بنحكيلكم قصتى :
بالامس درت الغذى عسلوز زينب طبقته بالحرف , ونال استحسان الكل ,
وهذا رابط الموضوع الاصلي
واليوم الغذى طبقت بازين الفول , ومانحكيلكمش قداش عجبنا كلنا ,
وهذا رابط الموضوع الاصلي
وتفاجئت قبل ساعتين بدعوة مفاجئة من راجلى عزمنى على فنجان شاى فى المارينا مول ,
وتوا كيف روحت ,وانى فرحانة , وبارك الله فيكم وربى يعطيكم الصحة .
ماشاء الله لاقوة الا بالله
كل طبق أحلى من الثاني
سلم ايدياتك حبوبة وايديات زوبة ربي يحفظها
وبالهني والعافية على قلوبكم
بالنسبة للصور بالشوي عليك وتو تتعلمي
تسلم ايدياتك وربى يخليكم لبعض وبالهنى على قلوبكم وربى يحفظ اختنا زينب
حويته مشا الله
معنديش الروح مع البازين بي انوعه
وشكل بازينك ايسفه
تم تصغير الصور والكتابة عليها
الحمد لله ان التطبيقات نجحت معاك ونالت استحسانكم
الله يسلم ايديك ويعطيك الصحة والعافية حبوبة
صحة وهناء على قلوبكم
يسلمو ايديك وايدين الغالية زوبة
تطبيقك في منتهى الروعة
ماشاء الله كل طبق احلي من التاني يسلم ايدياتك و وايديات زينب
وربي ايخليلك جوزك ويهنيكم ( لكن كان رفعتي الكاميرة شوي شبحناه هههههههه انبصر حبوبة راهو
وبعدين عنده الحق يعزمك المفتلكتيه الغدي والطعم اكيد احلي
هههههه )
بارك الله فيكن , على الردود الحلوة , أم سارة مشكورة جدا جدا وطبقت كل اللى قلتيلى عليه وبديت نعرف نصغرالصور ونزلها مشكورة كثير ,
أم عبد الله السلفية مشكورة حبيبتى على ردك ,ربى يخليلك عبد الله ان شاء الله ,
أم بيلسان (بيلسان ) اسم يجنن حلو ربى يخليك ان شاء الله وشكرا ع الرد ,
نانى 2007 مشكورة على الرد حبيبتى ,
وانتى ياسحوبة سامحينى قريب هبلتكم معاى لما كنت نفرفش وننزل فى الصور الكبيرة وما نعرفش نصغرها , وشكرا على وسعة بالكم معاى , وردك ضحكنى عطيك السلامة ,
وزينب نبيك تسامحينى هلبة تعبتك معاى واستنجدت بيك ع الخاص وكنتى حاضرة وعند حسن الظن بارك الله فيك ,وربى ان شاء يبارك فى عويلة المنتدى كلهم ومن أفضل لافضل ,باذن الله ,انى ما نعرفكمش لكن نحبكم نحبكم هلبة هلبة .
تسلم الايادي ياغالية صحة وهنا
والتطبيقات رووووووووووعة
تطبيق فى قمة الروعة بارك الله فيك عزيزتى