-
[دشيشة ]lمن مطبخ أم يمنى
http://www.libyan-kitchen.com/kitche.../images/li.gif
السلام عليكم :
أمس المغرب حسيت بشوي الجو بارد , خشيت المطبخ وقلت : هذا يوم الدشيشة .
بتقولوا : وين لقيتها .
وانى نتمشى ممكن من اسبوعين فاتوا فى السوق فجأة طلعتلى وكان أخر شئ نتوقع نلقاه ,
http://www.libyan-kitchen.com/gallery/images/1bfb.jpg
وطبعا خذيتها , ولكن لما روحت انحطت فى الدولاب ونسيتها , الى أمس صممت نديرها , ومن فترة مادرتها ممكن سنة , لما جبتها معاي من ليبيا , وكملت .
http://www.libyan-kitchen.com/gallery/images/2rgr.jpg
المقادير :
4 طماطم أخضر
2 رؤؤس فلفل حار
4 فصوص ثومة
2 بصلة
نصف كوب مية
http://www.libyan-kitchen.com/gallery/images/4zxz.jpg
خلطيهم فى الخلاط
خوذى الطنجرة حطى فيها 2 ملعقة دهان القديد
http://www.libyan-kitchen.com/gallery/images/3tlt.jpg
وبعدين ضيفى الخليط وخليه يغلى .
http://www.libyan-kitchen.com/gallery/images/5ojo.jpg
توا ضيفى المقادير :
ملعقة ملح
نصف ملعقة كركم
نصف ملعقة فلفل
2 ملعقة طماطم معجون
مية
خليهم يغلوا وضيفى لو حبيتى :
2 ملعقة بقدونس
2 ملعقة حبق
خضروات مشكلة
http://www.libyan-kitchen.com/gallery/images/6sqs.jpg
وكرافس ( ماحبيت طعمته فى الدشيشة )
http://www.libyan-kitchen.com/gallery/images/7eee.jpg
وضيفى الدشيشة ’ وهدى النار ع الاخر وخليها تطيب .
http://www.libyan-kitchen.com/gallery/images/8ufu.jpg
لما تطيب حطيها فى صونية لوح , وكلى بالهنا والشفاء.
http://www.libyan-kitchen.com/gallery/images/9scs.jpg
http://www.libyan-kitchen.com/gallery/images/10wkw.jpg
وسلامتكم .:D
-
الله يهبل منظرها وخاصة مع الخضار
هذا وقتها في الصقع
يسلموا ايدياتك
وصحة وعافية
-
يعطيك السلامة ياغالية تعرفي نشوف فيها وقريب نيبس من الصقععععععع
وهي الدشيشة مش عادية تنفع في هالقجمبري او السميطري او السقوطري تعددت الاسماء والصقع وااااحد
هههههههه احلى تقييم لاحلى ام يمووون في الدنيا
-
ماشاء الله عليك يا ام يمني
دشيشة اتجي فى الخاطر
نموت فيها الدشيشة ودشيشتك سهفتني مزبوط
ربي يعطيك صيحيتك ويمتعك بيها يارب
تسلم الايادي الى تلتف بالحرير
-
دشيشة عندنا يامرحبا يامرحبا
رياقتي نزلت هههههههههههههه
الصراحة تبان مش عادية بسم الله ماشاء الله
تستاهل التقييم هي وموضوع وإنتي
ومنورة كاعادتك أم يمونة
-
ماشاء الله يسلم ايديك
ياريت منها توة صوينية في هالزمهرير اللي عندنا
صحتين على قلوبكم
تستاهلي التقييم حبيبة
-
محلاها الدشيشة تهبل قداش ليا عليها شن اسم المحل يلي لقيتيها فيه يسلموا ايديك ما شاء الله
-
فكرتيني فيها ام يمنى
قداش ليا عليها واني حايرة شني اندير الوجبة
بسم الله ما شاء الله كاملة وسخينة من نارها الله عليها
-
الأحد 14 صفر 1433
سلم ايديك
بس الدشيشة هذه لا فيها لحم ولا قديد؟
-