اخر مشترياتى المطبخيه

[كيميائيه]

السلام عليكم
اليوم جبتلكم مجموعه اجهزة شريتها من فترة بسيطه وقولولى رايكم بصراحه كان ماعجبوكم عادى مانزعلش وهى كالتالى
الشوايه العموديه للدجاج والكباب والشورما عجبتنى بكل وشريتها من غير تفكير


http://www.libyan-kitchen.com/gallery/images/fyffyf.jpg
والجهاز الثانى يستعمل لاقفال الاكياس البلاستيكيه وانا اخذت اصغر حجم



http://im36.gulfup.com/uLMXY.jpg (http://www.gulfup.com/?QMvyFH)

والاله الثالثه هى لفرد عجين الباستا وهى كهربائيه

http://im41.gulfup.com/6KcHl.jpg (http://www.gulfup.com/?5HItTW)

اما هذة الاله هى لصنع اللويزه والمعمول عندى منها نوع اخر ههه من حبى للمعمول

http://im34.gulfup.com/MAgH0.jpg (http://www.gulfup.com/?jf1rUV)

واخر شئ اله المينى دونتس
http://im39.gulfup.com/1i3my.jpg (http://www.gulfup.com/?rmkZjS)

[ام ساره وعبدالعزيز]

ماشاء الله مشتروات روعة

[رميساء]

السلام عليكم ورحمة الله
ما شاء الله عليكِ
تبارك الرحمن علي حاجات
عجبوني واجد
تسلمي
أكثر شئ عجبني ماكينة الشورما
ياريت توضح كيف وكم المدة لطهي هل سريعة او لا
جاري التقييم

[نسمه ليبيه]

الله عليك ياكيميائيه

كلهم عجبونى وحلوات والاحلى انك تستخدميهم ماتدسيهمش

بس عندك الة المينى دونات مايطلع لك فيها الدونات زى الدونات اللى نعرفوها يطلع كيك بس حتى هو تغيير عن شكل الكيك العادى
واكثر الة عجبتنى الة قفل الاكياس

تبيديهم بالهنا
وبانتظار المزيد من مواضيعك الحلوووه

[ميرولاكى]

ماشاء الله تبيديهن بالهناء

[luba]

حلواااااات تبيديهم بالهني
اكتر شئ عجبتني الشوايه العموديه
بس انت كريمة والمنتدي يستاهل ياريت تطرحي لينا
كل اله في ركن اﻻجهزة المطبخيه كل وحده بروحها
و معلومات عليها سعرها صنعها من وين شريتيها قوتها الفولت
لو استعملتيها شنو انطباعك عليها يعني مندوبه من اﻻخير خخخخخخخ
وبالصحه ماشريتي

[كيميائيه]

http://im41.gulfup.com/Qya0W.gif (http://www.gulfup.com/?nxDrAS)

شكرا اخواتى على مروركن بموضوعى وبارك الله فيكن على الكلام الحلو
اختى رميساء واختى لوبا حاضر ساحاول ان اضيف المعلومات اللى طلبتنها فى اقرب فرصه ولما اجرب الشوايه سانزل الطريقه والنتيجه وسانزلها بالصور لعيون احلى عضوات فى هذا المنتدى الرائع

[ام اميرولمار]

ماشاء الله ولاقوة الا بالله

شكلك فالحا في مشتريات المطبخ وخاصة الالات

اماله نبيك تشريلي على طريقك مره تانيه ومدخنيش فيك كيف تبعتيهم اصرفي هههههههههههه ولاشن رايك مدام انت تحبه الات المطبخ نبعتلك من اهني وخلاص :rolleyes:

[أم خديجه]

ما شاء الله علي اختياراتك
اتبيديهم بالهناء

[كيميائيه]

شكرا لكل من دخل وشارك ولو بكلمه وطبعا اختى ام امير ولمار انا مهووسه بالكهربائيات حتى تخصصى اجهزة ولو انى انا فى الصين مانخلى على روحى قرش ياريتك انتى تورينا شن فيه عندكم من اجهزة وادوات واكيد حتى السعر يفرق

[ام اميرولمار]

اكيد اخت كيميائيه انالما نمشي لي المطبخ متخصص بجميع الالات المطبخ عيوني ايولو قلوب :oوانشاء الله انحط موضوع بالاتي المطبخيه

واسعر انتم غالي طبيعي علينا لاكن حتى احني اهني بتاخدي الصنع الصيني الدرجه السادسه اتكون حاجه مليحه غاليه اشوي

بس انتم غادي التجار ايجيبولكم في اقل درجه من الصيني مينفعش ميتحملش استخدامات المطبخ الليبي ههههههههههههههه طبعا انتي عارفه هههه المشكله انهم ايبيعولكم فيها غاليه
والالات امتاعاتك صنع شني خديتيهم

وبنقوللكم علي حاجه لما تشرو اي ا لاله لازم اتشوفو الصنع المحفور في الاله من وين لان لما يصنعو الاله في الصين ايقولولهم نبو الصنع استكر مش محفور ولما توصل البضاعه في ليبيااينحو في الاستكر وايديرو في استكر الصنع في االمانيا او اي بلاد تانيه فدائما انتبهو على الصنع المحفور في الاله مش استكر

فهمتو عليا حبيباتي

[عاشقة الورد]

ربي يزيد ويبارك .
تبيدي بالهنيئ ماشاء الله كل الالات حلو وخاصة ماكينة الشاورما عجبتني هلبة على الاقل الواحد يأكل حاجة نظيفة من حوشه وبنفس مواصفات المطاعم.

[بنت أبوها]

http://www.libyan-kitchen.com/kitchen/images/icons/icon1.png


ماشاء الله ولاقوة الا بالله

[الصابرة]

ماشاءالله تبارك الرحمن

تبيديهم بالهناء يارب
واكثر شئ عجبني الشواية العمودية خشت الدماغ نمخمخ ليها كويس
ونستنى تجربتك معاها وبعدين نجبوها

[سنابل]

روووووعه ماشاء الله تبيدي بالهناء

[كيميائيه]

شكرا لمروركم الكريم

[لوتي]

مشتريات حلوات
تبيديه بالهني
شنو جربتيها ماكينة الشاورما وشنو رايك فيها؟

[لوتي]

5 نجيمات