[ فطيرة مع فطور مفتلك ] من مطبخ للاهم

[للاهم]

http://www.libyan-kitchen.com/gallery/images/goodbasta.gif


خير يا بنات



امس عطلة ومن الليل عجنت ناوية فطيرة او فتات او رغايف – اساميه واجدات
انا اول مرة نديره
ديما نفطروا بيه عند اصحابنا
تصبح صاحبتي ل ي المغربية من الصبح بدري تعجن الرغايف
وتخليهن يتريحن
وبعدين تقرصهن
وعلي ما نضن تكون بدت اطيب فيهن عالطاوة
يجي قولن شي عشرين طرف او اكثر
زوجي يحبهن
قلت يللا يا بنت اشطري وحاولي اديريهن
طبعا عجنتهن من الليل
ف الصبح ما نلقالهشن عزم


يجي كوب دقيق قمح وشوية دقيق ابيض
وشوية ملح وشوية امية
وكنت نعجن ونزيد المية الدافية بالشوية
نين تلايمت معايا العجينة
وبقت رطبة وما اتلصقّش
حطيتها عالرخامة وعجنتها ولتيتها كويس
غطيتها في صحن غريق
وخشيت رقدت
ف الصبح زدت عجنتها
وقرصتها
مغير 5 قريصات حاشا عيونكن
راس ورويس
وملستهن بزيت الذرة


http://www.libyan-kitchen.com/gallery/images/img7701.jpg


وعشان تجربة ما بيتش نكثر
وبعد تريحن القريصات
بديت بالوحدة نفرد فيها بالزيت في سفرة
ونطبق


http://www.libyan-kitchen.com/gallery/images/img7703.jpg


وخليتهن يتريحن
كانكن بديتن تفردنهن طول يتمزقن
لازم يرتاحن بيش يسهل فردهن من جديد



http://www.libyan-kitchen.com/gallery/images/img7704.jpg


المهم كملت فردهن وبديت نطيب فيهن بالوحدة علي طاوة
ودهشني
بصراحة قلت لزوجي صاحبتي ل ي يعطيها الصحة لازم نعطوها وسام اللي مسكينة تصبح من الفجر تعجن وتقرص وتفرد
وتقدمهن لنا
ساخنات مع فطور معنقر
المهم مكثر دوتي!


وتيت الفطورالبسيط


http://www.libyan-kitchen.com/gallery/images/img7707.jpg


شوية زويتينات من عمل يدي
ودحي مطبوخ
ولبنة عليها زيت ونعناع يابس
وشاهي اخضر منعنع


وطلعن سمحات وطايبات كويس
الحمدلله سترني
وكانت فطرة بسيطة ولذيذة
والجو بادي حلو برة
شميسة والحمدلله
----------
ملاحظات : تعلمت من صاحبتي نحط كمون مع الدحي بيش ما يديرش نفخة البطن



http://www.libyan-kitchen.com/gallery/images/img7709.jpg


معلومة استفيدن منها
ومن الصور تلاحظن اني طيبت الفطيرة واجد
نحنا نحبوها طايبة وفيها شوية حرقة
مش تقولن حرقتها
باهي!

[نوارة ليبيا]

باهي مش محروقات ههه

ماشاء الله ياللاهم رووووعه تبارك الرحمن يالغالية
وياريت تحطي أسمك عليهم

مااااشاء الله بجد والصور تبارك الرحمن
ربي يعطيك صحيحتك

واسلوووبك ايهبل وأحلى تقيم يالغالية

[نعم درناويه]

حى عليك ياللاهم ماليش دعوه نبى الى فى الصحن كله الدح والويتونات وهابا عالفطيره الى شكلها ايطحطح

سلم ايدين الحره ياربى

http://www.libyan-kitchen.com/gallery/images/img7709.jpg

[kittygago]

و الله توا شن بنقول

غير يعطيك الصحة

و آآآآآآآآآآآآآآآآآآآآآآآآآآآآآآخ يا قلبي على اللي نشوف فيه

يعطيك الصحة انتي و صاحبتك

يا هكي الفطيرة يا بلاش

ربنا يبارك فيك

و لا ننحرمو من ابداعاتك

[الساجدة لله]

