اين اجد طرف ماكينة الكعك الحلو ؟؟؟

[نورية المصراتية]

السلام عليكم ياحرائر

لوسمحتوا من تعرف وين نلقه هدا القمع الابيض امتع الكعك الحلو

ويكون يركب على الماكينة متع الكعك



قداش لينا اندورو عليه في طرابلس ماحصلناه

ممكن تساعدوني بس ياريت بسرعة عشان رمضان على الابواب

1407

1408

[الصابرة]

غريبة انك مقيتيش في طرابلس
موجود في كل محلات الماعين تلقيه ديمة مع قاطعات البسكويت واشكال السلة
اني الفترة اللي فاتت شفته في محل في الهضبة لكن بالزبط مانعرفش نوصفه
ان شاءالله وحدة من الاخوات ادلك بتفصيل اكثر

[نورية المصراتية]

ﺍﻧﺎ ﻣﺎﺩﻭﺭﺗﺎﺵ ﺑﺮﻭﺣﻲ ﻟﺎﻧﻲ ﻣﺶ ﻓﻲ ﻟﻴﺒﻴﺎ ﻭﺍﻟﻠﻲ ﻧﻮﺻﻴﻪ ﻳﻘﻮﻟﻲ ﻣﺎﻟﻘﻴﺘﻬﺎﺵ ﻟﻬﺬﺍ ﻧﺒﻲ ﺍﺳﻢ ﻣﺤﻞ ﻋﺸﺎﻥ ﻧﻨﻌﺘﻬﻢ ﻋﻠﻴﻪ طوالي

[الصابرة]

اه والله ماني عارفة لكن حاضر توا نسئلك
او تخش وحة من الاخوات وتساعدك

[لوتي]

أهلين نورية القطاعة تلقيها في محلات الماعين زي ماقالتلك الصابرة
لكن لو محصلتيهاش أني عندي فكرة ليك من زمان متبعينها في الحوش تاخذي مغاطا المنياكة خودي إتنين بيش يبدن صلبات إتحولي الجزء اللي فيه الحروف وتخليهن مسطحات وتفتحي فتحة في النص في المغاطا الإتنين وتحطي فيهن قمع الكريمة المجرح للكعك المنقوش والأملس للكعك العادي وهكي تتحصلي علي كعك إمساوي وحجمه حلو
مش عارفة وصلتك الفكرة وإلا لا كان هادا إندورلك إمتعاتنا ونصورهلك

[بنت حواء]

هلا نورية أنا والله مانعرف وين يبيعو فيه لأني عمري ماشريته
لكن أهو الصابرة قالتلك يبيعو فيه
بالنسبة ليا نستخدم في قمع صغيرون جاي مع ماكينة البسكويت عارفتيها متاع زمان؟
هذي صورتها

http://im38.gulfup.com/Waxd2.jpg (http://www.gulfup.com/?DdMxed)


يجو معاها أقماع صغيرونة واخذة اللي يناسب الكعك ودايرة الفكرة متاع لوتي
غطاء فازو شوكولاتة حفرته من الوسط فتحة صغيرة يخش منها القمع بس

هذي الصورة ان شاء الله واضحة

http://im35.gulfup.com/ojJTU.jpg (http://www.gulfup.com/?rSwUpa)


وبعدين نركبها على الماكينة


http://im41.gulfup.com/nlOWr.jpg (http://www.gulfup.com/?1ShaSg)


ان شاء الله وصلاتك الفكرة وتستفيدي منها
طبعا هذي دايرتها من زمان مانعرفش وين يبيعو فيهم
كان نعرف ماتعبتش روحي ههههه

[زوبة الطيوبة الحبوبة]

وعليكم السلام أختي ..... تقريباً شفته في محل الماعين اللي في راس حسن اسمه البيت المعمور وعنده فرع أخر بعد مستشفى الخضراء بشوية على اليسار المحل هذا كل شئ فيه

[لوتي]

صح بنت حواء هكي قصدي

[نورية المصراتية]

ﺑﺎﺭﻙ ﺍﻟﻠﻪ ﻓﻴﻜﻢ ﺟﻤﻴﻌﺎ .. ﻭﺑﻨﺖ ﺣﻮﺍﺀ ﻭﻟﻮﺗﻲ ﻓﻜﺮﺗﻜﻢ ﺣﻠﻮﻭﻭﻭﻭﻭﻭﺓ ﺣﻨﺪﻳﺮ ﻣﺤﺎﻭﻟﺔ ﺍﺧﻴﺮﺓ ﻭﻛﺎﻥ ﻣﺎﺻﺎﺭ ﺷﺊ ﻓﻂﺮﻳﻘﺘﻜﻦ ﻫﻲ الحل