كملتي من حوسة العيد تعالي احكيلنا ♥♥

[ام اميرولمار]

http://im40.gulfup.com/oYxM3.jpeg (http://www.gulfup.com/?FT2Rml)



كيف حالكم حبيباتي شن جو العيد معاكم



يلا نبو كل وحده تحكيلنا شن دارو في العيد وشن درتو من ماكله ووين عديتو




وشني شويتي وكليتي باهي والا العيد هادي ملحقتيش هههههههههه




يلا نستنا فيكم كل وحده اتجي وتحكي :D

[أم خديجه]

كل عام ونت بخير
شكلي اول الواصلين ام امير هههههه
الصراحه مازلت ما كملت ناخد في راحه طبعا راحتي مع منتداي المفضل

تو كيف تخلصت من المصارين والكرشه حشاكم
طبعا هيا تجيني علي الخرط والغسل كويس وجزء من المصارين مفقود او مقطوع هههههههه جو غربه
اول شئ شويت الكبدة ودرت سلطات بحداها وغسلت المواعين وبديت في الكرشه وكملتها
بادن الله للحديث بقيه

[نسمه ليبيه]

ظهرى خلاص
من الساعه6 ونص الصبح توه كيف كملنا
الحمد لله كيف خلية النحل مع بعضنا
كملنا توجيب اللحم
وشكرين الكرشه
وتخريط المصارين
وانا درتلهم الغداء
وسلفى شوى لنا
وتوه بدوا العيادى يجوا
وكل عام وانتوا بخير

[ام اميرولمار]

ماشاء الله عليكم ياام خديجه ونسمة اليبيه تفتح النفس هدرزتكم


اما بالنسبه ليا زي كل عيد طبعا العيد في الغربه كامه يوم عادي جدا


هو انا راجلي عدى دبح وجابلي اللحم امقطع انا كيسته وغسلت الدواره وخرطت المصارين

ودرت قلايه العيد طبعا لابد منها واشوينا وبس

عيدي ممل صح ههههههههههههههههههههه يلا كله يمشي

المهم الهدرزه معاكم تكفيني

[ام اميرولمار]

نبي نسالك ياام خديجه وين انت في الغربه

[luba]

كل عام وانتم بخير
لي عودة واكله طريحه مليحة
بس هادي احلي عيد

[نسمه ليبيه]

ههههه لوبا عجبتنى فيك الطريحه تستاهلى هههههه

ام لمار اهم شي انك بخير واهلك بخير ولاحقه عالتعييده معاهم والله مرات البعد كويس حتى هو

[ام اميرولمار]

شكرا اوخيتي نسمه معاك حق بش اهو مره هكي ومره هكي الانسان ميعجبه شي


بس في هالمناسبات هادي المه حلوه