[عاشوراء(السليقة)] من مطبخ السمحة

[السمحة]

بما ان عاشوراء على الابواب اقدم لكم السليقة من المطبخ الدرناوى وهى اكلة بتجنن بدل الفول والحمص اللى يوزع مسلوقعلى بركة الله نبدء جربوها مش راح تندمو



واكثر من يعمل فية اهل الشرق



http://www.up2up.com/download.php?imgf=up2up.com12617477361.jpg





الطريقة
2/1 كيلو حمص ناشف


2/1 كيلوفول ناشف



2/1 كيلو قمح ناشف
قديد *ملعقة طماطم معجون**4حبات طماطم **فلفل اجلود(مجفف)**بهارات رشة ملح ورشة كمون حوت



الطريقة
ينقع كل منهم فى طنجرة لوحدة لمدة 8 ساعات تقريبا



ثم بعد ذلك يطبخ على النار كل حلة لوحدها حتى يستوى الجميع
تصفى ماء الفول فقط اما الحمص والقمح تبقى زى ماهى



نضع الثلاثة على بعض فى حلة ونضع عليه القديد والبهارت والملح والطماطم حب(طازج) وطماطم والمعجون (علبة)تترك على النار تغلى لمدة ساعةالى ساعة ونصف وقبل ربع ساعة نضع الفلفل الجلود(فلفل احمر مجفف )رشة كمون الحوت
والطعم احلة
وتقدم
وتعطى الجيران منها
وبالهناء على قلوبكم




ا





جميلة جدا جدا جربوهههههههههههها
http://www.up2up.com/download.php?imgf=up2up.com12617471601.jpg

تحياتى
جربوها هذة السنة وكل عام وانتم بخير

[الساجدة لله]

مشكورة ياسمحة على العاشورة وانا عن نفسي ضايقتها مرة وعجبتني وان شاء الله نطبقها المرة هده

[السمحة]

مشكورة ياسمحة على العاشورة وانا عن نفسي ضايقتها مرة وعجبتني وان شاء الله نطبقها المرة هده
الاجمل مرورك حبيتى وتشريفك موضوعى
اهلا فيك

[نوارة ليبيا]

مــاشاء الله رووعه ...اتهبل انحب البقوليات هلبة تسلم الأيادي

[السمحة]

مــاشاء الله رووعه ...اتهبل انحب البقوليات هلبة تسلم الأيادي


مرور اجمل حبيبتى مشكورة

[اريناس]

هى عشوراء امتى؟؟؟


وصحتين وعافيه *نحن فى بنغازى مانديرو فيه


هى شور عرب درنارنه خصيصااااا


فى بنغازى نطبخوا فول وحمص عااااااادى

ومعه شاااااااااااهى ايممممممممممممم

[أم أيوب]

عندي اخت زوجي متزوجة من درنة وتدير فيها كل سنة وتبعتلي منها

فعلا طعمتها حلوة

المرة الجاية نزليلنا البليلة

[السمحة]

[quote=اريناس;871]
هى عشوراء امتى؟؟؟




وصحتين وعافيه *نحن فى بنغازى مانديرو فيه



هى شور عرب درنارنه خصيصااااا



فى بنغازى نطبخوا فول وحمص عااااااادى



ومعه شاااااااااااهى ايممممممممممممم




اهلا بيك وبعرب بنغازى ومشكورة حبيبتى على المرور الطيب
تحياتى

[السمحة]

[quote=زهورة الأمورة;874]
عندي اخت زوجي متزوجة من درنة وتدير فيها كل سنة وتبعتلي منها



فعلا طعمتها حلوة



المرة الجاية نزليلنا البليلة
من عيونى حبيتى سوف انزل البليلة يوم عاشورا
شرفتى صفحتى

[زينب محمد]

اهلا باهل درنة و اكلاتهم

ماشاء الله لا قوة الا بالله


طبق في منتهي الروعة


الله يسلم ايديك و يعطيك الصحة و العافية حبيبتي


صحة و هناء على قلوبكم


ننتظر منك مزيدا من المشاركات و الموضوعات

دمت في حفظ الرحمن

[سحابه صيف]

ماشاء الله يسلم هل ايديات

[اسمهان]

سامعة بيها بس عمري ماضقتها
مشكورة يا عسل بارك الله فيك

[للاهم]

خيتي السمحة مشكورة عالسليقة
نعرف ان جديدة -ام امي - درناوية - ادير فيها بس ماتحطش طماطم معجون وتجي بيضا شوية - بس امي اديرها حمرة وحارة وهكي نحبها - وامي ادير في طنجرة كبيرة من طناجر المناسبات وتوزع منها شرق وغرب حتى ان في اصحاب يجونا من عاشورة لعاشورة بيش ياخذو منها
وشكلك نسيتي البليلة الحلوة؟
المهم بس قولولنا العاشورة امتى؟
وقبلها الفتاشة امتى :)

[السمحة]

اهلا اخت زينب شرف كبير انك نورتى موضوعى ماننحرم من طلتك

[السمحة]

