مشاركة العيد لركن المقبلات والسلطات والشوربات الليبية [ القديد من مطبخ أم يمنى ]
كل عام والجميع بخير :
يوم عيد الاضحى المبارك ,وبعد أن ذبحنا الاضحية , أخذت تبلت قطع اللحم ,
ونشرتها فى الفراندا ( مع ان الفراندا صغيرة جدا بس حاولت وتحديت الكل ونجحت ) .
خذيت المنشرة وحطيت عليها نايلون ونشرت اللحم , وخليته و كنت فرحانة بيه ونطلع كل شوية ونقلبه نين جف من جميع الجهات ,
بعد 4 أيام نزلت اللحيمات وغسلتهم بمية سخونة وصفيتهم وبعدين شحرتهم ع النار وصبيت عليهم زيت نين غطاهم وأخيرا طيبت قديدى ,
وكل صبح نقلى الدحى بالقديد , نين كبدهم درهت وقالوا (غيرينا ع القلايا ).
, وتشجعت صاحباتى وداروه , وعاد كل وحدة ذوقت الثانية من قديدها .
وهذه الصور توضح عمل قديدى , وسلامتكم .
ماتخافوش هذا وجه الخروف سالخينه , واحنى فى ليبيا نشوطوا فيه ع النار .