عرض للطباعة
السلام عليكم ورحمة الله
خواتي الطيبات كيف احوالكم
ورمضان كريم علينا وعليكم
نبي منكم طريقة عمل الفليفلة هذا اسمها تقريبا
وهي عبارة عن لحم مفروم فوقه جبن شرائح وحبة زيتون وحوليه شرئحة فلفل حلو
وبنسال عن عجينة الباف هل هي من دون خمائر
وينعاد عليكم بالصحة والسلامة
وعليك السلام وخيتي
بالنسبة للفليفلة هي فلفل حلو امبطن
وتعرفي اليوم غذاي ياريتني صورته
اني حشيته لحم دجاج طايب مفروم مع شوية زيتون مفروم ومعدنوس مفروم واضافة مني زدت الجبنة المبشورة
وطبعا التوابل حسب الرغبة وشوية خبزة مرحية
تقصي الفلفل حلقات عريضة شوي مش هلبة وتحشيها بالحشوة بعدين تقلبيها في البيض والخبزة المرحية
وتقليها في شوي زيت أو تحطيها في الكوشة
وبعدين وزعي فوقها الجبنة والزيتون
ان شاء الله هذه الوصفة الي في بالك
بالنسبة لعجينة الباف ما فيها خمائر أكثر شيء فيها الزبدة وهي الي ادير طبقات تفتح وقت التطييب
ان شاء الله نكون أفدت وخيتي
ماشاءالله ام سارة ماقصرت
وديري خاصية البحث سوف تلقي كيف تعملي عجينة الباف
ويمكن تشريها جاهزة
يارك الله فيك ام سارة وفيتي وكفيتي
الصابرة نورتي ع المرور
ربي يسعدكم ورمضانكم مبروك
اتفلي وخياتي طباخة
لقيت لك هالطريقة لأم سحر ربي يبارك فيها
[امبطن الفليفلة بحشوة الدجاج] من مطبخ ام سحر