ياعيني ياعيني على اللهجة اللي تهبل انتي مسجل خطر ههههههههههههههههههههههه الله يحفطك واحلى تقييم على لسانك اللي ينقط عسل بلاهي خليك زي ماانتي بلهجتك وعفويتك واسلوبك البرئ

[للاهم]

هههه كيتي تسهيفك سهفني قلت شكلها فطيرتي سمحة وانا ما نعرفش
سلمك جياية

[للاهم]

شكرا خيتي ساجدة والله انا قاصدة نكتب عامي
اكلنا الليبي صعب نعرض بغير هالاسلوب
مع شوية حناطات بيش نمرق موضوعاتي
سلمك جياية تعالي ديما

[للاهم]

درناوية مغير امتى علقتي؟
شكلي فلمت
ماشفتك اللا توا!
هابا ما فضل منه شي ! سلامتك
توا نديرلك مخصوص وندزلك في درنة
وسلمي علي درنة وعرب درنة وخوال امي فيها

[خدوج]

فطيرة قنينة
تسلمى يالاهم

[للاهم]

يسلمك خيتي خدوج

[فضااوي]

للاهم

الله يعطيك الخير ههههههههههههه

تقول قاعدة تسهري في دار مقعد خخخخخخخخخخخخخخ

سلمك سهراية وسلمك طيااابة يالغلا

[ام اسر]

ماشاء الله احلي فطور
سلم هلايديات ياربي

[زينب محمد]

ياسلام ياسلام

فطور بسيط و رائع و فطيرة تجي في الخاطر

ان شاء الله سفرة دائمة و بالخيرات عامرة


يسلموا ايديك و عينيك حبيبة


اصحيحة على قلوبكم


ننتظر اطباقك و ابداعاتك القادمة بشوق


ما تنسي تكتبي اسمك على الصور حبيبة


دمت في حفظ الرحمن

[للاهم]

فضاااوي ما هو حتى انا لما نكتب الموضوع نحس فوق راسي ردا معقود وراء راسي
مش عارفة كيف نوصف العقدة
بس جديدة كانت مشهورة بها وبسماحتها
الله يرحمها
وكانت هدرازة ما بعدها
من كثرة ما كنت كارسة فيها ونسمع
توا مرات نحس كأني صدى لها
وراهي كانت طيابة وعندها نفس مش معقول في الوكال
يا ريت نجي في نص ما كانت

[للاهم]

شكرا ام اسر تفضلي معانا

[للاهم]

شكرا زينب محمد عالتعليق الرائع
رأيك مهم خيتي

زوبة متعبني انا موضوع اسمي عالصور
كل اللي عندي نقوله
اللي يا خذ حاجة مش له وينسبها لنفسه
يزيد في اجري
ويمحى كل اجره كان عنده اجر اصلا
وحسبي الله ونعم الوكيل

[جميلة الكون]

http://up3.up-images.com/up//uploads4/images/images-32dea49d07.gif

[للاهم]

شكرا جميلة الكون
ايش هالحركات الحلوت والايس كريم اللي يجنن
شطورة

[بنية بوها]

همممممممممممممممممممممممممممممممممممممممم شكلها يهبل يسلموا الايااادي

[طمطم]

بالله بنقولك ياللاهم روفي بحالي ومعاش اطلعي هالزويتينات في صورك...... راك هبلتيني بيهم
راهو ندز خوي يسطو عليكم.... اكيد مش بعيد عليكم.... حتى هو احرف مني في الزيتون خاصة الأسود المعكرش

يسلمو يديك وإن شاء الله ربي يونسك بصاحبتك
بالله هاتيلنا منها كم حاجة .... تطيبهم حلو المغاربة.... وسلميلنا عليها

[ليبيا قلبى]

امممممممممممم
تسلم ايدك

[أم إيناس3]

يسلمووووووووووووووووو

[ranaa]

http://islamroses.com/zeenah_images/w6w2005041919345643d1e4f8.gif

[ام ثواب]

سلمها الحانطة ليبية صح لان نحنا الليبيات غالي علينا التعب وخبر زايد ياك الاياك نعيشو يالدقيق بلاك وعداا فيها الرجييييييييييييييييم

[المغتربه]

سلم ايدياتك هذى الوليه الصح اللى تفطر راجلها فطاير ساخنه على الصبح

[بنية بوها]

يسلموااااااااااااااااااااااااااااااااااااااااااااا ااااااااااااا

[للاهم]

بنية بوها يسلم مرورك واعجابك

[للاهم]

طمطم ما قدامك الا الزويتينات ماهو راجلي كان مالقاهن عالطاولة مع الغدا والا العشا يزعل
وراني رقدتي كمية جديدة من الغامي
وكلا من خوك تبيله بيش يوصل فينا
وجايك من الاطباق المغربية مايسرك

[للاهم]

ام ايناس 3 ؟ تي كم في ام ايناس ف المنتدي حسني دخت!
رنا
مشكور مروركن واعجابكن

[للاهم]

زهي ايامك واملاها حناطة هههه ام ثواب حلوة ياك اللا ياك حسها من مشرق!

