[ مشاركة في مسابقة الشطارة في الدوارة ] طريقة اسرع لخرط المصارين الرقيقة من مطبخ لوبا

[luba]

http://www.libyan-kitchen.com/gallery/images/vb.gif


السلام عليكم ورحمة الله وبركاته



طريقتي في خرط المصارين الرقيقة

بسرعه ولا تأخد وقت


وهيا نقطع المصارين الرقيقة بطول الدراع


وناخد مجموعه حوالي 6 او 7 مصارين



http://im34.gulfup.com/ftC2N.jpg (http://www.gulfup.com/?K7VKRq)



ونتنيهم علي اتنين ونمسكوها جهة التني باليد زي القوس متلا

ونضعها علي لوحة العمل هنا مكان السكين هو مسكة اليد



http://im34.gulfup.com/QXhNN.jpg (http://www.gulfup.com/?PFpPLR)



ونخرطهم بالسكين

والجهة اللي بين بين ايدينا نحول ايدينا منها ونمسك من جهه نظيفه ونخرط اللي كان مكان الايدي



http://im34.gulfup.com/gKcR1.jpg (http://www.gulfup.com/?6rZEDL)




ونصيحة في الاول ماتنزلوا عليه بالقوة يعني نص نص


بعدين نقعيهم في الماء مابين كملتي اول مجموعه


تاخديها وتخرطيها مرة تانية وتلقي شوية بواقي وتنظف تماما

السبب لما تنزلي عليها من اول مرة حتهري المصران وهو رقيق

بس حتبان النتيجة وقت الحشو و بعد يطيب



تقبلوا تحياتي وان شاء الله نكون افدتكم ولو بالقليل

[الصابرة]

ماشاءالله ولاقوة الا بالله

ماعندي مانقول ربي يحفظك على الافكار والطرق السهلة المبدعة

اكيد احلى نجوم واحلى تقييم تستاهلي

[حبيبتهم]

تسلم ايديك وافكارك

تعرفي اني المصارين هذي نرمي فيها حشوها صعب هلبه
جارري التقييم

[عاشقة الورد]

ماشاء الله عليك ربي يعطيك صحيحتك آمين.

[luba]

اسعدني مروركم ونورتوا المشاركة
حبيبتهم بعض منهم نحشي فيهم بطريقتي اللي بايديا
وسبق ونزلتها واﻻ بالقمع الصغير اسهل واسرع منه مافيش
المرة اللي فاتت جاني مصران شكلي نازله عليه وكل مانحشيه
بالقمع يتشرك مني فحشيته وبسرعه تميته بطريقة الحشو باﻻصابع
والقمع طريقة جدا حلوة ومرنه وعلي فكرة بنتهم حلووووووووة الرقاق هدومه

[أم خديجه]

ما شاء الله لوبا
المصارين هدوما اندير فيهم مع اللواوي بعد خرطهم نملحهم وننشرهم في الشمس
اما حشهم فصعب ممكن جربته مرة او اتنين النتيجه كانت انهم تفزروا وماتحملوا التطييب

[نسمه ليبيه]

يسلموا
انا نحشي فيهم بالمحقن الصغير
ومانكثرش الحشو

[luba]

اهلين بالغاليات نورتوا الموضوع
واني زيك نسمه مانكترش حشو ﻻنه الرز بينتفخ فيبي مساحه

[المصراتيه]

ماشاءالله
بارك الله فيك وكتر من امتالك وخيراتك يااااارب
باه اسعفتيني بيها يوم العيد يعطيك الصحه وفعلا اسهل طريقه
تسلمي لبونه ومشكورررره جدا

[luba]

الله يسلمك امورة
وتفضلي في اي وقت ااحمد لله انها عجباتك
منورة الموضوع

[بنت حواء]

ماشاء الله طريقة ساهلة وسريعة
طبعا لاغنى عن المصارين الرقيقة في العصبان أحلى حاجة
تسلم يديك ولك مني 5 نجووووووووم

[ام عبسي]

ماشاء الله عليك لوبا دائما تاتينا بالجديد والمفيد
ربي يباركلك في صحيحتك

[luba]

بارك الله فيكم اسعدني مروركم ربي يسعد ايامكم
كل عام وانتم بخير 2014