[ مشاركة تشجيعية في مسابقة تجهيزاتك المطبخية لشهر رمضان والعيد] تجهيز الخبزة المرحية (البقسماط) من مطبخ أمـ ساره
السلام عليكم ورحمة الله وبركاته
http://www.libyan-kitchen.com/gallery/images/2wnw.gif
هذه طريقتي في تجهيز الخبزة المرحية (البقسماط)
ما فيه حاجات جديدة بس حبيت نشارك معاكم
أول شيء نحب نديرها واني مقعمزة مش واقفة في الكوجينة
http://i1159.photobucket.com/albums/...ithe/bread.gif
نيبس في الخبزة في الظل مش في الشمس وغالباً داخل البيت
ونحطها في كيس من القماش حتى تقعد نظيفة أو في صندوق الخبز المغلق بدون كيسة
وبعدها نحطها شوي في الفرن الساخن حوالي 5 او 7 دقائق
لنتأكد انها جفت من الداخل
وبعدها نحطلها في كيسة قماش
(( الكيسة هذه خيطتها لي جدة زوجي للخبزة وعاجبتني جداً ))
ندخل فيها الخبزة ونسكرها ونضربها بحلة العجين أو عمود المهراس لو توفر
http://i1159.photobucket.com/albums/...the/bread1.gif
وبعدها نحطها في ست البيت ونضربها لحد ما تترحى كويس
http://i1159.photobucket.com/albums/...the/bread2.gif
ثم نغربلها بغربال الدقيق أو صفاي فتحاته ضيقة شوي
http://i1159.photobucket.com/albums/...the/bread3.gif
تنزل الخبزة الرقيقة والي تقعد في الصفاي نحطها في حافظة بروحها للتغليف
والثانية للطاجين والكفتة والحاجات المعروفة
http://i1159.photobucket.com/albums/...the/bread4.gif
وهكي لين تكمل الكمية كلها
ونحطها في حافظات بلاستيك تتحمل البرودة
ومن ثم في الفريز أفضل شيء للتخزين في الصيف
أما في الشتاء عادي خارج الفريز
http://i1159.photobucket.com/albums/...the/bread5.gif
ولما بنستخدمها للسكالوب أو تغليف أي شيء للقلي نتبلها حسب الرغبة
كل مرة تتبيلة شكل وحسب نوع اللحم ونضيفلها معدنوس أخضر أو مجفف
ونغلف بيها بعد وضع اللحم (الدجاج - اللحم - السمك ) في البيض
http://i1159.photobucket.com/albums/...the/bread6.gif
وربي يتقبل منا ومنكم يارب
وربي يبلغنا رمضان لا فاقدين ولا مفقودين