المساعد الشخصي الرقمي

مشاهدة النسخة كاملة : استفسار عن برنامج الفوتوسكييب



نجوي
09-14-2013, 12:23 PM
استلمت من الاخت المصراتية رابط برنامج الفوتوسكيب وقمت بتنزيله بنجاح لكن واجهت مشكله في ادراج صوري للبرنامج حيث انها كانت بصيغة jpg وتم رفضها من البرنامج علما بان البرنامج يحول الصيغ من raw الي jpg ارجو الافاده.......

الصابرة
09-14-2013, 04:56 PM
ان شاءالله واحدة من الاخوات تساعدك لاني اني عمري ماوجهتني مشكله معاه

أمـ ساره
09-14-2013, 08:44 PM
للأسف حبوبة اني مش مستخدماته

نزلته من النت لكن ما اشتغلت عليه لحد الآن

ان شاء الله المصراتية أو لوبا يفيدوك أكثر

لأنهم يستخدموا فيه

حبيبتهم
09-14-2013, 09:27 PM
اني نستعمل فيه
وعادي ايحول في الصور اللي بصيغة jpg .jpeg عادي بدون مشاكل

نجوي
09-15-2013, 10:43 AM
ياريت اي اخت تستخدم في هدا البرنامج تشرحلي طريقة وضع الصور في البرنامج( الخطوة الاولي)حيث انه يظهر الصورة فارغة .
مع العلم ان صوري في الجهاز بصغية jpg ..

luba
09-17-2013, 01:13 PM
السﻻم عليكم
مش عارفه بالضبط شنو صاير معاك ﻻنه ماواجهتني معاه اي مشكله
كله تمام
الطريقة تحطي صورك في ملف و لو بتنزليهم علي مركز المنتدي يفضل تستعملي ترقيم
خاص بيك متﻻ مل صورة تغيريلها اسمها اديري كلك باليسار واديري اعادة تسمية rename
واديريلهم الكل كود خآص بيك تمشي بيه ديمه متﻻ nj 001 بدايه اسمك او اي حروف انت تحبيها وهكدا
Nj002 ...... nj 003 وهكدا حتي ماتخش وتتغير صورك في مواضيعك صور من اﻻخوات اللي يحملوا علي مركز المنتدي بدون
كود خاص بصورهم
تفتحي الفوتوسكيب تلقي علي جنب جهة اليسار يظهرلك شريط طوبل فيه ملفاتك اللي في سطح
المكتب وفي كل الكمبيوتر من ايقونات لو مش ظاهر تلقي سهم صغير علي جنب
اليسار في صفحة الفوتوسكيب في منتصفها تضغطي عليه ويظهر لك الشريط والسهم باهت في منتصف الصفحة علي جنبها
وتختاري ملفك من هدا الشريط يفتح تحته صورك في شريط عريض اضللي العدد اللي تبيه وتسحبيه للمساحة الفارغه في الوسط
وبعدين تمشي ليمين البرنامج وتختاري الاطار و حجم الصور ويفضل يكون 450 اظن يظهرلك 150% وتكتبي عليهم
من نفس البرنامج وربي يوفقك وان شاء الله نكون افدتك وسامحيني عالتأخير في الرد لظروفي ولي عودة لرؤيه ادا احتجتي اي استفسار اخر

barney
09-17-2013, 07:13 PM
ان شاءالله واحدة من الاخوات تساعدك لاني اني عمري ماوجهتني مشكله معاه

المصراتيه
09-17-2013, 10:54 PM
ماشاءالله لوبا شرحاته حرف حرف
بارك الله فيها وفي كل البنات