[للاهم]

قالك يا المغتربة
امالا شنو-- نحنا هكي علمونا
ماهو غربة وقلة ماكلة كويسة حرام
مالنا اللا فتلكة الوكال والعين تاكل قبل البطن

[مشاغبة المطبخ]

سلم ايدياتك وشنى قصت اللبنه
الى تهبل شكلها ماتقوليليش انتى مدايرتها
راهو ننتحر
وكان انتى اعطينى الطريقه ولا تعرفى شن ايصير ههههههههههه
يسلمو

[اريناس]

مااشاء الله

عليك عينى مااتضرك

بس تعالى قوليلى انتى من وين؟؟

دزيلى عزوار او الخاااص

وجااارى تطبيقهاااا حتى اناانعجنهاا من اليل

ههههههههههههههه

[guidona]

قنينه فطيرتك وربي اخليلك صحبتك يااموره ولا مكتره الدوه ولا سو هدرزتك حلوه وعلي محلاها صحيه الفطير

[للاهم]

يا مشاغبة يا شويطينة
هو انا فاضية ندير لبنة بروحي
تي انا ايديا من حتتين فطير الليل كله ينبضن :)
يا حلوة هي لبنة جاهزة بس انا نحطها في صحن لبناني ونفتلك شكلها عالاجناب
ونصب عليها زيت زيتزن بكر
ونرش عليها نعناع يابس
هكي نحبوها

[للاهم]

هههه اريناس عيوني
منشان مايقولوا هبلت في اخر عمرها خافية روحي
بس انا من بنغازي
ونعيش في غربة اه منها
شكرا خيتي

[للاهم]

guidona يا قنينونا سلمك تفضلي منها
وفعلا هي صحية لولا شوية الزيت - بس ما ينفعش تجي من غيره
صحيتي

[ام الحلوين]

السلام عليكم
للاهم يسلمو ايديك وصحة الفطور اسلوبك رائع ومميز لفتلى نظرى قبل ماننسجل فى المنتدى ومعليشى بنسئلك سؤال انتى فى المغرب حسيت من المواعين اللى بحداك

[للاهم]

وعليكِ السلام
لا خيتي ام الحلوين ربي يخليهم لك مش ف المغرب
بس ماشيتله كم مرة ومتسوقة منه
الصونية اللي فيها اللبنة من تونس
ههههه
وممكن تكون محطة سكننا الجاية المغرب
من يعلم

[أم أيوب]

يسلموووو

[ام عبدالمعز]

يسلمو ايديك للاهم

رغايف روعة ماشاء الله

صحتين وعافية يارب

[أمـ ساره]

ماشاء الله للاهم فطيرات يجو في الخاطر

ما شاء الله مع وصفك ليها خليتيها في خاطري

سلم ايدياتك وايديات جارتك

وصحيحية على قلوبكم

بس المفروض تحطي اسمك عليها أفضل

[Om Saga]

تسلم إيدياااااااااااااتك الأهم
روعه ماشاء الله
لالا مش محروقه تبان تهبل

[sweet nona]

امممممم
فطور امفتلك حق
تسلم ايدك

[بنت الاشراف]

سلمت يداك

[زهرة البنفسج]

بارك الله في هالايديات فطيرة اتجنن وخاصة بالقمح واحلى تقيييم

[لويلا]

مشالله ربي يوفقك انشالله

[الصابرة]

والله سمحة وشكلها مشهي يعطيك الصحة وربي يبارك فيك ويخليلك صاحبتك وراجلك

[نسيبة]

سفيرة دايما سلمت يداك فطيرة قنينة

[بنت الاشراف]

سلمت يداك

[luba]

تسلم الايادي ماشاء الله لك تقييمي