[الإسلام] ساعدوني ننصره

[طمطم]

السلام عليكم

طبعا زي ماتعرفو اني قاعدة في بريطانيا ودائما عندي هاجس إن مسؤوليتي تجاه الإسلام اكبر من أخواتي اللي عايشين في البلاد المسلمة (مش اني كشخص... لا.... كمثل) علاش؟ لأني عايشة في وسط ناس مايعرفوش عالإسلام شي... واني بنكون صورة فلازم نوصل رسالتي كويس للناس ونوريهم إن الإرهاب اللي صاير في العالم أول ضحاياه هم المسلمين

هادي خلفية عن الموضوع بس موضوعي اللي جاية نتكلمك فيه اليوم هو إني كيف ندير باش ننصر الإسلام لما نشوف ان في حد قدامي شوهه؟؟؟

بجنب الجامعة في محل يبيع في أقنعة وحوش وسبايدرمان وطارازان والرجل الأخضر وكل الشخصيات الخيالية المرعبة والوهمية
هما هني عندهم أعياد يستعملو فيها هالحاجات (ياوالله شعب متخلف برغم تطورهم) وواحد من الأعياد هاذي اسمه الهالووين (عيد الرعب) يلبسو أقنعة مخيفة ويديرو مكياج بوجوه غريبة وجماجم ودم ... ويعلقو حاجات زي يد مقطوعة وغيره
(الله المستعان)

المهم من ضمن الأقنعة اللي يبيع فيها هالمحل.... قناع لرجل مسلم بعمامة (ممكن هكي أسامة بن لادن) .....
بغض النظر عن رأيي الشخصي فيما يفعله بعض المسلمين بالإسلام.... أنا أرى أن استعمال القناع بهذا الشكل فيه إهانة للمسلمين.... ومانبيش نحكي في هالموضوع أكتر

بس شوفو معاي هالصورة .... وشوفو الأقنعة اللي حوله

http://www.libyan-kitchen.com/gallery/images/110uju.jpg

بعتت ايميل للمجتمع الاسلامي نسألهم رأيهم وشن المفروض نديرو... ما ردوش عليا
فكرت نخش للمحل نبيلنهم ان شي زي هادا يزعجنا احنا المسلمين وياريت تحترمونا كما تحترمو الطوائف الموجودة عندكم برغم غرابتها....

وفكرت في هلبة أفكار

نبي نديرشي.... نبي ننصر الإسلام

شن رايكم انتم؟ أشيرو علي

[التا ئبه لله]

السلام عليكم
الله يزيدك من فضله اختى الحبيبه الله يعينك فى غربتكم ويتبتكم على الا يمان ويهلك عدو الله وعدوكم اختى ما عندى مانقول غير هدى الكلمات ارجو ان تستفيدى منها وهيا للا مانه منقوله الله يجزى صاحبها خير

