[ مشاركة في مسابقة الشطارة في الدوارة ] بعض الطرق وقت حشو العصبان من مطبخ لوبا

[luba]

http://www.libyan-kitchen.com/gallery/images/vb.gif

السلام عليكم ورحمة الله وبركاته


طريقتي الاولي وهيا عن تجربة واصبحت عندي اسهل في عملية الحشو


وهيا اني نضيف كل مكونات الحشو ماعدا الاعشاب الخضراء

ونضيف عليهم كل البهارات و الطماطم والحرارات و كل شئ


ونخلط كويس ونشوف شنو ناقصها من لونها وبنتها



http://im38.gulfup.com/5L9Nn.jpg (http://www.gulfup.com/?bvJIqQ)




وبعدين انضيف الاعشاب




http://im38.gulfup.com/GWPlp.jpg (http://www.gulfup.com/?tEaEZT)





و نعرف هكي اكتر هل هيا تحتاج الي طماطم او فلفل يعني لونها و ارزها وبنتها تبان اكتر بدون اعشاب


وارتحت في الخلط لاني ديمة نتعارك اني والكسبر الاخضر وقت الخلط مع طماطم الحكة




طريقتي التانية عند حشو المصران المتوسط والغليظ وحركة اتمي بيها بسرعه


نمسك فتحت المصران نفتحها باصابعي السبابة والابهام في ايديا الاتنين


http://im38.gulfup.com/SJBx9.jpg (http://www.gulfup.com/?I10q5q)




ونقربه علي الحشو ونسحب الحشو الي فتحة المصران باصابعي الوسطي و البنصر ان شاء الله الصورة تكون واضحة



http://im38.gulfup.com/ANvvB.jpg (http://www.gulfup.com/?w71pBI)




http://im38.gulfup.com/staLQ.jpg (http://www.gulfup.com/?Rvl02T)





ونعبي بسرعه ونرفع المصران وانزل الحشو وهكدا وان شاء الله حتلقوها ساهله

وسريعه جدا جدا لتكملة الحشو وخصوصا المصارين




اما طبيخة الكرشة ( المرقة ) نحط معاهم طرف لحمة وفي اخر

ربع ساعه للكرشة نحط معاها المكرونه واطيب كلها مع بعضها

وهادي مهمه للعائلات اللي عندهم صغار


http://im38.gulfup.com/jaEMa.jpg (http://www.gulfup.com/?9sHMtv)




وهدا عصباني بعد طاب ولله الحمد



http://im38.gulfup.com/IfI79.jpg (http://www.gulfup.com/?Mta3m1)



http://im38.gulfup.com/vEkjF.jpg (http://www.gulfup.com/?FZaYoF)




اتمني ان تجدوا الفائدة في موضوعي

تقبلوا تحياتي وشكرا لابني علي التصوير

[الصابرة]

ماشاءالله ولاقوة الا بالله

ربي مايحرمنا من افكارك يا ام الافكار وربي يعطيك ماتتمني
لك احلى نجوم واكيد لي عودة للتقييم

[حبيبتهم]

تسلم ايديك يا لوبا وصحتين عليكم
اني لتوا مادرتاش عصبان العيد
وربي يخليلك سفيان
جاري التقييم

[luba]

اهلين بالغاليات اسعدتوني بردكم و نورتوا الموضوع

[أم خديجه]

ما شاء الله لوبا علي الافكار
عجبتني فكرة الخضار اخر شئ
بس فكرة الحشو انحس قيها صعبه
ولاني زي حبيبتهم مازلت ما درت عصبان العيد بادن الله نجربها
لوبا طبيخة الكرشه نفس طبيخة المكرنه او لا
تستحقي النجوووووووووووووم

[luba]

اهلين ام خدوجه
طريقة الحشو جربيها اني ماحد قالي عليها بروحي
جت معاي هكي في اﻻول تستصعبيها شويه وبعدين ماعاد تقدري تحشي اﻻ بيها
اني حتي المصران اﻻقل غلظ من مصران الشحم ندير بيها لو القمع تعبني

اما المكرونه ايه في طبيخة الكرشه ﻻنه اني المصارين
ديمة في الكسكاس والكرشه تحته وزي ماقلت فوق نحط معاه لحم
مرات افراد من العيله ماتاكل عصبان ونحط فيها في اخر الربع اﻻخير
قبل اطيب الكرشه ونطلع الكرشه و انقص النار و نضيف التوم او كسبر اخضر
ولو تبي زبادة ماء زيديها ماء ساخن مغلي حتي ولو الكرشه موجودة معاها
وصحة مقدما لعصبانك

[ميرولاكى]

ماشاااااااااااااء الله عليك
تسلم دياتك وديات ولدك ربى يحفضه

[ضحى]

ماشاء الله افكار رائعة بارك الله فيك على ماتقدميه فى ميزان حسناتك

[نسمه ليبيه]

تسلمى لوبا وسلم اوليدك وان شاء الله تشوفيه دكتور

وحتى انا دوارتى مازالت فى التلاجه كل مانفتحها نلقاها تعفرت عليا

[luba]

اسعدني مروركم وفيكم بارك الله

[بنت حواء]

ماشاء الله طريقة روووعة متاع خلط المكونات وبعدها الأعشاب حتى اللحم يتبل مزبوط
وطريقة الحشو جديدة عليا ربي يسلم يديك ويبارك فيك
ويحفظلك وليدك ماشاء الله تصوير احترافي
لك مني 5 نجوووووووووم

[المصراتيه]

مااشاءالله تبارك الرحمان علي العصبان يسهف والطريقه حلوه
يعطيك الصحه ولكي تقيمي

[عاشقة الورد]

بسم الله ماشاء الله ربي يعطيك صحيحتك ويبارك فيك..
منظر العصبان والظولمة والمكيرينة يجو في الخاطر.
إن شاء الله بالصحة عليك وفكرة الخلط بدون اعشاب حلوة وتعرفي كمية الطماطم المطلوبة.

[محبة الكروشيه]

سلم ايدياتك وصحة صحة
والفكرة الحلوة ولك احلى تقييم

[تعزيز]

تقريبا اندير في نفس الشيء ديمة نحط في الدباير على خلطة اللحمة والشحمة والكبدة غير نقلي في في الدباير شوية على النار وبعدين محط اللحمة والكبدة والشحمة بعد ما نزلها من عللى النار نحط الخظرة كل عام وانت بخير عصبان من ايدك عسل

[luba]

بارك الله فيكم اسعدني مروركم ربي يسعد ايامكم
كل عام وانتم بخير 2014