المساعد الشخصي الرقمي

مشاهدة النسخة كاملة : [ مشاركة في مسابقة تجهيزاتك المطبخية لشهر رمضان والعيد] تجهيز العسل ( القطر) من مطبخ بنت حواء



بنت حواء
07-04-2013, 10:05 AM
http://i1263.photobucket.com/albums/ii635/jijiy1985/16-1.gif


http://www.libyan-kitchen.com/gallery/images/3qwq.gif

تطييب العسل بالنسبة ليا ممل وياخذ وقت
وفي العادة نحتاجوه في رمضان ومرات حتى العيد
ولهذا متعودة كل سنة نجهز العسل من قبل رمضان بأيام

مقدار كبير من السكر 10 أكواب
مع مقدار من الماء 9 أكواب


http://im39.gulfup.com/EdU49.jpg (http://www.gulfup.com/?CV35ot)


http://im31.gulfup.com/8uATo.jpg (http://www.gulfup.com/?GHWofr)



ونحط معاهم المنكهات

http://im35.gulfup.com/53zQ9.jpg (http://www.gulfup.com/?BF20xD)


ونخليه على النار نين يغلي
(مدة الغليان مابين ساعة إلى ساعة وربع
والنار ضعيفة)
في الربع ساعة الأخير نضيف كوب ماء زهر وثلث كوب ليمون


http://im33.gulfup.com/dHntR.jpg (http://www.gulfup.com/?RlyzRe)



بعد مانطفي النار ويبرد العسل
يكون بين الجاري والخاثر (شراب)
نصفيه ونصبه في فازوات نخليه يبرد


http://im31.gulfup.com/K6zyK.jpg (http://www.gulfup.com/?0H0svl)


نسكر عليه كويس ونحطه في الثلاجة
ولما بنستعمله نسخنه شوية
ولا حتى برا يقعد عادي ويستعمل مباشرة
ولو نبيه خاثر نزيده شوية على النار في وقتها


http://im41.gulfup.com/5IimQ.jpg (http://www.gulfup.com/?wqDB8i)



ان شاء الله تكون مشاركتي مفيدة
وربي يبلغنا رمضان بصحة وعافية
ويعينا على صيامه وقيامه
سلااااااااااام



http://www.libyan-kitchen.com/gallery/images/400aqa.gif

الصابرة
07-04-2013, 10:14 AM
والله فكرة حلوة
تصدقي عمرا ماخطر عليا اني انديره قبل
وفعلا مرات نبدا نبي اندير حاجة نسيبها عشان خاطر مكسله انديره
لكن اكيد للتطبيق طول مشكورة بنوتة
لك احلى نجوم

بنت حواء
07-04-2013, 10:17 AM
الحمد لله عجباتك الفكرة
مشكورة على المرور والنجوم

أم خديجه
07-04-2013, 10:32 AM
بارك الله فيك
فكرة تجهيزه قبل بوقت افضل
مشكورة علي مقادير المقدار الكبير
مقدار الليم والزهر بفنجان القهوي

بنت حواء
07-04-2013, 10:45 AM
مشكورة على المرور ياأم خديجة
الفنجان كبير متاع كابتشينو
نفس اللي درت بيه السكر والمية

زوبة الطيوبة الحبوبة
07-04-2013, 10:46 AM
ماشاء الله مشاركة مفيدة ومميزة وتنفع وقت الكسل .. الله يسلم ايديك ... والشرح والصور روووعة ... ولك احلى تقييم

المصراتيه
07-04-2013, 12:34 PM
منظر العسل وكانه طبيعي يهبل
ماشاءالله يعطيك الصحه
هدي طرقتي لازم موجود في التلاجه وكنهدا علي قولت الصابره نبدا باخله علي ديرت الحاجه ههه
بارك الله فيك وتسلم يدياتك
وكل عام وانتي بالف خير

ميرولاكى
07-04-2013, 03:20 PM
الله يسلم دياتك فكره حلوه وماشاء الله طالع لونه يسهف
ليش انا يطلع منى ابيض من هكى:(:(:(
مع انه يكون ناجح وتمام بس لونه فاتح ؟
وشجعتينى نديره خاصة انى مجهزه قطايف

luba
07-04-2013, 06:07 PM
ماشاااء الله منظره يسهف تسلم ايديك

وفكرة حلوة جاري تطبيقها ان شااااء الله

ويا ميرو بالنسبه للون هدا يعتمد عالسكر

اني في ليبيا هكي لونه يطلع معاي اما بالسكر اللي بره

لون الشربات يقعد ابيض لانه السكر اللي بره اعتقد والله اعلم من كبير وفي البنة مش حلو هلبه