الحمد لله والصلاة والسلام على رسول الله صلى الله عليه وسلم .. " يأتي الإسلام يوم القيامة على صورة رجل و يقول يا رب هذا نصرني وهذا خذلني ثم يأتي على عمر بن الخطاب فيقول كنت غريبًا حتى أسلم هذا الرجل "
تلك المقولة العظيمة لسيدنا الإمام الحسن البصري التي يهتز لها جسدي حينما أسمعها وكثيرا ما أفكر فيها .. والسؤال الذي أسأله لنفسي وأرجو منكم أن تسألوا أنفسكم أياه : ماذا سيقول عنا الإسلام ؟؟ هل سيقول هذا نصرني أم سيقول هذا خذلني ؟؟ ولكن كيف ننصر الإسلام ؟ هل ننصر الإسلام بالصلاة ؟ أم بالزكاة والصدقات ؟ أم بالصيام ؟ أم بالقيام ؟ أم بالتقرب إلى الله بالطاعات ؟؟ وما الذي يجعل الإسلام يقول عن عمر بن الخطاب : كنت غريبا حتى أسلم ؟؟ "غريبًا" هاهنا يكمن السر .. غريبا ..
من منا استطاع أن يفعل مثلما فعل عمر ؟؟ وماذا فعل عمر ؟؟ حينما أسلم عمر بن الخطاب رضى الله عنه اهتزت قريش لإسلامه , لأن إسلام عمر ليس بالسهل اليسير , لأن إسلام ابن الخطاب كان تغيرًا كاملا لوجه الدعوة .. والسؤال هنا من منا حينما التزم تغير وجه الدعوة .. إخوتي مازالت الفرصة بأيدينا نريد أن نغير وجه الدعوة " جاء الإسلام غريبا وسيعود غريبا " فمن منا سيغير هذه الغربة ..
نعم الفرصة بأيدينا .. نريد أن يصبح كل منا مغير مجدد إذا دخل مسجد لم يخرج منه دون أن يترك بصمة , لو مر على مقهى لن يمر مرور الكرام حتى يترك بصمة ، لا يقابل احد أصدقائه حتى يترك فيه بصمة , لا بد أن يعرف أين يجتمع الشباب ويذهب إليهم حتى يزيل تلك الغربة .. الغربة الجديدة للإسلام لا بد أن يحترق كل منا أسفا على ما وصل إليه المسلمون , هذا الاحتراق يعطيه قوة دافعة تحركه لنصرة الإسلام . حينها حقا يقول الإسلام هذا نصرني ..

[طمطم]

شكرا أختي التائبة

زدتيني إحساس بالخوف والمسؤولية..... بس علاش خليتيني غارقة..... اقترحي عليا شن ندير؟؟؟؟؟

[التا ئبه لله]

اختى طمطم ما بايدك شى

نحس فيها الحكايه اكبر منك ومنىالمشكله وين تكمن حبيبتى ان الغرب بدى كل يوم يحاول بشتى
الطرق كيف يشوه صورة الاسلا م
ماعليك اختى الا الدعاء وان الله ينصرنا على القوم الطالمين بالله حبيبه
هم الا يقدرو
مش معدلين اختى الصرع بين الا ديان كل واحد يبى دينه هو الا ينتصر من يوم الدنيا
انتى الصعيفه مش معنى هدا اختى
بنخلق فيك روح الخوف او التراجع
عن رايك بس نحس فيها صعبه هدى مسئوليه كل مسلم اتجاه دينه
تصدقى طمطم زوجى بدير الدكتورا مازال محددناش اى بلاد لكن اول حاجه فكرة بيها
والله اول حاجه هدا الا فكرة فيها
نطرة الغرب للمسلمين طبعا لما
وصل اليه حال المسلمين وتشويه الدين الاسلامى فوضى امرك الى الله وهو احكم الحاكمين وممكن حبيبتى فى حلول تقدرى عليها
والجهاد اختى حتى بدعاء والصلاة
وانك تعطى صوره للا سلام مشرفه المشكله انك بروحك صعبه عليك هدى تبى مجموعات زى ما يقولو ايد واحده ما تصفقيش و الله المستعان على ما يصفون
ياريت كلنا زيك كان هدا مش حال الا مه الاسلاميه من شتات واحزاب وطوائف وحروب اللهم تبتنا على الايمان فى النهايه
حبيبتى عليك بتمسك بدينك
فى وقتنا هدا القابض على دينه كاالقابض على جمر والله ينصرنا على عدونا
اختى انتى صارلك كاالمصلح الدى يقود سفينه من زجاج فى بحر من الطين

[سحابه صيف]

والله يوخيتي مش عارفوة شني انقولك خايفة اطري روحك ومتنسيش مدامهم داروحها هكي الما هما ناس عنصريين وخايفه اديري اي تصرف ايولي عليك ماعليك الا الدعاء وبس ولو انك عارفة انك تقدري عليهم هدا شي تاني
الحاجة الوحيدة الي يمكن تقدري اديريها هي انك تشري القناع وتصرفي فيه خير مريه حد تاني منهم ويتصرف بيع بطريقتهم
وحسبي لله ونعم الوكيل

