[ مشاركة في مسابقة الشطارة في الدوارة ] طريقة لتنظيف الجهة الناعمة للكرشة من مطبخ لوبا

[luba]

http://www.libyan-kitchen.com/gallery/images/vb.gif


السلام عليكم ورحمة الله وبركاته


تنظيف الجهة الناعمة للدوارة


مرات تجيك الجهة الناعمة للكرشة حلوة ونظيفة وماتحتاج وقت

ومرات تجيك صعبه ولاصق فيها حتي الاعشاب والفضلات

في صديقة نصحتني من قبل نستعمل موس الخضرة و فعلا طريقة كويسه وتنظف

بس تهري في الجدار الخارجي ويطلع معاك خيوط منه ويصير جدارها رقيق


بس فكرتي هادي عن نفسي مرتاحة معاها واجد

وهيا نستعمل في الليفة النايلون الناعمة


كما موضح بالصورة


نضع اللوح مائل في الحوض و نفتح الشيشمة ( الحنفية )

وبعد انظف الكرشة من الجهة الحرشة

نقلبها ونمرر عليها الليفة تحت المية بدون قوة يعني بخفة عشان ما تتمزق و تمشي طريق

وحدة وترجعي لمكانك الاول يعني تمشي بالليفة عليها بخفة دهاب فقط دون اياب

و هكي تنظفيها من الجهتين و تحتفظ بشكلها


http://www.libyan-kitchen.com/gallery/images/la1112.jpg




http://www.libyan-kitchen.com/gallery/images/la1113.jpg



وهادي الطريقة اللي بديت متبعتها بيش نكمل بسرعه وتبقي البطانه متماسكة

وكلها الكرشة تنظيفها صار ماياخدش مني هلبه وقت

الجهة الحرشة انقع فيها في مية ساخنه دقيقة حوالي وبعدين نخرطها

وتمشي معاك بكل سهولة والبنة نفسها اللي بالبطانه الحرشة واللي بدون زي بعضهم


http://www.libyan-kitchen.com/gallery/images/la1114.jpg



ان شاء الله تعجبكم طريقتي وفكرتي

وكل عام وانتم بخير

[المصراتيه]

ماشاءالله لا قوه الا بالله
روووووعه الفكره عجبتنييي
يعطيك الصحه يا ام الافكار وكل عام وانتي بخير
لكي تقيمي كان مشي

[أم عبادة الليبية]

أفكار حللللللللللللوة تبارك الله عليك منورة المنتدى ..........

[الصابرة]

ماشاءالله تبارك الرحمن
الحق عيني ما اضرك استفدت هلبة من افكارك ربي يحفظك
وكل فكرة احلى من فكرة وكلهن في الاخير استفادة وتسريع عملية تنظيف الدوارة
لك احلى نجووووووووووووووم

[luba]

اسعدني مروركم ربي يسلمكم
وان شاء الله تجربوها وتعجبكم

[نسمه ليبيه]

يسلموا عالافكار الروعه

[حبيبتهم]

يا ام الافكار يا لوبا
تسلميلنا على هالافكار الحلووة

ان شاء الله نجربها قريبا

جاري التقييم

[luba]

اهلين بالغاليات اسعدتني تعليقاتكم وان شاء الله لو
جربتوها تلقوا الفائدة فيها وتنال رضاكم

[بنت حواء]

ماشاء الله فكرة رهييييبة وساهلة
تسلم يديك وربي يبارك فيك
لك تقييمي و 5 نجوووووووووم

[نسيبة]

بارك الله فيك لولو التقييم مباش يمشي احلى نجمات يا متميزة

[تعزيز]

انت يااالذيذ يااارايق فكرة حلوة منك بجد تسلم ايدك تنظيف صح

[luba]

بارك الله فيكم اسعدني مروركم ربي يسعد ايامكم
كل عام وانتم بخير 2014

[زهر الليمون]

بارك الله فيك

[luba]

وفيك بارك الله اسعدني مرورك زهر الليمون
اسمك حلووو ونورتينا في هدا المنبر اللي ان شاء الله حيبهرك بما فيه