[ نصيحة ] طريقة واداة لنشر القديد من مطبخ لوبا

[luba]

http://www.libyan-kitchen.com/gallery/images/zvz.gif


السلام عليكم ورحمة الله


الموضوع عن القديد كيف ندوروا اسهل الطرق لنشره

وجفافه بسرعه وبدون مانقعد ماشية جاية عليه نقلب فيه


ننصح الكل سواء المواطنات او المغتربات

انك تشري منشر متحرك وتخصصيه للقديد متلا ونشر الرشدة يعني للطعام

ويفضل هدا النوع لحجمه امته تبيه كبير تفتحي او صغير تسكريه

وخفيف وسهل الحركة ويدخل في الاماكن الضيقة وسهل التنظيف

ننصح بيه لانه تقدري اتبعي بيه الشمس وين مكانها

ولانه تقدري اتلفي القديد علي الجهة التانية للشمس

بدون ماتقلبي كل طرف قديدة بروحه بعد تشوفي طريقة نشري فيه طبعا


هدا المنشر اللي ننصح بيه

http://www.libyan-kitchen.com/gallery/images/la1125.jpg



طريقة النشر


تمسكي اطراف القديدة و بدون ماتلفيها علي الحديدة مجرد تضعيها فقط

وتمرري منها السله او عود الاسنان كما موضح في الصورة


http://www.libyan-kitchen.com/gallery/images/la1126qkq.jpg


اول يوم طبعا حتخلي نايلون تحت المنشر عشان تنزل فيه المية وبعدين ترميه

وتقدري بهذه الطريقة اتلفي المنشر للجهة الاخري من القديدة مقابل للشمس

http://www.libyan-kitchen.com/gallery/images/la1127.jpg


وبعد يجف وتحولي قديدك من عليه تمرري عليه ليفة بالصابون او اي مادة اتنظفي بيها

وتجفيفه بفوطة عشان يقعد دايما نظيف وتستعمليه كدلك لنشر الرشدة قبل التقطيع

وهذه تفيد المغتربات في وضع القديد قريب من التدفئة وقت المطر وكدلك الليبيات

وقت الجو التراب او المطر تهربي بيه بسرعه او ممكن حتي وحدة من بناتك الصغيرات تقدر

تاخده وترفعه لمكان نظيف


وان شاء الله تلقوا فيها الفائدة


وكل عام وانتم بخير وصحة وسلامة

[أم خديجه]

تسلمي علي الفكرة
جاري التطبيق لان مازلت مانشرته الجو مطر عندي

[ام اميرولمار]

ماشاء الله فكره حلوه بصراحه

بس انا مدرتش قديد منحبوشي لا انا لاراجلى
بس موضوع مفيد جدا

[أم عبادة الليبية]

مشكووووووووورة لوبا على المعلومات المفيدة وصحة وهناء مسبقا :) ....

[الصابرة]

نصيحة حلوة ومفيدة هلبة
بارك الله فيك
ولك احلى نجوووووووووم وتقييم

[luba]

اسعدني مروركم بارك الله فيكم

[عاشقة الورد]

بارك الله فيك حبيبة طريقة ناجحه جداً انا كنت نستعمل فيها في كندا والقديد الحمد لله ما يكملش مني كل ما يجيب لحم انحي منه للقديد طبعاً قدام التدفئة ومدايرة منشر من الخشب صغير يدوب على طول التدفئة وندير تحته في نايلون ونقلب فيه على راحتي وهو مقابلني ثالت يوم يكون جف تماماً نجهزه ونقليه ونحفظه .
وتوا في ليبيا ديمة ننشر فيه على المنشر وفي الليل ساهل تدخيله.
بوركتي حبيبة وفي ميزان حسناتك إن شاء الله

[نسمه ليبيه]

تسلمى عالافكار الناريه والحصريه

ربي مايحرمنا منك

[اطوشة]

طريقة القديد بالتفصيل

[luba]

اهلين باطوشه هكي عالسريع ومافهمنا شئ

لو تطلبي في طريقة عمل القديد بالتفصيل فتلقيها في قسم الاطباق الرئيسية او المقبلان الليبية

زينب محمد منزله موضوع عليه مفصل جدا هو والعصبان زكيفية تنظيفه كامله ممكن تبحتي عليه في البحت للمنتدي

باسم القرقرش او القديد

[المصراتيه]

تهبببل الفكره ماشااءالله عليك وماعمرهاش خطرت علي بالي رغم انها تنفعنيييي
بنسالك علي سل النخل وين لاقيتيه ههههه منو راكبلك فوق النخله :d
يعطيـــك الصحه وكل عام وانتي وعيلتك بخير
لكي تقيمي ان شاءالله

[اطوشة]

اهلين باطوشه هكي عالسريع ومافهمنا شئ

لو تطلبي في طريقة عمل القديد بالتفصيل فتلقيها في قسم الاطباق الرئيسية او المقبلان الليبية

زينب محمد منزله موضوع عليه مفصل جدا هو والعصبان زكيفية تنظيفه كامله ممكن تبحتي عليه في البحت للمنتدي

باسم القرقرش او القديد

اسفة جدا وشكرا على الرد

[مدام برهومي]

السلام عليكم اخواتي العزيزات وشكرا لكل المعلومات القيمة والمفيدة
وبعد ادنكم عندي استفسار
اني المنشر متاعي ما تزرقش فيه الشمس لكن الهواء موجود زعما نقدر ننشر فيه القديد ويجي ناجح والا لازم يتعرض للشمس
وشكرا مسبقا:o

[luba]

وعليك السﻻم
اهلين مدام ب هومي اسعدني مرورك
جربي كله مشيناه بالتجربه علي قطعه صغيرة
ولو الطقس حار او معتدل كويس حتي بالحرارة يجف

[نسيبة]

ماشاء الله بارك الله فيك لك اروع نجمات التقييم مباش يمشي

[luba]

وفيك بارك الله اسعدتينا بطلتك

[تعزيز]

فكرة حلوة وطريقة غر يبة تسلم ايدك

[luba]

بارك الله فيكم اسعدني مروركم ربي يسعد ايامكم