[ مشاركة في مسابقة الشطارة في الدوارة ] نصيحة لمكان انظف عند الخرط من مطبخ لوبا

[luba]

http://www.libyan-kitchen.com/gallery/images/vb.gif


السلام عليكم ورحمة الله وبركاته


هذه نصيحة عند خرط الدوارة والمصارين

وممكن الكتير يعرفوها والبعض مايعرفها

الفائدة من هذه الفكرة وطبعا مجربة من زمان في بيت اهلي

انك تحصلي علي مكان نظيف وعمل سريع دون التحرك باللوحة

حتي لا تتساقط منك بعض الاوساخ

وحتي لضمان نظافة سطل القمامة ومكان وضعها فيه

و العمل يكون اكتر مرتب للجميع


نجهز حكة تكون عميقة افضل اي نوع انت تحتفظي بيه ولو ماعندك

استعملي اي صحن عندك عميق


http://www.libyan-kitchen.com/gallery/images/la1129.jpg



تلبسيه باكياس النايلون 2 او 3 من اكياس اللي ديمة مخصصه للعمل السريع يعني الرمي



http://www.libyan-kitchen.com/gallery/images/la1130.jpg



تحطيه في حوض المطبخ بالداخل وفوق قريب من فوهة الحكة او الصونية

تخلي لوحة العمل وتخرطي وادفي فيها في نفس الوقت كما موضح في الصور



http://www.libyan-kitchen.com/gallery/images/la1131.jpg


بعد تتعبي الاكياس تربطيه وترميه ولو ماكفاتك لبسيها تاني بكيسين او 3



http://www.libyan-kitchen.com/gallery/images/la1132.jpg


ان شاء الله فهمتوا ما نقصد من الفكرة اللي ماعندها عليها فكرة

وكل عام وانتم بخير وان شاء الله تلقوا فيها الفائدة

انتظروني بالمزيد

[عاشقة الورد]

فكرة جميلة وربي ينورك ويخليك.

[ضحى]

ماشاء الله فكرة روعة بارك الله فيك

[أم عبادة الليبية]

بارك الله فيك منورة بالأفكار الحلوة كيفك ....

[نسمه ليبيه]

انا عن نغسي فكره جديده عليا

واضفتها الى خطوات تنظيف اادواره ان شاء الله
يسلموا

[ام اميرولمار]

شكرا لكي موضوع غايه في الاهميه
وبانتظار المزيد منابداعاتك. لك ودي

[المصراتيه]

مفروض قلتيلي عليها قبل العيد راني طبقتها واني واحله في روحي
ماشاءالله عليك ياست البيت نحس فيك غسلتي كرشتك في 3 دقايق هههه
بارك الله فيك لبونه وياريتك جارتي كنهدا طبيت عليك يوم العيد اني وكراشيا
لكي تقيمي ونجيماتي

[الصابرة]

ربي يحفظك فكرة روعة
لك احلى نجوووووووووووووم
والتقييم عارفاته مش حيمشي لكن لي عودة ان شاءالله للتقيييم

[luba]

منورات بحضوركم والحمد لله نالت اﻻعجاب واﻻستفاده
بارك الله في جمعتكم في هدا اامنتدي

[نسيبة]

بارك الله فيك

[luba]

وفيك بارك الله اسعدتني طلتك

[فراشة ليبيا]

بارك الله فيك

[امة الله]

مميزة بطرح أفكار ك
هالطريقة أستعمل فاها حتي أني لكن أكياس بس من غير علبة وفي أغلب التنظيفات أقصد مصارين دجاج سمك
بارك الله فيك

[luba]

وفيكم بارك الله اسعدني مروركم فراشة وامة الله
نورتوا المشاركة

[حبيبتهم]

نفس طريقتي يا لوبا وفعلا ترتاحي من الوسخ لمي الكيس وارمي تسلم افكارك يا حلوة وجاري التقييم

[luba]

الله يسلمك نورتينا

[بنت حواء]

نفس طريقتي من زمان مرة تسكرلي الحوض :eek:
شوي قعدت ديما ندير فيها لكن بدون أكياس فكرة الأكياس طبعا أحسن
تسلم يديك وربي يبارك فيك
لك مني 5 نجوووووووووم

[تعزيز]

فكرة بسيطة ولكنها مفيدة بجد ديمة نخرط في قصعة لكن فكرة حلوة تحفظ للرفع يسلمووووووووووووو

[luba]

بارك الله فيكم اسعدني مروركم ربي يسعد ايامكم
كل عام وانتم بخير 2014

[عاشقة القمر]

بارك الله فيك ع الفكرة الحلوة