[تطبيق] المــيــدافــيــكـ من مطبخ سحابه للاخت سوار
حبوباتي انا من مدة شفت لاحد المنتديات هدي الكيكة لاخت سوار وعجبتني وحبيت انطبقها وقلا لازم انوريلكم التطلبق وان شاء الله يعجبكم
60 جرام زبدة حيوانية , كوب سكر , ملعقتين عسل , تلاتة بيضات , ملعقتين ضغار بيكنغ باودر , تلات أكواب دقيق
في حمام مائي نحطوا الزبدة والسكر مع بعض على نار هاااااااادية ونحركوا , بعدين نضيفوا البيض , ونقعدوا نحركوا لين يدوب السكر والزبدة ,
http://www.libyan-kitchen.com/gallery/images/3lrl.gif
http://www.libyan-kitchen.com/gallery/images/1jwj.gif
http://www.libyan-kitchen.com/gallery/images/4yvy.gif
نضيفوا العسل , نحركوا شوية , بعدين نضيفوا البيكنغ باودر حتزيد الكمية للضعف
http://www.libyan-kitchen.com/gallery/images/8rjr.gif
واحني قاعدين توا مدايرين الحمام المائي , نضيفوا كوبين دقيق ,, نحركوا نحركوا لين تتكون عجينة زي العصيدة ,, نحركوا وبعدين نقيموها من فوق النار ونضيفوا الكوب التالت للدقيقة ,, نعجنوها كويس ,,
http://www.libyan-kitchen.com/gallery/images/5yvy.gif
ونقسموا العجينة لتمانية قطع
ناخدوا قاعدة طاجين التشيز كيك وندهنوها بالزبدة , بعدين ناخدوا بالقطعة نطرحوها عالقاعدة ,,
ونحدفوها للكوشة حوالي خمسة دقايق
http://www.libyan-kitchen.com/gallery/images/6zfz.gif
لين حواشي العجينة يتدهبوا
http://www.libyan-kitchen.com/gallery/images/7ccc.gif
, ونكرروا العملية بالنسسبة للقطع التمانية كلها ,, وهكي يكون طلع معانا هالطبقات اهما
http://www.libyan-kitchen.com/gallery/images/9aca.gif
نجوا للكريمة ,, مقاديرها :
كوب سكر , بيضة , ملعقة دقيق ,كوب ونص حليب , 250 جرام زبدة
ناخدوا السكر والدقيق و الدحية , والحليب نحركوهم عالنار , لين تولي خاترة , نقيموها من على النار ,ونيضفوا الزبدة ونقعدوا نحركوا نحركوا كووويس
http://www.libyan-kitchen.com/gallery/images/2bcb.gif
أني ضفت للكريمة لوز مهروش ,, كل واحد براحته اللي يساعدك واللي عيلتك يحبوه
توا ناخدوا طبقة من الطبقات اللي درناهم , ونحطوها في صونية كبيرة , ونحطوا فوق الطبقة هادي كريمة ,, نوزعوها كويس , بعدين نحطوا طبقة تانية فوق الكريمة ,, ونصبوا عليها كريمة ونوزعوها ,, وهكدا ,,
طبقة عجينة طبقة كريمة طبقة عجينة طبقة كريمة ,, لييين توصلوا في آخر طبقة وصبوا الكريمة كلللها ,, زينوها باللوز من فوق ,, واحدفوها للتلاجة ساعتين وكولوها وهي باااااااااااررردة بنة مش عادية
http://www.libyan-kitchen.com/gallery/images/10.gif
ملاحطة
الزبدة لازم اتكون من نوعيه الجيدة