[روح مغتربه]

السلام عليكم اختي طمطم بارك الله فيك علي هذا الاحساس العالي بالمسئو ليه تجاه الدين الاسلامي وثبتكي الله بصراحه اختي انا لم اتغرب من قبل ولا اعرف طبعة تفكيرهم هناك بس من رايي انك اذا كان عندك زملاء عرب او مسلمين ويكون عندهم اسلوب مقنع و هادي تمشي انتي وياهم للمحل وتكلموه بلطف وتحاولو اتناقشوه بلطف واما عن نصرة الاسلام بصفه عامه فاقول [فليكن خلقك الاسلام] لاننا محتاجين ان نصحح صورة الاسلام وبدات شخصية المسلم الحقيقيه
هذا رايي واتمنى ان تكون فيه افاده لكي

[خدوج]

والله ماعندى مانقول غير
الله المستعان
اللهم انصرنا بالاسلام

[طمطم]

شكرا لكل من رد عليا
روح مغتربة كلامك عجبني هلبة

بس نبي نوضح حاجة.... الدولة كدولة تحترم في الإسلام هلبة

يعني يحترمو فينا وحتى في المدارس يحاولو يفهمو الصغار شن هو الإسلام

وفي لندن في مشروع بينهم وبين الشيوخ المسلمين الكبار انهم يدبيد ليوضحو حقيقة الإسلام وموقفه من الإرهاب

وتصدقو في عندهم في كل منطقة زي نوادي لعائلات المنطقة..... النادي اللي بحدانا يديرو في احتفال بأعيادنا (الفطر والأضحى) هما الناس عندهم شوق لمعرفته... خاصة انهم بدو عايشين مع المسلمين جنبلجنب: المسلمون هنا كثيييييييييييييييييرون

المهم يعني الفكرة مش انه صعب وهتقوم حرب لو تكلمت
اني متأكدة لو اني مشيت للبلدية وحكيتلهم الموقف هيحترمو وجهة نظري ويكلمو المحل.... خاصة اني مش هنديرها دفاعا عن شخص ما... لا اني مجرد بنقول ماعجبنيش يهزأو بديني.... وحتى الصحافة لو قلت لحد هيكتب طول....... بس المشكلة اني ماعنديش الجرأة

طبعا في عنصريين وفي مواقف هلبة جارحة وبايخة تصيرلناس.... في منها بايخ هلبة وفي منها ما ينحسب لأنه طلع من ولاد شوارع

وميزتهم هني.... كل واحد حر شن يدير وشن يختار دينه

إن شاء الله قدرت نوضح الصورة.....

حاولو تساعدوني أرجوكم

[أمـ ساره]

الله يكون في عونك وخيتي طمطم

وربي يفتح عليك ان شاء الله وتتشجعي وتتكلمي

هو الموقف صعب والله معاك حق

لكن واجبك انك ادافعي ولو بكلمة بسيطة

وزي ما قالت لك اختي روح مغتربة

لو تعرفي حد من أصدقائك أو معارفك عندهم أسلوب حلو ومقنع امشي معاه

واتكلموا باش اتكونوا يد وحدة واديروا حاجة تاخذوا عليها الاجر والثواب

عن كل المسلمين

وربي يوفقك وخيتي ويكون بعونك وعون كل الغترين والمغتربات يارب

[الجبليه]