خيتي السمحة مشكورة عالسليقة
نعرف ان جديدة -ام امي - درناوية - ادير فيها بس ماتحطش طماطم معجون وتجي بيضا شوية - بس امي اديرها حمرة وحارة وهكي نحبها - وامي ادير في طنجرة كبيرة من طناجر المناسبات وتوزع منها شرق وغرب حتى ان في اصحاب يجونا من عاشورة لعاشورة بيش ياخذو منها
وشكلك نسيتي البليلة الحلوة؟
المهم بس قولولنا العاشورة امتى؟
وقبلها الفتاشة امتى :)

اهلا فيك خيتى
حتى ناء احبها حمراء شوى وحارة واندير طنجرة كبيرة ونوزع على الاحباب ولما انسافر لمالما نرفع امعاى قرعتها اصلى متزوجة بعيد عن اهلى سفر يوم كامل واندير فى بليلة
والعاشور قريب تهل اليوم 26ذو الحجةوهى 10 محرم يعى ايام فقط عليها
مشكورة خيتى وكل عام والجميع بخير

[kittygago]

الله يبارك فيك يا سموحة على العاشوراء

رغم انها جديدة عليا

لكن حلوة من مقاديرها

يسلم ايدياتك يا حبوبة

[فوفو2010]

يسلمووووو ايدياتك ياسمحه
الف صحه على قلبك

[السمحة]

الله ايخليك ماننحرم من طلتكم

[أم إيناس3]

يسلمو ايديك ياسمحة

[أمـ ساره]

ماشاء الله سلم ايدياتك

حتى اني اول مرة نعرفها

وعرب مسلاته اهني ايديروا في الدحي الملون حتى يفرحوا الصغار

طبعا مع الفول والحمص

[السمحة]

يسلمو ايديك ياسمحة
الله ايسلمك حبيبتى

[السمحة]

ماشاء الله سلم ايدياتك



حتى اني اول مرة نعرفها


وعرب مسلاته اهني ايديروا في الدحي الملون حتى يفرحوا الصغار



طبعا مع الفول والحمص

الله ايسلمك حبيبتى
وكل ابلاد وطريقتها
مشكورة للمرور

[النرجس الغالي]

تسلم ايدك سموحه انى عمرى ما ذقتها لكن ان شاء الله نديرها من قريب
لكن اضم صوتى لزهورة الامورة نبي من ايدك الحلوة بليله انى نبى نديرها لكن ماعرفتش نرجوا موضوعك يا سموحه فى عاشورا

[السمحة]

تسلم ايدك سموحه انى عمرى ما ذقتها لكن ان شاء الله نديرها من قريب
لكن اضم صوتى لزهورة الامورة نبي من ايدك الحلوة بليله انى نبى نديرها لكن ماعرفتش نرجوا موضوعك يا سموحه فى عاشورا
ان شاء الله فى عاشورا اندير البليلةhttp://www.alfrasha.com/up/17707363302024014908.jpg

[فضااوي]

تسلم الايادي يالغلا

شكلها يشهي

[ام عبدالمعز]

يسلمو ايديك سموحة روعة

صحتين وعافية يارب

[ليبيا قلبى]

http://mooode.com/data/media/188/dohaup_831633814.gif

[ناني2007]

يسلمو ايديك ياغالية...وصحتين وعافية يارب

[ناني وبس]

تسلمي يارب شكلها حلووووووووووووووه

[السمحة]

مشكورين على المرور وكل عام وانتم بخير

[بيبي دوح]

يسلمووووووووووووووووا

يسلموووووووووووووووا

يسلموووووووووووووووا

يسلمووووووووووووووووا

يسلمووووووووووووووووا

[السمحة]

الله ايسلمك حبيبتى وماننحرم

[بنية بوها]

سلم يدياتك
ياسموحة

[السمحة]

الله ايسلمك بنية بوها

[طمطم]

يسلمو يدياتك

غريبة هلبة ناس مايعرفوهاش.... إحنا في الغرب نديرو فيها
بس البليلة شوقتوني ليها
زعمة هيا هيا اللي يديرو فيها في مصر؟ في مصر في أكلة اسمها البليلة حلوة وشبيهة بالمهلبية لكن بالقمح المسلوق والحليب ومعاها مكسرات.... هيا؟ ياريت تنزلو طريقتها

وغريبة يا أم سارة الدحي الملون ... أول مرة نسمع بيه ... سبحان الله كل بلاد وتقاليدها... لكن شن معناه؟
هني في بيرطانيا عندهم عيد الفصح... يديرو دحي ويلونوه ويبيعو شكلاتة على شكل دحي... وفي المدارس يخلو الصغار يلونو الدحي
وحتى في البلاد العربية اللي فيها مسيح يديرو فيه

[ليبيا]

ماشاء الله .. سمحة يا السمحة .. خاصة سخينة وقت الشتاء اممممم
يسلموا ايدياتك ..

