المساعد الشخصي الرقمي

مشاهدة النسخة كاملة : [ تمت الاجابة] سؤال عن تتبيلة الدجاج



Om Amory
12-28-2010, 01:48 PM
....السلام عليكم ورحمة الله وبركاته....

حبيباتى كيف حالكم ؟؟؟:D....

بصراحه نبى نسألكم عن تتبيلة الدجاج تبع الزبادى

فى تتبيله بالزبادى الحامض كيف ؟؟....

ياريت اللى تعرف تقولى عليها

تحيــــاتى ...:cool:

Om Amory

أم ميوسة
12-28-2010, 02:12 PM
السلام عليكم ورحمة الله وبركاته

عزيزتي كيف الحال

تتبيلة الدجاج بالزبادي تأخدي الزبادي تحطيه في صونية وتأخدي معاه ثوم وليم قارص وزعتر والتوابل اللي عندك من قرفة وفلفل أسود وزعتر وتابل تونسي أن وجد وزنجبيل مرحي وحبهان وتعرفي اللي يضيف نكهة حلوة تخلي بنة الدجاج حلوة الزنجبيل الأخضر لكن للأسف مش ديمة متوفر عموما هادي تقريبا الخلطة اللي ندير فيها متع الزبادي .

طبعا تأخدي التتبيلة وتدهكي بيه الدجاج باهي لين اطيبيله كبيدته هههههههههه وتخليه مدة في الثلاجة أو حقه توه شتيه خليه بره لين يمص التتبيلة كويس وتأكلي بالهناء .

Om Amory
12-28-2010, 02:43 PM
هههههههههههههه خلاص تو ندهكه لين يطيب هههههههههه

شكرا حبيبه بارك الله فيك ماننحرم منك ان شاءالله

نوارة ليبيا
12-28-2010, 03:16 PM
اهلين حبوبة هاذي الخلطه انك تحطي زبادي وليم قارس
والباقي تتبيلتك اللي تحبيها

يطلع ايهبل
وماتنسي مية البصل والزعتر وصوص الصويا يعطو لدجاج بنة روعه

وبارك الله في أم ميووسة ماقصرت

وينقل للقسم المناسب

Om Amory
12-28-2010, 03:21 PM
مشكوره حبيبتى نواره

http://www.12allchat.com/upload/uploads/images/12acb0839616.gif

ام الجميلات
12-28-2010, 05:17 PM
اهلا ام عموري ماتقولليش انتي هي اللي في قلب علاء
المهم بالنسبة لتتبيلتي
ناخد صدور الدجاج هدا بالنسبة لسكالوب نحطه في صونية بعد الغسل طبعا نملحه ونخلطه بكوب ياغورث الطبيعي
وشوية خل وخردل والبهارات نضيفله في التابل التونسي طبعا اللي عندي دياري جايبهولي خوي من تونس نبش عليه بصل
وشوية بزار مخلط وجنزبيل واكليل مطحون وزعتر وخليه من ربع ساعة الى ساعة كانك مستعجلة حتى ربيع ساعة باهي لانا اني ديمة مستعجلة تكفيني ربيع ساعة
وبعدين تاخدي صونية صغيرة وتضربي فيها الدحي وتخلطيه بمية التتبيلة وتغرمدي كل قطعة في الخبزة المرحية وبعدين الدحي وبعدين الخبزة وتقلي يطلعلك مش عادي
اما بالنسبة لتتبيلة المشوي ديريله ملح وشوية فلفل اسود وبهارات الدجاج اللي هي التابل التونسي
وليم قارصواميةبصل وخليه راقد في تتبيلته حتى ليلة كاملة وبعدها اشوي وبالهناء والشفاء
غير ابعتيلي منه هههههههههههههههههههههههههههههههههههههههههههههههههه ههههههههه راهو الطريقة مش بلاش

Om Amory
12-28-2010, 09:35 PM
ههههههههههههههه انى اللى فى قلب علاء ههههه قصدك ماعرفتنيش ؟؟؟


صحيتى ان شاءالله تو نديرها

بارك الله فيك حبوبه

وحصتك تو توصلك باهى

ام عبود
12-28-2010, 09:36 PM
نفس خلطه الصبايا بس انا بضيف عليها ملعقه كاتشب بتعطى طعم كثير طيب

Om Amory
12-28-2010, 09:39 PM
شكرا حبيبتى أم عبود

نورتى

أمـ ساره
01-02-2011, 08:42 PM
ماشاء الله أم عموري

الاخوات ماقصروا معاك

وزي ما قالولك تضيفي لتتبيلتك الزبادي فقط عادي

وباقي الدباير على راحتك وزي ما تحبي انتي وزجك

Om Amory
01-03-2011, 03:50 PM
مشكوره حبيبتى أم ساره

نورتى

السمحة
01-03-2011, 04:02 PM
اهلا
تتبيلة الدجاج على طريقتى
فى ست البيت بوة على خوة ههههههههه مش عركة مقادير
بصلة متوسطة وفصوص ثوم وكمون ورشة فلفل اكحل ورشة زعتر وملح وزنجبيل وكوب زبادى اولبن النسيم يطلع روعة وعن تجربة وزيت زيتوون ولاتنسى اكليل الجبل مهم جدا شوى وتفركى الدجاجة نين اتقول خلاص وتطعنها فى اوركاة اللى اتجنن وفى صدرة اللى ايهبل وتترك ساعة ثم فى الكيس البلاستك وعلى الفرن والطعم خيال
ومثل هذة الطريقة نعمل الراس

الساجدة لله
01-08-2011, 10:43 AM
ماشاء الله البنات ماصرو معاك

Om Amory
01-09-2011, 11:57 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة السمحةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاهلا
تتبيلة الدجاج على طريقتى
فى ست البيت بوة على خوة ههههههههه مش عركة مقادير
بصلة متوسطة وفصوص ثوم وكمون ورشة فلفل اكحل ورشة زعتر وملح وزنجبيل وكوب زبادى اولبن النسيم يطلع روعة وعن تجربة وزيت زيتوون ولاتنسى اكليل الجبل مهم جدا شوى وتفركى الدجاجة نين اتقول خلاص وتطعنها فى اوركاة اللى اتجنن وفى صدرة اللى ايهبل وتترك ساعة ثم فى الكيس البلاستك وعلى الفرن والطعم خيال
ومثل هذة الطريقة نعمل الراس
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

هههههههههه يعطيك الهنى صار بوه على خوه

مشكوره حبيبه تو نجربها ان شاءالله

Om Amory
01-09-2011, 11:58 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة الساجدة للهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله البنات ماصرو معاك http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ايه يعطيكم الصحه كلكم