السلام عليكم ورحمة الله وبركاته

نصر الله الاسلام والمسلمين

اختى طمطم بارك الله فيك على الشعور ونصر الله الاسلام بالمسلمين
أنا من وجهة نظري اولاً الدعاء لله بنصر الاسلام أما الثاني فعليك اختى بأن توضحي لهم الاسلام عن طريق تعاملك معهم بالحسنه وحثي كل صديقاتك بأن يتعاملوا معهم بالحسنة كي تتغير فكرتهم إن شاء الله تتغير
لي فكرة أنت ماشاء الله تحضر فى اللغة الإنجليزيه بأمكانك ان تدخلى على مواقعهم وأن تكتبي موضوع بعنوان يجدبهم أو عنوان عيد الرعب
حتى عندما يبحثون عنه يجدون موضوعك
وأول شيء فى الموضوع ضعي هذه الصورة ثم أجمعي أفضل الصور على النت للمسلمين وكيفية تعاملهم والصور ستجدين كثيراً على النت وفى أخر الموضوع تحت الصور أكتبي بعض الكلمات المعبره أو موضوع عن الاسلام وحث نبينا الكريم على التعامل بالحسنة
لا أنصحك أبداً أن تدخلى لهذا المحل أو تشتري هذا القناع ( بعد أذن سحابة صيف ) فهو ليس الحل المناسب
انشريه فى الكثير من مواقعهم ولا تكتفى بموقع واحد
وأتمنى من الله التوفيق

[طمطم]

شكرا جبلية على اقتراحك وكلامك... بارك الله فيك
تو نفكر ونقوللكم شن صار

[أم أيوب]

طمطومة والله أنا زيك في هالمواضيع

من فترة كنت ندور على موضوع عالنت ولقيت روحي فتحت صفحة كلها اساءة للرسول

الكريم واستهزاء بيه معاذ الله وتحريف للقران وما نحكيلك عاللي صار فيا كمسلمة عندها

غيرة على دينها ورسولها وانتمائها لخير أمة اخرجت للناس

لقيت روحي نازلة فيهم وندافع عن الحبيب عليه الصلاة والسلام وعن القران بكل ما عطاني ربي

من قوة لأني مع الحديث الشريف اللي يقول

(( من رأى منكم منكرا" فليغيره بيده فان لم يستطع فبلسانه فان لم يستطع فبقلبه وذلك أضعف الايمان ))

والمؤمن لازم يكون قوي ويدافع عن دينه وعن كرامتع بكل قوة ... أنا مش مع كلامك الأخوات اللي يقولن

ما عليك الا الدعء مع احترامي ليهم لأن الدعاء لما يكون ما فيش في امكانك شي تديريه وتقدري ياما تديري

هم للأسف يعتقدوا ان نحن كمسلمين نكرهوهم وما نحبوش رسولهم ونسيؤا ليهم مع ان المسلم الصح

عكس هكي... ممكن تمشي لصاحب المحل وتحكي معاه بالهادي الله توضحيله ان نحن ما نكرهوا المسيح لأنهم مسيح

وفي حياتنا ما أسأنا لسيدنا عيسى عليه السلام وان اللي يصير من ارهاب وجرائم تحت اسم الاسلام هو

حملة لايقاع الفتنة بين المسلم والمسيحي والرسول زمان عليه السلام أكل من مآدبهم وجاورهم

وفي حياته ما أساء لمسيحي ونحاول نبين جوهر الاسلام وحقيقته وصدقيني ممكن يكون انسان عاقل اللي

يسمع فيك وتنفي تهمة الارهاب عن المسلمين لأن المسلمين في العالم عددهم ملايين واللي

طلعوا منهم كارهابيين عدد شوية يعني المفروض ما نحكم عالكثير من قليل

ربي يساعدك بس صدقيني هذي فرصتك عشان تقدمي شي لدينك ولرسولك الكريم واستغليها

لأني لو كنت مكانك كنت حندير هكي وأكثر و ما تنسيش ان ربي يوم الحساب حيسألنا شن قدمتوا لدينكم

ربي يوفقك يا رب وسامحيني عالاطالة بس لأن الموضوع هذا يأثر فيا بشكل مش عادي