[استفسار] من الأخت زينب محمد بخصوص العسل الأسود

[ميسومة الغرياني]

السلام عليكم ورحمة الله وبركاته


أختي زينب محمد نبي نسألك عن العسل الأسود هل هو نفسه دبس التمر أو لا


وإذا كان لا ياريت تقوليلي وين يبيعو فيه لو سمحتي وشكرا

[زوبة الطيوبة الحبوبة]

وعليكم السلام ورحمة الله وبركاته ... اختى ان شاء الله ترد عليك الاخت زينب محمد .. لكن اللي نعرفه ان دبس التمر ( اللي هو الرب ) مش هو العسل الاسود ... وفيه ملف ( البدائل للاخت الصابرة ) فيه طريقة تحضير العسل الاسود في حالة مش موجود عندك .. ان شاء الله نكون افادتك

[ميسومة الغرياني]

شكرا بارك الله فيك


وياريت لو مانتعبكش تحطيلي الرابط متاع ملف البدائل لو سمحتي

[زهرة الحبق]

العسل الاسود غير رب التمر العسل الاسود مستخرج من قصب السكر وعلي حد علمي المصرين يستخدمو فيه لوحصلتي وحدة مصرية تدلك وين ينباع والاخت زوبة بارك الله فيها قالتلك علي ملف الاخت الصابرة اكيد راح تلقي فيه

[ميسومة الغرياني]

مشكورة أختي

وأني في إنتظار الأخت زينب ترد عليا ممكن تعرف وين يبيعو فيه

[زينب محمد]

اختي زي ما قالوا لك الاخوات دبس التمر هو الرب

اما العسل الاسود فهو مستخرج من قصب السكر وهو يوجد في مصر

ومنعرفش اذا موجود عندنا او لا

[ميسومة الغرياني]

شكرا بارك الله فيك

[الصابرة]

العسل الاسود موجود عندنا في ليبيا
منه التجاري بسعر ليس مرتفع وهذه صورته
وفي الطعم قريب جدا للطعم الاصلي لكن لاينفع للتداوي

http://up.arabseyes.com/uploads/28_12_1213566602751.jpg


وفي منه الاصلي لكن سعره مرتفع وتجديه عند بعض العطارين واذا لم تجديه ممكن توصيه عليهم

اتمنى ان اكون افدتك

[ميسومة الغرياني]

شكرا بارك الله فيك

ممكن نعرف وين يبيعو فيه بالضبط لو سمحتي

[الصابرة]

والله بالزبط مانعرف لان اول مرة جبناه طبعا التجاري
من سوق المهاري
وبعدها معاش لقيناه عنده
واخر مرة لقيناه في سوق الثلاثاء
اما بالنسبة للاصلي الحق راجلي يتعامل مع العطار ويوصي عليه