[ مشاركة تشجيعية في مسابقة تجهيزاتك المطبخية لشهر رمضان والعيد] مشترياتي لشهر رمضان المبارك من مطبخ أمـ ساره

[أمـ ساره]

السلام عليكم ورحمة الله وبركاته


http://www.libyan-kitchen.com/gallery/images/tool.gif



هذه مشتريات جديدة حبيت نوريهالكم وان شاء الله تعجبكم

عارفة بتقولوللي ما تتعبي من الشري وكله زايد

لكن الحق لما نشوف حاجة تعجبني ونعرف اني نستفيد منها

نشريها في رمضان أو غير رمضان لأنها بتقعد

ونلقاها ديمة ان شاء الله


بسم الله نبداً

مجموعة حافظات

الأولى بصراحة عجبتني وبقوة

وكنت بنشريها ولما شافتها عزوزتي خذت منها 10 5 ليها و5 ليا

قالت لي هدية منها وهي حافظة مكعبات الثلج


http://i1159.photobucket.com/albums/p637/the_faithe/adawat3-1.gif (http://s1159.photobucket.com/user/the_faithe/media/adawat3-1.gif.html)

سعرها بـ 2,5 والمغطة سيليكون وفيها فتحة زي ما تشوفوا




وهذه حافظة للسوائل شرتها عزوزتي وحسبتني معاها

هي واخذتها للزيت تحطها فيها وخاصة الزيت متاع القلي

واني حطيت فيها العصير بعد ما نفتحه


نحفظها فيها أضمن وأحسن من الباكو

http://i1159.photobucket.com/albums/p637/the_faithe/adawat8-1.gif (http://s1159.photobucket.com/user/the_faithe/media/adawat8-1.gif.html)




وهذه حافظة للحبوب والبقوليات شريتها

للكورنفلكس لبناتي عملية

وتسكيرتها كويسة ما تفتح بالساهل بـ1,75


http://i1159.photobucket.com/albums/p637/the_faithe/adawat-1.gif (http://s1159.photobucket.com/user/the_faithe/media/adawat-1.gif.html)




وهذه 3 حافظات مش بلاستيك نوعية عادية

لكن المغطة سيليكون وتتسكر كويس لحفظ بواقي الطعام

أو السلطات أو الاجبان فيها بـ 3,75



http://i1159.photobucket.com/albums/p637/the_faithe/adawat1-1.gif (http://s1159.photobucket.com/user/the_faithe/media/adawat1-1.gif.html)





وهذا صفاي لغسل الخضار والفواكه بـ 2,5

http://i1159.photobucket.com/albums/p637/the_faithe/adawat2-1.gif (http://s1159.photobucket.com/user/the_faithe/media/adawat2-1.gif.html)




وهذه سفرة تقطيع الخضار حجم صغير

وملعقة (اسبايتولا) لكريمات والكيك

وكيس تزيين الكيك


http://i1159.photobucket.com/albums/p637/the_faithe/adawat4-2.gif (http://s1159.photobucket.com/user/the_faithe/media/adawat4-2.gif.html)



وهذ طواجين 3 مع بعض تقريباً بـ 10 دينار


http://i1159.photobucket.com/albums/p637/the_faithe/adawat6-1.gif (http://s1159.photobucket.com/user/the_faithe/media/adawat6-1.gif.html)



وهذا طاجين للتارت أقل ارتفاع من طاجين الكب كيك


http://i1159.photobucket.com/albums/p637/the_faithe/adawat7-1.gif (http://s1159.photobucket.com/user/the_faithe/media/adawat7-1.gif.html)



وهذه كوؤس للعصير لقيتها

بـ 5 دينار بعد التخفيض وخذيت منها 6


http://i1159.photobucket.com/albums/p637/the_faithe/adawat5-1.gif (http://s1159.photobucket.com/user/the_faithe/media/adawat5-1.gif.html)



ورمضان مبارك على الجميع

وربي يتقبل منا ومنكم يارب

وكل عام وانتم بخير

وكل رمضان وأنتم الى الله أقرب

[أم خديجه]

اتبيديهم بالهناء
سلملك عزوزك تحسب فيك
عجبوني كلهن عمليات

[نورية المصراتية]

ﻣﺎﺷﺎﺀ ﺍﻟﻠﻪ ﺗﺒﻴﺪﻳﻬﻢ بالهني

[رميساء]

وعليكم السلام
ماشاء الله علي المشتريات
عجبتني هلبة حافظة مكعبات الثلج
وشكراً علي التفصيل كل حاجة لي شني والسعر
مشكورة وااااااااجد
تسلمي
جاري التقييم

[luba]

كلهم حلوات ومهمات ومفيدات
بارك الله في عزوزتك ربي يعطيها الصحة
ومشكورة علي المشاركة الحلوة والتفصيل بمشترياتك
اكتر شي لفت انتباهي وعجبني
طاجين التارت الكامل مانحساب في منه زي الكب كيك في مرة
تم التقييم

[ميرولاكى]

ماشاء الله مشتريات حلوه وعمليه
تبيدين بالهنااااااااااء

[نسمه ليبيه]

مبروكات ان شاء الله وانت شن جبتى لعزوزتك..؟ وكل عام وانت بخير

[بنت حواء]

http://i1159.photobucket.com/albums/p637/the_faithe/adawat3-1.gif



ماشاااااااء الله أهما روووووووووعة
نبي منهم مادخلنيش قوليلي من وين شريتيهم؟
وحتى شيش العصير روعة وكلها على بعضها مشتريات تهبل
تبيديهم بالهناء وربي يسلم ويحفظ عزوزتك الطيوبة
لك 5 نجووووووووووم

[الصابرة]

مشاركة حلوة
تبيديهن بالهناء وربي يسلملك عزوزتك يارب
والحافظات عجبوني هلبة
طبعا اني ماعنديش الروح مع حاجة اسمها حافظة

[أمـ ساره]

الله يسلمكن ويهنيكن ويبارك فيكن يارب

وربي يتقبل منا ومنكم صالح الاعمال


مشكورات لمروركن الحلو وكلامكن الطيب


بنوتة بالنسبة للمكان في سوق الجمعة صالة اسمها ست البيت تقريباً أو ست العيلة ما نتذكر

نسومة هههههههههههه محلاك انتي والقصقصة متاعك ما نبيش نقول هههههههههه

لوبا لو تروحي حـ تتفاجئي بالحاجات الموجودة اهني

صح مرات الاسعار برا أرخص شوي لكن بجد أغلب الحاجات متوفرة

وبسرعه ما تنزل السوق ربي يرجعك سالمة غانمة يارب


صبورة تعالي نصاحبك حتى اي زيك واحرف منك

لو نصورلك الحافظات الي عندي هذا كاه ومازال ناقصيني ادمااااااااااااااااان حاشاك

[المصراتيه]

ماشاااااااءالله كلهن يهبلن
خيرك احرف مني شكلك ديما وانتي في الماعين الله يبارك
ويحفظلك عزوزتك ان شاءالله
تبيديهن بالهني وكل رمضان وانتي بخير ان شاءالله وتشري وتورينا

[أمـ ساره]

ميمي

ههههههههههههههههه الحمد لله مش جارتي كان هذا في حالة اني وياك

ههههههههههههه نبصر عليك لكن بجد نحب نشري كل مرة حاجة خير من ناخذ كل شيء مرة وحدة

مشكورة لمرورك الحلو زيك ولدعواتك الطيبة يا طيبة

ربي يهنينا ويهنيك ويهني كل الليبين والليبيات يااااااااااااااارب