[تورته بصوص الشكلاطه والشانتي] من مطبخ ام اميرولمار

[ام اميرولمار]

http://www.libyan-kitchen.com/gallery/images/imagemim.jpg




كيف حالكم اليوم شن دايرين وشن جو المطبخ معاكم انا اليوم درت تورته وقلت لازم ايشوفوها الحبوبات



نبدأ

المقادير"""""


2كاس سكر بس انا درت كاس ونصف

10بيضات

فانيليا او عصره ليمون

وملعقتين ماء فاتر

وملعقتين بيكنج بودر

وكوبين دقيق او كوبين ونص كل وحده علي حسب دقيق الي عندها


وهادي المقادير اموضحه في الصورة

http://www.libyan-kitchen.com/gallery/images/imagelfl.jpg


~~~~ألطريقه ~~~~





ننخل الدقيق تلات مرات عشان يدخله الهواء وينفخ الكيك تم نضيف عليك البيكنبودر وان خليه علي جنب


نخفق السكر والبيض لحد لما يبدأ قوامه غليظ وكريمي تم نضيف الفانيليا والماء ونستمر في الخفق لمدة

عشر دقائق تم نضيف عليه الدقيق المتخول مع البيكنبودر ونخلط بحدر من فوق لتحت حتي يختفي الدقيق نهائيا



http://www.libyan-kitchen.com/gallery/images/imageeze.jpg


تم نجهز القالب ويبطن بورق الزبدة

ويضع في الفرن المسخن مسبقا علي درجة 180

http://www.libyan-kitchen.com/gallery/images/imagelfl.jpg


وهنا الكيكه بعد التزيين بكريم شانتيه وصوص الشكلاطه

لان انا حطيت صوص الشكلاطه علي الكريمه أتناء الخفق وحشيتها من الداخل بنفس الصوص ومكعبات شوكلاطه


http://www.libyan-kitchen.com/gallery/images/imageszs.jpg


وهادي صوره تانيه للكيكه

http://www.libyan-kitchen.com/gallery/images/imagesqs.jpg


http://www.libyan-kitchen.com/gallery/images/imagedqd.jpg





ان شاء الله نالت إعجابكم




http://www.libyan-kitchen.com/gallery/images/imagefyf.jpg

[ام اميرولمار]

مش عارفه ليش التعديل ميشتغلش

[بنت حواء]

ماشاء الله تورتة حلوة
وياريتك شاركتي بيها في مسابقة الكيكات
تسلم يديك وصحتين على اللي كلوها
لك مني 5 نجوووووووم

[ام اميرولمار]

شكرا ليك يابنت حواء علي الرد الحلو

ونبي نسألك هوا ديمه المسابقات قائمات ولا نين يعلنو عليها انا انقولك الحق ولله ماني عارفه حاجه هههههه في المنتدي ماشاء الله عليكم ناشطات

باهي خبروني لما فيه مسابقات ههههه دخلوني معاكم ;)

[ام اميرولمار]

شكرًا علي التقييم حبيبه

[ام اميرولمار]

انا زعلت بصراحه 332 مشاهده
ورد واحد

[luba]

تسلم اﻻيادي ماشاء الله ربي يعطيك الصحة
بس عندي مﻻحظة مهمه الاطار المستخدم في الصور
ضيع حﻻوة الموضوع و الكيكة مش واضحة معاه
انشغلنا في تخربيش اللي حوالين الصورة بالسيف بيش انركز
اتمني ان تتقبلي مﻻحظتي بكل رحابة صدر
ولو ماعندك مانع اندخل موضوعك في مسابقة الكيكات
لو وافقتي حنغير لك العنوان
ولو موجودات الصور نتمني ترفعيهم مرة اخري
باطار بسيط ليبرز جمال الكيكة
تم التقييم واسفة لﻻطالة تقبلي مروري

[نسمه ليبيه]

يسلموا ايدياتك منظرها روعه ومشهى

[أمـ ساره]

ماشاء الله حبيبة شكلها كيكة حلوة ولذيذة
سلمت ايدياتك عليها وعلى الشرح الواضح

بس ملاحظة لوبا في مكانها الاطار ضيعنا شوي

تستاهلي احلى نجوم على الموضوع الحلو
وبالنسبة لعدد المشاهدات تكون حتى من الزوار مش من الاعضاء فقط

[أم خديجه]

ما شاء الله لاقوة الا بالله
تسلم ايديك
روعه تم التقييم

[المصراتيه]

ماشاءالله يعطيك الصحه
ولو تبي تشاركي فيها في المسايقه تفضلي

[زوبة الطيوبة الحبوبة]

ماشاء الله
كيكة تحفة وشكلها حلو
والتزيين غاية في الروعة
الله يسلم أيديك
وتستاهلي احلى تقييم
واحلى 555نجوم

[الصابرة]

سلم دياتك ويعطيك الف عافية
شكلها حلو لكن ركزت هلبة بيش قدرت نركز في الشكل
حبيبة كلنا مع ملاحظة لوبا