هذي نحنا ما نديروا فيها لكن امس البنات اللي معاي في العمل يتكلمن على حاجة زي هذي ويسمن فيها الهريسة!!
مكوناتها بقوليات وحبوب الطعام" القمح" ويكون القمح كميته اكبر من البقوليات!!
هل هي نفسها بس اختلاف الاسماء؟؟

وصحيتي واااجد

[Rose Petals]

تسلم ايديك
وكل عام وانت واهل المنتدى بخير

طريقتنا فى السليقة نفس ماقلتى لحد سلق البقوليات
ولكن الصلصة يمكن احلى لو طابت وحدها وطاب طماطمها كويس
يعن نخلى الطبيخة تطيب ومانكثر ميتها لحد مايفصل الزيت على وجه الطنجرة
وبعدين نجمعوهم على بعض ونسيبوهم يطبخو عشر دقايق على نار متوسطة ونطفو النار
وبالتالى مانطولو وقت غليهم ع النار

[ام الجميلات]

صحتين وعافية

[Om Saga]

حلوه تهبل تبان
بس عندي سؤال الشعير
الحبوب ولا نوع تاني أني ماعرفتي
أما شعير ؟؟؟؟؟؟
الرجاء الرد علي باش عاد نطبق الطبق
تسلم إيدياتك ياسمحه وين ماتمشي مستفيدين منك ياقمر:)

[السمحة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة Om sagahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifحلوه تهبل تبان
بس عندي سؤال الشعير
الحبوب ولا نوع تاني أني ماعرفتي
أما شعير ؟؟؟؟؟؟
الرجاء الرد علي باش عاد نطبق الطبق
تسلم إيدياتك ياسمحه وين ماتمشي مستفيدين منك ياقمر:)
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
القمح الحبوب وليس الشعير فى فرق بين الاثنين
ومشكورة على المرور

[omsuma65]

يييييييه ياسمحه فكرتيني بسليقة امي
تصوري ادسلي فيها في الفريز
طمع الله غالب
طبعا اندير فيها حتى هنا بس في ليبيا الطعم غير
تسلم ايدياتك ياحنه
وكل عام وانت بخير

[ذات الرمال]

شكرا بارك الله فيك

[ღ¸¸حرة فوق راس حر¸¸ღ]

يسلمو يا احلى سمحة
وصحتين على قلكم

[السمحة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة omsuma65http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifيييييييه ياسمحه فكرتيني بسليقة امي
تصوري ادسلي فيها في الفريز
طمع الله غالب
طبعا اندير فيها حتى هنا بس في ليبيا الطعم غير
تسلم ايدياتك ياحنه
وكل عام وانت بخير
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

مشكورة حبيبتى على المروروان شاء الله اتعودى ليبية واتذوقيها من اييدين ماما
تعرفى حتى ناء ماما اتدس فى قرعتى فى الفريز ولما انسافر الى اهلى نلقاها قاعدة
تحياتى

[السمحة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ღ¸¸حرة فوق راس حر¸¸ღhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifيسلمو يا احلى سمحة
وصحتين على قلكم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifالله ايسلمك حبيبتى مشكورة على المرور

[ام الجميلات]

ما شاء الله صحتين وهتاء

[حنان]

يسلم ايديك يارب

[نسمات]

تسلمي ايديك يا السمحة والسليقة من الاكلات المفضلة لدي

[السمحة]

http://sedty.com/up_ar/files/wzinzm54oy4gvylimzmg.gif

[ام رواسي]

والله اتسفة
يسلمووووووووو ايديك

[بيبي دوح]

تهبل وتسلم الايادى

[زينب محمد]

اللهم اغفر ذنوبها وتجاوز عن سيئاتها إنك أنت الغفور الرحيم


اللهم اغفر لها وارحمها ، وعافها واعفو عنها ، ولقِّها الأمن والبشرى والكرامة والزلفى ،


اللهم إن كان محسنة فزد في حسناتها ، وإن كان مسيئة فتجاوز عن إساءتها ،


اللهم اغسلها بالماء والثلج والبرد ، ونقها من الخطايا كما ينقى الثوب الأبيض من الدنس ،


اللهم أبدلها أهلاً خيراً من أهله ، وداراً خيراً من دارها ، وجيراناً خيراً من جيرانها ،


اللهم اكرم نزلها ووسع مدخلها وأجعل قبرها روضة من رياض الجنة ولا تجعله حفرة من حفر النار


اللهم انقلها من مواطن الدود وضيق اللحود إلى جنات الخلود


( في سدر مخضود وطلح منضود وظل ممدود وفاكهة كثيرة لا مقطوعة ولا منوعة وفرش موفوعة)



اللهم آمــــين

[للاهم]

الله يرحمك يا سموحة ويسامحك.. جت العاشورا وتفكرتك ..عامنول تعرفنا وكنا نحكوا عالعاشورة والسليقة والبليلة .. والله ان العين لتدمع ياخيتي يا صغيرة يامستعجلة
جيت ننقع في الحمص والفول والقمح معاد قدرت نكمل
الله يرحمك رحمة واسعة ويصبر اهلك واحبابك

[لولو]

الله الله هدا حال الدنيا الله يرحمها ويسكنها فسيح جناته