[ استفسار ] عجانة الكيتشن ايد

[المصراتيه]

السلام عليكم ورحمة الله وبركاته

نبي نسالكم علي عجانة الكيتشن ايد
KitchenAid هل موجودة في ليبيا او لا
وبارك الله فيكم


http://ecx.images-amazon.com/images/I/410YizTqcqL.jpg

[حبيبتهم]

وعليكم السلام موجودة في ليبيا العجانة هذي اكثر من مرة نشوف في صفحات محلات اجهزة منزلية اينزلوا فيها علي اساس عندهم وسعرها فوق 900 دينار

[حبيبتهم]

معليشي غلطت في السعر فوق 700 دينار تقريبا

[المصراتيه]

بارك الله فيك حبيبتهم
لو عندك اسم الصفحات عالفيس ياريت تكتبيهلي نبي نشبح حتي القوه متاعهم

[حبيبتهم]

الصفحة اللي نتفكر امنزلتها صفحة زكريا هوم فرع بنغازي وتوا فتحوا فرع في طرابلس الباقي نسيتهن

[أمـ ساره]

وعليك السلام والرحمة مصراتيه

بالنسبة للعجانة فيه بعض المحلات يجيبوا فيها بس الحق نشوف اسعارها مبالغ فيها هلبة
اني كنت ندور عليها لكن ما لقيتها فترة الاحداث وقتها
وعلى العموم هي ماليها وكيل محدد في ليبيا الي نعرفه ان محلات تستورد فيها بس
ولو لقيت اسم محل او صفحة نبلغك ان شاء الله

لكن نصيحتي لو تقدري تجيبيها معاك من برا افضل لك

[أمـ ساره]

اتفضلي راجعي هالموضوعين


http://www.libyan-kitchen.com/kitchen/showthread.php?6065


http://www.libyan-kitchen.com/kitchen/showthread.php?421


واكثر اسماء محلات تكررت هي الدلتا وبيت النعيم ومحل السرايا جنب سوق الاسرة في تاجوراء

الاثنين الاولات ليهم صفحات على الفيس تقدري تستفسري منهم لو تحبي

[المصراتيه]

حبيبتهم صحيتي بارك الله فيك والصفحه ماطلعتش عندي


ام ساره الله يبارك فيك المشكله الضي هنا مش نفس ليبيا هدا اللي مخوفني وتوكلت علي ربي وخديتها وخديت معاها محول يستر الله
حلوات الصفحات بارك الله فيك

[أمـ ساره]

فيك بارك الله مصراتيه

ومبارك عليك تبيديها بالهني يارب وربي يرزقك خيرها ويكفيك شرها يارب
الحق اني نشوف ان الاغلب يجيبوا فيها من برا وتقريبا الضيء ماعاد مشكلة زي قبل
ومبارك عليك مرة ثانية

[المصراتيه]

الله يبارك فيك واجمعين يارب
خفت نمشي غادي مانلقاش الحجم والقوه اللي نبيها
بارك الله فيك

[نسيبة]

السلام عليكم كيف حالكم غاليات بارك الله فيكم تعتبر من احسن العجانات بصراحه استفدت من سؤالك ميمي ومن اجابات ام سارة وحبيتهم لاني نبي نستفسر هل توجد في ليبيا او لا شكرا لكم

[سومه نونا]

ليش ماتاخدي كينود ممتازة