كيف ليبيا ديمة اضافتي في السكر ضعف المقدار اللي في ليبيا

تم التقييم

أمـ ساره
07-04-2013, 06:56 PM
بنوتة تعالي فهميني يا حلوة

المنكهات امتى تحطيهم بالضبط

والليم كيف اديري فيه في الاخير ؟؟؟

وكم المدة الي تخليه فوق النار بعد ما يغلي ؟؟!!


واللوم ماشاء الله تقول طبيعي

مشاركة مميزة بارك الله فيك وحتى اني كنت ناوية نديره رمضان هذا

وربي يبلغنا رمضان لافاقدين ولا مفقودين يارب العالمين

تستاهلي أحلى نجووووم والتقييم لو مشي

بنت حواء
07-05-2013, 11:28 AM
تسلمو على المرور ياحبوبات
ميرولاكي والله مانعرف ليش يجيني هكي لونه
أهي لوبا ربي يبارك فيها قالتلك السبب
أم ساره أهو جيتك هههههه عدلت الموضوع
أمس كنت مستعجلة النت بطيئ خفته يفصل
ولأنه موضوع في الأفكار ماهتميتش بطريقة العسل
لكن أهو عدلت الموضوع
وبارك الله فيكم

نورية المصراتية
07-05-2013, 11:44 AM
يعطيك الصحة مشاركة اكثر من مفيدة

بنت حواء
07-05-2013, 12:00 PM
تسلمي ياحبوبة على المرور اللطيف
بارك الله فيك

أمـ ساره
07-05-2013, 03:33 PM
بارك الله فيك بنوتة

ومشكورة على التعديل المفيد

وعرفت ليش لونه غامق لأنك تخلي فيه مدة على النار

يعني زي الكراميل بس بكمية أكبر

ومن غير ليمون اضيفيه في الاخير


وباذن الله نجرب طريقتك عجبتني

أمـ ساره
07-06-2013, 12:42 AM
بنوتة بارك الله فيك اليوم درت طريقتك

وبنفس الكمية ماشاء الله الخير والبركة

لكن ما درت القرنفل وحب الهان

وبدل الزهر درت عطر

جزاك الله خير حبيبة

وعلى فكرة عرفت سبب اللون ههههههههههههه

ماهو انتي اتحطي في القرنفل فأكيد بيلون العسل

فاتت عليا من قبل واليوم تفركت لما طبقته

نسمه ليبيه
07-06-2013, 02:31 AM
ماشاء الله طالع لوونه زى عسل النحل يسلموا بنت حواء

بنت حواء
07-06-2013, 08:50 AM
صحتين وعافية على قلبك ياأم ساره
مشكورات ياحبوبات على مروركم وردودكم الحلوة
بارك الله فيكم

سنابل
06-14-2014, 01:46 PM
بصراحه أكثر شيء يخليني نتنبل مرات في بعض انواع الحلوا هو العسل ولكن تجهيزه المسبق يريح جاري التطبيق

نسمة الصبا
06-19-2014, 08:50 PM
سلمت يدك انا اخليه برة البراد عادي

نادرين
06-20-2014, 12:26 AM
بارك الله فيك واللهم بلغنا رمضان واعنا على صيامه وقيامه

فكرتك جميلة لكن انا سمعت ان لو اردت تخزين العسل استعملى بدل الليمون

ملح الليم يقولون افضل من العصير

والله اعلم

نادرين
06-24-2014, 04:39 PM
يسلمو ايديك ياغالية

نسيبة
08-01-2014, 08:02 PM
بارك الله فيك بنوتة

ام الاميرات
05-17-2017, 10:20 AM
السلام عليكم....ماشاء الله انا عندي مشكلة في العسل ديما ما ينفعش معاش ويجي لونه ابيض ويتسكر يعني يطلعو فتافيت السكر ...والله جربت اكتر من طريقة نفس الشي نين تعقدت وديما نطلب من ماما اتجهزه ليا قبل رمضان ساااااااااااااعدوني هههههههه