[استفسار] عن ماء الورد

السلام عليكم حبيت نسألكم عن ماء الورد هل هيا نفسها ماء الزهر ؟؟؟ وشن هيا الاكلات االى تدخل فيها ؟؟ وهل موجود عندنا فى محلات طرابلس ماء ورد مقطرة تقطير يدوى مش صناعيا ؟؟؟

حبيبة بالنسبة لماء الورد مش هو نفسه ماء الزهر

وطبعا فيه في محلات طرابلس ماء ورد لكن الي نعرفه جاهز

أما لو يكون مقطر فأكيد بتكون فيه ناس مختصة بتقطيره

لكن اني ما نعرف حد للأسف

ان شاء الله البنات يفيدوك أكثر حبيبة

أهلين أختي..
ماء الورد... غير... ماء الزهر
واللي نعرفه يستعملو فيه في الحلويات بديل ماء الزهر
زي المقروض وغيره
(وبالنسبة ليا نفضل ماء الزهر عليه لأنه ماء الورد قوي شوية)
ويبيعو فيه في المحلات في طرابلس وهلبة مدن تانية
ان شاء الله نكون أفدتك
سلامات

هههههه أهي أم سارة سبقتني
بالنسبة للمقطر في المنزل نسمع يديرو فيه
لكن مانعرفش حد معين
وهل يبيعو فيه ولا لا
بس الجاهز متوفر

ماشاء الله الاخوات سبقونى
ونحب انضيف ان ماء الورد مفيد
جدا للبشره ويدخا فى العديد من
ماسكات البشره

ماشاءالله الوخيات ماقصرن
وانزيد عليهن ....
ماء الورد يتعاملوا به الاتراك اكثر شئ في حلوياتهم لكن نحن لان نكته قوية عادتا نستخدموا في ماء الزهر او ماء العطر
اما بالنسبة للمقطر لا اعرف لكن اعرف نوعية ممتازة وهيا قريبة للمقطر منزليا
وهو نوع سعودي ياتي في زجاجة طويلة خضراء اللون وبصراحة لا استخدم في غيرها
وزي ماذكرت اختي ترهونية حرة
فعلا مفيد للبشرة بشكل كبير

وانزيدك من الشعر بيت
ماحد خير من حد

لماء الورد فوائد كثيره منها ....

مسح الوجه كل يوم بقطنة يجعل البشرة
رائعه

شربه على الريق يفتح لون البشرة ويصفيها

يصغر المسام ومفيد
لحبوب الشباب

يزيل الانتفاخات بالعين عن طريق الكمادات

مفيد للرموش
والهالات السوداء

وايضا اذا وضعتيه مع النشاء كخلطه بعد نزع الشعر يعطي
نعمومه ويمنع الحساسيه

بالجلد.

اذا تعرض الجلد للتسلخات مفيد جداا
للاطفال والكبار ايضا وذلك بخلطه مع قليل من

النشاء ويعاد استعماله عدة
مرات متتاليه

ماء الورد من خواصه انه مبرد للجلد امن جداا مع الاطفال والكبار ومفيد جداا لمنع

الحكه وتخفيف الاحمرار بالجلد ورفع الجلد
الخشن

وشكرا

منقووووووووووووول

شكرا بارك الله فيكم ماقصرتو