[مشاركه فى مسابقة الشطاره فى الدواره]طريقة حشو احد المصارين الغليظه من مطبخ نسمه ليبيه

[نسمه ليبيه]

http://www.libyan-kitchen.com/gallery/images/vb.gif




http://im33.gulfup.com/g69SU.gif
يمن فتره متعطله عن تنزيل الموضوع بسبب عدم علمى بالاسم العلمى لهذا المصران


http://im41.gulfup.com/032ff.jpg (http://www.gulfup.com/?ZVkviU)

كطريقة حشوه انك تحشي شويا وبعدين تربطى يااما بسلك او عيدان اسنان

لان هذا المصران يزيد حجمه لما ينطبخ على النار ولما تقصصيه يصبح اكله صعب والحشو يتبدد منه

وبالطريقه هذى تخليه عباره عن دوائر محشيات وبعد كل دائره تربطى بالسلك

http://im41.gulfup.com/y7AwZ.jpg (http://www.gulfup.com/?UNWNuO)



ولما يطيب تقصصيه بحيث كل حلقه بروحها

http://im41.gulfup.com/9WcD8.jpg (http://www.gulfup.com/?NbeL9C)

نتمنى كل وحده تقولى شن بيسموه
نحن نقولوا له بو عقنقل:o

[حبيبتهم]

مافهمتش اي مصران من الصورة هههه قوليلي وين ايجي موقعه هو اللي تكون جهة فيه مسكرة يعني نهاية المصران حسيته مش هو لو هو احني نقولوله المصران الغليظ وتسلم افكارك الحلوة وتسلم ايديك عالعصبان شكله ايسهف

[نسمه ليبيه]

بارك الله فيك حبيبتهم
هو نهايته مسكره
وحشي النعيمه شكله كيف الشخشير اسفه عالتعبير
على فكره يابنات لازم نديروا مترجم لاسماء اجزاء بطن الخروف
الإسم العلمى والاسماء فى شرق ليبيا وغربها

[حبيبتهم]

ايوه عرفته هذا نفسه اللي فهمته اني احني نقولوله المصران الغليظ هو جزء نهاية الامعاء الغليظة وفي الانسان في مكان النهاية المسكرة في الزائدة الدودية

[أمـ ساره]

أهلين نسومة

بجد الفكرة حلوة ومميزة عجبتني وبقوة بارك الله فيك عليها

واني نعرفه بمصرا أبوفحيط >>>> صح الاسم غريب لكن من نهار صرت ونعرف هكي يقولوله في طرابلس

أما العقنقل فهو المصران الملوي الي في دوراة الجمل وبنته مش عادية

أكثر مصران نحبه هو ومصارين الشحم


سلمت ايدياتك على الشرح الوافي والكافي
وشكل العصبان يقول تعالوا ديروا هجوم عليا وكولوني

ويارب الرد يوصل لأنه النت تاااااااااااااااااااااااااااااااااااااااااعب عندي هلبة

وتستاهلي التقييم لو مشي وأكيد لك أحلى نجوووووم

[نسمه ليبيه]

مشكوره ام ساره على رفع الروح المعنوية
ردك اسعدنى

[luba]

ماشاء الله طريقتك جدا جدا حلوة ومميزة وقت التقديم
هدا المصران الغليظ ياخد في هلبه حشو ولو ماينحشي كويس
يصير صغير يعني ينكمش لانه عكس التانيات هو يزيد وقت الطبخ
بس فكرتك عجبتني ياخد اقل حشو وخله لو انكمش علي شكل كور احلي من وهو طويل
جاري التطبيييييييييييييييق مع اول مصران ان شاء الله
ولي عودة لتقييمك في هذه المشاركة
تم تقييم الموضوع
يسلمواااااااااا نسووووومه مشاركة رووووووعه

[ام ليبيه حره]

فكرة رووووووووووووووووووعة

[نسمه ليبيه]

الله يسلمكن
مرورك الاروع

[الصابرة]

فكرة حلوة
وحتى احنا انقولوه المصران الغليظ
سلم دياتك طالع ايهبل

[محبة الكروشيه]

سلم ايدياتك حتى لما تقصيه ساهل الحشو مايطلعش برا
مشكورة على الفكرة

[عاشقة الورد]

حلوة فكرة الحشو ومنظرها جميل .
اسمه بو فحيط وهذا الي نعرفه من زمان زي ما قالت أم سارة.
وماشاء الله سلم ايدياتك على العصيبنات منظرهم يسهف.

[خواطر حساسة]

فكرة حلوة

[بنت حواء]

نفس طريقتي بس ندير فيها في جميع المصارين الغلاظ
لأن القص يتعب ويقلق وقت الأكل لكن هكي يجي مسكر ساهل
تسلم يديك وصحتين على قلوبكم العصبان الحلو
لك مني 5 نجوووووووووم

[luba]

عدت لتقييمك وتم التقييم شكرا جزيﻻ تستاهلي عليها العودة

[المصراتيه]

ماشاءالله يعطيك الصحه وتسلم يدياتك
طريقتك حلوه وعجبني العصبان سفهتيني بيه
لكي تقيمي

[تعزيز]

المصران الغليظ ما غيرة تسلم ايدك ياااغالية فكرة حلوة صحة وعافية

[نسمه ليبيه]

تسلموا لى غالياتى على المرور

وبوركتى لوبا عالتقييم