[ مشاركة في مسابقة الشطارة في الدوارة ] طريقتي في الحفظ والنقع من مطبخ لوبا

[luba]

http://www.libyan-kitchen.com/gallery/images/vb.gif



السلام عليكم ورحمة الله وبركاته



كل وحدة وليها طريقتها في التنظيف

من قبل كنت نغسل بيها بالصابون بس صابون زمان ما يدير بنه

في العصبان وتوا صار قوي ووقفت هده الطريقة

اختي نصحتني وطبقتها وهيا

انقع البطن و المصارين بعد انظفهم ونغسلهم

في ليمون وقرفه وشوية مية ونقطة من ماء الزهراو بدونه

ونخليها في الخلطة هادي شوية او حتي تبدي في تجهيز الحشوة ادا انت علي طول بتحشيها


وادا لا تخليها شوية وقت و تغسليها بالماء كويس او تنقعيها في الماء لدقيقة تم تصفيها في الصفاي كويس


او تنقع في الليمون المركز لوقت تم تغسل بالماء

ونضع عند الحفظ معها قشور الليمون نقطعهم قطع كبيرة ونضعهم في كيس حفظ المصارين والكرشة


http://www.libyan-kitchen.com/gallery/images/la1133.jpg



وطريقتي في التفريز

نقسمها متلا علي اتنين لصغر العيلة او 3

وفي كل كيس وجبه نحط من الكرشة والمصارين الكبيرة والرقيقة مجموعه في كل كيس ونحط معاهم قشور الليمون

ونسكرهم وللفريز

http://www.libyan-kitchen.com/gallery/images/la1134.jpg

اسفة لقلة الصور


وكل عام وانتم بخير

انتظروني بالمزيد

[عاشقة الورد]

يعطيك الصحة وربي يسلم ايدياتك .

[ضحى]

بارك لله فيك فى ميزان حسناتك

[أم عبادة الليبية]

أفكار حلوة القرفة ومية الزهر جديدة عليا .. بس أني الغسلة بالصابون لازم منها وبعدين نغسلها بالمية هلبة مرات وبعدين انقعها في ليم وملح شوية وماتقعدش ريحة الصابون بإذن الله ,, وصحة وهناء مقدما ....

[luba]

نورتوا المشاركة بردودكم وحضوركم
وجربت من قبل بالصابون بس مش راضي يتحول البنة منه يا ام عبادة
به شنو نوع صابونك ﻻنه تو صاروا يضيفوله
في مواد تعطير
اني درت دوارتين وحدة بالقرفه و الليم والزهر والتانية ليم مركز
واﻻتنين ماشاء الله نظيفات بنتهم حلوة

[أم خديجه]

تسلم ايديك فكرة
لوبا القرفه صحيحه او بودرة
فكرة قشور الليم في التكيس النهائ نفس فكرة امي وطبعا معتمدتها عندي
بارك الله فيك لوبا

[المصراتيه]

ماشاءالله لبونه يعطيك الصحه وافكارك كلها حلوه واستفدت منها
بالنسبه للقرفه بارك الله فيك جربتها وعجبتني والصابون حتي اني ماعمريش درته ولا نحب نديره
يعطيك الصحه وكل عام وانتي بالف خير

[ام اميرولمار]

ماشاء الله الفكره حلوه وغريبه عليا اول مره اسمعها لان في العاده انقعها في ليم وخل ونغسلها بالصابون كم مره

بس الحمد لله الريحه متقعدش

شكرا يالوبا علي هالنصايح القيمه ماشاء الله عليكي

[الصابرة]

ربي يحفظك ويعطيك ماتتمني يارب على الافكار الحلوة
واكيد كلهن حفظ وللتطبيق ان شاءالله

وفعلا حتى اني ريحة الصابون اضايق فيا لكن بعد مانغسلها نقع فيها في ماء وخل
وطبعا قبل ما نفكروا نجيبوا دوارة اوقبل العيد ندورا مطولا على صابون بدون معطر نين اندوخوا

تسلمي يارب
لك الحى نجووووووووووم
واحلى تقييييييييييم

[نسمه ليبيه]

عجبتنى اضافة قشر اليم جديده عليا

يسلموا ايديك

[luba]

اهلين بالغاليات نورتونا
ام خديجة القرقة تكون مرحية يعني بودرة
بارك الله في حضوركم

[حبيبتهم]

فكرة حلوة اني نغسل فيها بالصابون وبعدها انقعها في ماء وليم وخل تعرفي علي سيرة الصابون ماعنديش صابون بودرة عسلتها بالصابون السائل متاع الماعين ههههه وماقعدتش فيه البنة

[luba]

ﻻ حبيبتهم اﻻ الصابون السائل اهني
تغسلي ببه اي زفرة بدون وركينا ماشاء الله اسمه داون
ربحة الماعين تقعد بريحته
واني توا بطلته من لما جيت اهني و الحق اللي توا كلهم تمام ماشاء الله
اسعدني مرورك ووجودك بيناتنا

[بنت حواء]

حتى أنا عمري ماغسلتها بالصابون ديما حاجات طبيعية
وفكرتك متاع الزهر والقرفة جديدة عليا ماشاء الله
تسلم يديك ولك 5 نجووووووووم

[تعزيز]

جزيتي خير طريقة وفكرة حلوة تسلم ايدك

[luba]

بارك الله فيكم اسعدني مروركم ربي يسعد ايامكم
كل عام وانتم بخير 2014

[نادرين]

كل عام وانت بخير
وعيد سعيد يا غالية