تقدري تزيدي الوقت اكثر شوي 35 أو 40

قلت لك تفتحي وتشوفي لأي درجة تبي البطاطا

وعلى فكرة نسيت نقول اني نتبل في البطاطا بالكركم أو الفلفل الحلو (البابريكا)





ميرو


الله يسلمك حبيبة وشرفني مرورك الحلو زيك

[نورية المصراتية]

ﺑﺎﺭﻙ ﺍﻟﻠﻪ ﻓﻴﻴﻚ
وﺍﻟﻠﻪ ﺻﺪﻗﺘﻲ ﻓﻲ ﻣﻦ ﻳﺸﻜﺮ ﻭﻓﻲ ﻣﻦ ﻳﺬم ﻭﻣﻌﺎﺵ ﻋﺮﻓﺖ ﻫﻞ ﻧﺸﺮﻳﻬﺎ ﺍﻭ ﻟﺎ .. ﺍﻧﺎ ﺳﻤﻌﺖ ﻣﻦ اﺍﻟﺒﻨﺎﺕ ﻳﺴﺘﺨﺪﻣﻮﺍ ﻓﻴﻬﺎ ﻟﻠﺒﻮﺭﻳﻚ و ﺍﻟﻤﺒﻂﻦ و ﻛﻨﺘﺎﻛﻲ ﻭﻛﻔﺘﺔ ﻭﻟﺤﻢ ﺧﻀﺎﺭ ﻣﻘﻠﻴﻪ ﻭﺣﺘﻰ ﻳﺤﻤﺼﻮﺍ ﻓﻴﻬﺎ ﺍﻟﻤﻜﺴﺮﺍﺕ .. ﺑﺲ ﻣﺎﺯﺍﻝ ﻣﺎﺗﺸﺠﻌﺖ ﻟﻨﺸﺮﻳﻬﺎ

[أم خديجه]

بارك الله فيك ام ساره علي الشرح والتوضيح
وان شاء الله تبيديها بالهناء

[الصابرة]

بارك الله فيك ام سارة
وتتهني بيها وننتظر باقي تجاربك معها

[زوبة الطيوبة الحبوبة]

مبارك عليك ... تعيشي وتشري ام سرو ... وبارك الله فيك على الشرح الوافي والمفصل .. وتبيديها بالهناء أن شاء الله..

[المصراتيه]

ماشاءالله يعجبتني شكلها وطرق استخدامها

تبيديها بالهني ان شاءالله وبارك الله فيك علي الشرح المفصل

وكل عام وانتي بخير

[أمـ ساره]

الله يسلمكن ويبارك فيكن وخياتي

ويهنيكم يارب ويبلغنا رمضان لا فاقدين ولا مفقودين

شكراً لمروركن العطر والحلو

[نور المنصوري]

السلام عليكم .... ان شاء الله الف مبروك
بس في وحدات قالن ماتقلي المبطن
انا عجبتني وتريجنا من حر القلي في رمضان بس ياريت تكون تقلي المبطن والبوريك
لان حنقول لأمي تشريها ^^

[luba]

ماشاء الله تبيديها بالهني والصحة
ومشكورة وكالعادة كريمة ديمة في الشرح
وديمة تعرفي فينا علي جديد السوق الليبي ربي يسعدك
بارك الله فيك تم التقييم

[موني_س]

مشكورة ياوخيتي على الشرح المفصل وبارك الله فيك ...... وبصراحة انا نبي نشريها ولقيتها ب 125 لكن زي ماقلتي واحد ايدم وواحد يشكر ومعرفتش من انصدق ونخاف ناخدها وتقعد منظر في المطبخ بس وياريت لو فيه وحدة جربت فيها المبطن او البوريك والكنتاكي ياريت تقولي... وان شاء الله ينعاد عليكم رمضان بالصحة والسلامة

[نسمه ليبيه]

تبيديها بالهنا ونستنوا فى تجاربك معاه

[كيميائيه]

ياريت اذا فيه حد اشترى اله من نوع هومر او اى نوع مش ماركه لان الماركات مش متوفرة فى مدينتى انا سمعت ان فرن بورديم يؤدى نفس النتيجه

[بنت أبوها]

http://www.libyan-kitchen.com/kitchen/images/icons/icon1.png


ماشاء الله ولاقوة الا بالله

[بنت أبوها]

http://www.libyan-kitchen.com/kitchen/images/icons/icon1.png




ماشاء الله ولاقوة الا بالله