[استفسار]عن لوازم تحضير وتزيين التورتات

[ام بكر]

اللهم صل على محمد وعلى آله وصحبه أجمعين

بالله مستحقه لكيس الحلواني الحجم الكبير..
والاشكال الي انزين بيها الكيك زي الي استخدماته
الاخت زينب علي شكل قارب ف تزيين التورته من فوق
اي حاجه ليها علاقه بتزيين التورتات

سلام ياحلوات لكن احلي وحده الي ترد الاولي

[ام ثواب]

وحتي نا زي ام بكر خاطري يكون عندي زية والافضل ادلوني علي محلات في درنة والابنغازي حلم وخاطري يتحقق ونبية زي امتاع الشيفات

[سحابه صيف]

والله تمنيت انساعدكم لكن انا توة مش في البلاد

[ليبية]

حبيباتي في محل قبل كان يوفر في الحاجات هذي وتوا الله اعلم
محل متع معدات مطاعم بحدا حلويات بلقيس الشارع اللي لاصق في جامع مولاي محمد

محل معدات مطاعم وحلويات في ستفة الفاندي جاي في زنقة في الشارع اللي فيه مدرسة ثانوية البنات علي سيالة

وفيه محل في 11 يونيو بس نعته بالزبط منعرفهاش

دعواتكم يا غاليات

[ام بكر]

حبيباتي في محل قبل كان يوفر في الحاجات هذي وتوا الله اعلم
محل متع معدات مطاعم بحدا حلويات بلقيس الشارع اللي لاصق في جامع مولاي محمد

محل معدات مطاعم وحلويات في ستفة الفاندي جاي في زنقة في الشارع اللي فيه مدرسة ثانوية البنات علي سيالة

وفيه محل في 11 يونيو بس نعته بالزبط منعرفهاش

دعواتكم يا غاليات

شكراً اختي ليبيه الي جنب بلقيس نعته ساهله
وانشاالله نمشي انشوفه
مشكوره ع الاهتمام
وبارك الله فيك

[التا ئبه لله]

السلام عليكم
اختى ام بكر عليك وعلى محلات
تبارك فى النوفلين امشيله وادعيلى محل كل ما تتمنى فيه
تخيلى فى لانفس طريقى كل يوم او مش معدله عليه لين قلتيى عليه
اختى الحبيبه سويت مشيت ولقيت فيه كل ما تتمنى من كيس الحلوانى
للا البلبه زى ما يقولى الا هيا
الا يشكلو بيها فى البيتفور والكريمه وكلها بضاعه روجنال والله حاجه تانيه كل شى حتى العجانات
الشارع بزبط الا فيه الاتات وفيه بيتزا فاميلى ومحلات النعمى للاتات المهم واضح واى استفسار وخيتك فى الخدمه والكيس الحلوانى الا عنده نفس الا حابهولى خوى من بريطانيا
لانى دورت او ما لقيت حاجه مقومه بعدين خشيت للمحل نفسه ورخيص
بى 10 د فقط وفى النا يلو للا ستعمال الفورى

[ام بكر]

السلام عليكم
اختى ام بكر عليك وعلى محلات
تبارك فى النوفلين امشيله وادعيلى محل كل ما تتمنى فيه
تخيلى فى لانفس طريقى كل يوم او مش معدله عليه لين قلتيى عليه
اختى الحبيبه سويت مشيت ولقيت فيه كل ما تتمنى من كيس الحلوانى
للا البلبه زى ما يقولى الا هيا
الا يشكلو بيها فى البيتفور والكريمه وكلها بضاعه روجنال والله حاجه تانيه كل شى حتى العجانات
الشارع بزبط الا فيه الاتات وفيه بيتزا فاميلى ومحلات النعمى للاتات المهم واضح واى استفسار وخيتك فى الخدمه والكيس الحلوانى الا عنده نفس الا حابهولى خوى من بريطانيا
لانى دورت او ما لقيت حاجه مقومه بعدين خشيت للمحل نفسه ورخيص
بى 10 د فقط وفى النا يلو للا ستعمال الفورى


الشارع عرفته لكن المحل اقباله لان تقريباً الشارع نعرفه لكن المحل معرفتاش
ومشكوره ومن قبل منمشي بارك الله فيك وف كل عيلتك انشاالله وربي يفتح عليك

[التا ئبه لله]

وفيك بارك الله حبيبتى اهو نسهلها عليك

امشى نفس الصفه الا فيها بيتزا فاميلى لقرابه مش نهاية الشارع وشوفى بادن الله تلقيه واضح زى الشمش وان شاء الله تلقى حاجتك

[أم ميوسة]

السلام عليكم ورحمة الله وبركاته

عزيزتي في محل كويس فيه تقريبا كل معدات التورتة وكلها بضاعة حلوة لين تستغربي شن تشري محل اسمه عالم المنزل في شارع بن عاشور محل كبير وفيه دروج لو أنت جاية من جزيرة القاديسة لبن عاشور يجيك على ايدك اليسار فيه حتى متع فتافيت هديكة اللي تحرق السكر وطواجين على كل شكل ولون وطواجين السليكون وقمع الكريمة حتى انا خديته من غادي بتسعة جني واستعملته كويس وفيه الواح السليكون اللي تزيني بيهم الشيكولاته عموما المحل معبي بري شوفي واحكمي ونسيت نقولك فيه حتى هو الات كهربائية

[أمـ ساره]

ماشاء الله وخيتي الحبوبات ما قصروا معاك

بس اني بنسأل أختي التائبة على المحل الي في النوفليين

هل فيه الة البسكويت والقطاعات الي نشكلوا بيها البسكويت ؟

ياريت اتقوليلي واللهاندور فيهم من فترة مالقيت نوعية كويسة

[التا ئبه لله]

الله يسلمك ام سرورا

بنسبه لفورمات البسكوت والله ما نعرف لكن كل شى فيه يبى

واحد يمشى براحته انى خشيت فيسع لانى كنت مستعجله لكن كل شى فيه وحاجه مش عاديه انتى غير امشى وتلقى حاجتك بادن الله